Isaias 41:19 - Maung A Balita Biblia

¹⁹ Patuboen kod kalawakan iray sidro, akasia, mirto, tan saray oliba. Magmaliw a takel so dalin ya anggapoy tanaman, natuboan na saleng, sipris, tan olmo.

Maung a Balita Biblia

¹⁹ Patuboen kod kalawakan iray sidro, akasia, mirto, tan saray oliba. Magmaliw a takel so dalin ya anggapoy tanaman, natuboan na saleng, sipris, tan olmo.

Isaias 41:19 Iomraidhean Croise

Isaias 27:6

Diad saray agew ya onsabi saray totood Israel a kabyangan iray boleg nen Jacob et manlamut iran singa kiew, insan ira manrosas tan mansimit. Say sankamundoan napano na bunga ra.

Isaias 32:15

Balet maminsan nin ibaki na Dios ed sikatayo so ispiritu to. Magmaliw a mataban dalin so kalawakan, tan mangiter na marakep a bunga iray kaalogan.

Isaias 35:1

Manliket so kalawakan, tan ombuskag iray rosas diman.

Isaias 43:19

Talaranan yoy gawaen kon balo a bengatla. Nagagawa la—nanengneng yo la natan! Manggawa ak na dalan ed kalawakan tan itdan ta kayo na saray sobul diman.

Isaias 51:3

“Kasian ko so Jerusalem saray amin a manaayam ed saray deral-deral to. Anggaman a kalawakan so dalin to, gawaen ko a sakey a tanamanan, singa samay tanamanan a ginawak ed Eden. Niwalad man so liket tan gayaga, tan saray kantan pangidayew tan pisalamat ed siak.

Isaias 55:13

Ontubo ray kiew a sipris ed pasen a kawalaan da ray sabitan natan; ontubo ray kiew a mirtil ed pasen a totobuan natan na saray ambabaing. Sikato yay tanda a mansiansia lawas, sakey a tanda a mangipanunot ed ginawak, siak a Katawan.”

Isaias 60:13

“Saray kiew a saleng, sipris, juniper, Saray sankaabigan a kiew ed katakelan na Libano, Et niakar ira a pamaalagey lamet ed sika, O Jerusalem, Pamarakep ira ed Timplok, Pian magmaliw a galgalangen so siudad ko.

Isaias 60:21

Magmaliw a matonung ya amin iray totoo, Tan kayaryanen dan ando lan ando so dalin. Intanem ko ra, ginawak ira, A mangipatnag ed amin a totoo na inkatalonggaring ko.

Isaias 61:11

Anggapoy duaruwa ya ombasik tan ontubo iray bokel a nisibwag ed dalin, Ontan met ya anggapoy duaruwan ilaban na Katawan a Dios iray totoo to, Tan idayew na amin da ray bansa.

Isaias 61:3

A mangiter ed saray maneermen ed Sion Na liket tan gayaga, aliwan ermen, Sakey a kanta na dayew, aliwan ermen. Magmaliw iran singa saray kiew A say Katawan a dili so angitanem. Say inkatonung so gawaen dan amin, Tan nadayew so Dios lapud ginawa to.

Ezekiel 47:12

Diad nantopag a pandel na kolus ontubon amin iray klasiy kiew a maniter na tagano. Ag balut nalenes iray bolung da, tan ag iran balut ontondan mambunga. Binolan iran maniter na kapamborbor a bunga, lapud nasasalog ira na managagos a danum a manlalapud Timplo. Maniter na tagano iray may kakiewan, tan nikanan tambal na totoo iray bolung da.”

Oseas 14:8

Saray totood Israel et anggapo lay pibali ra ed saray talintaoy diriyos; ebatan ko ray pikakasi ra tan talimaen ko ra. Singa ak malamlambut a kiew a manalimbeng ed sikara. Siak so panlapwan na saray bindision a para sikara.”

Zacarias 1:8

Anengneng koy sakey ya anghil na Katawan ya akakabayod ambalangan kabayo. Tinmondad kawalaan da ray kiew a mirto diad sakey a patar, tan diad nibeneg to wala ray arum a kabayo; wala ray ambalanga, batekan, tan ampoti.