Isaias 41:22 - Maung A Balita Biblia

²² Gali dia, ta ipasakbay yo no antoy nagawa, pian naamtaan mi no nagawa la. Ipaliwawa yod korti no anto ray agawa ed imbeneg a panaon, tan ibaga yod sikami ray kabaliksan da.

Maung a Balita Biblia

²² Gali dia, ta ipasakbay yo no antoy nagawa, pian naamtaan mi no nagawa la. Ipaliwawa yod korti no anto ray agawa ed imbeneg a panaon, tan ibaga yod sikami ray kabaliksan da.

Isaias 41:22 Iomraidhean Croise

Isaias 41:26

Siopad sikayoy nampasakbay a nagawa ya, pian nibaga mi a dugay impasakbay yo? Anggapod sikayoy akasalita na nipaakar ed saya; anggapoy akadngel a walay imbaga yo!

Isaias 42:9

Tinmua la natan iray impapasakbay ko. Ibagak ed sikayo natan iray balon bengatla anggan kasakbayan na igapoy pakagawa ra.”

Isaias 44:7

Nayarian ta na siopaman a gawaen so singa ginawak? Siopay akapangipasakbay ed amin ya agawa nanlapud gapo ya anggad samput na panaon?

Isaias 45:21

Dago kayo tan iparontal yod korti so dalem yo; mampapanonan komun iray nidalem. Siopay abayag lan angipasakbay ed agawa? Aliwa tan siak, say Katawan, say Dios so mangilalaban ed saray totoo to? Anggapo lay arum a Dios likud ed siak.

Isaias 45:22

“Pawil kayod siak natan, et nilaban kayo, amin yon totoo ed intiron mundo! Siak labat so Dios, anggapo lay arum.

Isaias 46:10

Nanlapud gapo impasakbay koy pansumpalan; abayag ko lan impasakbay no antoy nagawa. Imbagak a nasumpal a nasumpal iray planok; imbagak a gawaen kon gawaen iray amin a ginetmak a gawaen.

Isaias 48:14

“Mantitipon kayo, amin yo, tan dengel yo ak! Anggapod saray diriyos so makapangipasakbay a say toon pinilik et dogpaan toy Babilonia; sumpalen to so labay kon pagawad sikato.

Isaias 48:3

Say Katawan kuantod Israel, “Abaybayag ko lan impasakbay no anto ray nagawa; insan kabebekta, ginawak ira.

Juan 13:19

Ibabagak la yad sikayo natan kasakbayan a nagawa, pian no nagawa la, manisia kayon ‘Siak si Siak’.

Juan 16:14

Pagalangan to ak, ta alaen tod siak iray salitaen tod sikayo.