Isaias 42:11 - Maung A Balita Biblia

¹¹ Say kalawakan tan saray baley to et igalang da komun so Dios; igalang komun na saray totood Kedar! Saray totoon manaayam ed siudad na Sela et oneyag ira komun diad toktok na kapalandeyan lapud liket da!

Maung a Balita Biblia

¹¹ Say kalawakan tan saray baley to et igalang da komun so Dios; igalang komun na saray totood Kedar! Saray totoon manaayam ed siudad na Sela et oneyag ira komun diad toktok na kapalandeyan lapud liket da!

Isaias 42:11 Iomraidhean Croise

Genesis 25:23

Inkuan na Katawan ed sikato, “Duaran bansa so logan na eges mo; Mananak kay duaran bansan manlaban. Mabiskeg niy sakey ed sikaran dua; Manlingkur so pangulowan ed yogtan.”

Saray Salmo 120:5

Say piamung ed sikayo et singa kaoges na panayam ed Mesec o piamung ed saray taga Kedar!

Isaias 12:5

Kantaan yoy Katawan, lapud saray ginagawa ton matalonggaring. Ipaamta yo ya ed sankamundoan.

Isaias 16:1

Manlapud kalawakan ed siudad na Sela saray taga Moab et ama-iyakar ira na sakey a kordiron rigalo rad manooley ed Jerusalem.

Isaias 21:16

Insan inkuan ed siak na Katawan, “Diad loob na duga-rugan sakey taon mangangga so inkatalonggaring na saray tribu na Kedar.

Isaias 32:16

Say kaptekan tan say inkatonung so manari ed anggan iner a pasen na dalin.

Isaias 35:1

Manliket so kalawakan, tan ombuskag iray rosas diman.

Isaias 35:6

Manlukson singa ulsa iray piley, tan mankantad liket iray emel. Onagos iray kolus ed kalawakan;

Isaias 40:3

Sakey a bosis so mankelyaw, “Iparaan yod kalawakan so sakey a dalan a para Katawan! Linisan yo so dalan ed kalawakan a para Dios tayo!

Isaias 43:19

Talaranan yoy gawaen kon balo a bengatla. Nagagawa la—nanengneng yo la natan! Manggawa ak na dalan ed kalawakan tan itdan ta kayo na saray sobul diman.

Isaias 52:7

Agaylay abig a nengnengen so ibabaki ya onsasabin bebeltangen toy kapalandeyan a taruk toy maung a balita, say balita na kareenan! Ibabawag toy pananalo tan kuantod Sion, “Ari so Dios mo!”

Isaias 60:7

Amin da ray karniro ed Kedar tan Nebayot Niakar iran para bagat ed sika Tan nibagat irad altar a pamaliket ed Katawan. Pagmaliwen na Katawan a lalon mapagalang so Timplo to.

Jeremias 21:13

Sika, Jerusalem, manyodyorung kad pasen ya atagey nen saray patar, a singa baton-dampay ya atagey nen say palanas a dalin. Balet, siak, say Katawan, labanan ta ka. Ibabagam ya anggapoy makadogpa ed sika odino makaloob ed kawalaan mo.

Jeremias 48:28

“Sikayo ran taga Moab, taynanan yo ray baley yo! Laka yon manayam ed saray diking na kapalandeyan! Alig yo ray palekpek-punay a manobung ed saray gilig na kelas.

Jeremias 49:16

Pinalikdo ka na panagpaatagey mo. Anggapoy ontatakot ed sika ya aliwan singa iisipen mo. Manaayam kayod saray mabaton diking na kapalandeyan, atagey diad toktok na palandey; balet anggaman a manayam kayod atagtagey a singa kawalaay obung na agila, iyakseb kayo na Katawan. Say Katawan so nansalita.”

Jeremias 49:31

‘Gali la! Dogpaan tayo ra man a totoon mambibilay ed kareenan tan arawid kaatapan. Anggapoy kaput odino tarangka iray puirtay siudad da; sigput ya anggapoy mangyagel ed sikara.’

Ezekiel 27:21

Saray taga Arabia tan saray manoley ed dalin na Kedar et imbayar dad saray lakom iray kordiro, karniro, tan kanding.

Obadias 1:3

Pinalikdo ka na panagpaatagey mo. Manaayam ka ed tirinsiran malmalet a baton-dampay; walad toktok na saray palandey so abung mo, kanyan kuanmod sikan dili, ‘Siopay makapangileksab ed siak?’

Nahum 1:15

Bantag yo, onsasabid kapalandeyan so sakey ya ibabakin sankaawit toy maung a balita! Wala lad dalan a mangibawag na pananalo! Totood Juda, silibraan yo ray pista yo tan iter yoy sinambaan yon iter ed Dios, ta ag lan balut nalooban na saray totoon maoges so dalin yo. Sigput la ran aderal!