Isaias 41:17 - Maung A Balita Biblia

¹⁷ “No diad pankaukolan na saray totook et mananap ira na danum, no amaga lay kolokolung da lapud inkapgaan, siak ed satan a Katawan et ebatan koy pikakasi ra; siak, a Dios na Israel et ag ko ran balut ikaindan.

Maung a Balita Biblia

¹⁷ No diad pankaukolan na saray totook et mananap ira na danum, no amaga lay kolokolung da lapud inkapgaan, siak ed satan a Katawan et ebatan koy pikakasi ra; siak, a Dios na Israel et ag ko ran balut ikaindan.

Isaias 41:17 Iomraidhean Croise

Genesis 28:15

Ag mo lilingwanan a wala ak ed sika tan iyagel ta kad inerman a laen mo, tan ipawil ta kad sayan dalin. Ag ta ka taynan, anggad pakasumpal kon gawaen ya amin iray insipan kod sika.”

1 Saray Arari 17:8

Insan inkuan na Katawan ed kinen Elias,

2 Saray Awaran 6:17

Kanyan pikasik ed sika, O Katawan a Dios na Israel, a sumpal mo pay amin ya insipan mod kinen David ya aripen mo.

Saray Salmo 22:15

Say kolukolung ko et amagaan a singa dabuk, tan ompepeket so dilak ed tawen-tawen ko. Tinaynan mo ak ya ompapatey ed dabuk.

Saray Salmo 34:6

Ontatawag ed sikato iray doroka, et eebatan to ra; ilalaban to ra ed amin a gunigon da.

Saray Salmo 37:25

Aliwa ak lan ogaw; masiken ak la, balet ag ko ni akanengneng na toon matonung ya inkainday Katawan, odino mipapayabol na nakan iray anak to.

Saray Salmo 42:2

Pampilpilalekan ta ka, say Dios a mabilay. Kapigay pakaonlak ed arap mo a mangigalang ed sika?

Saray Salmo 50:15

Tawag kayod siak no onsabiy gunigon; ilaban ta kayo, et idayew yo ak.”

Saray Salmo 74:21

Ag mo pa iyaabuloy a nabaingan iray napapairap; iyabuloy mo pan idayew ka na sarayan mairap-bilay tan saray walad pankaukolan.

Saray Salmo 94:14

Ag paolyan na Katawan iray totoo to; ag to ikaindan iray totoon kayaryan to.

Exodo 17:3

Balet mapalaloy inkapgaan na saray totoo, kanyan intuloy day nanriklamo ed kinen Moises. Inkuanda, “Akin et impaway mo kamid Egipto? Pian napatey mo kamid eras, sikami, saray anak mi, tan saray ayayep mi?”

Exodo 17:6

Manalagey ak ed arap mo diad tapew na sakey a baton-dampay ed palandey na Sinai. Pekpek mo so baton-dampay, et ompaway diman so danum ya inomen na saray totoo.” Ginawa nen Moises imay imbaga na Katawan diad arapan na saramay pangulo na Israel.

Isaias 30:19

Ag kayo la onakis, sikayo ran totoon manaayam ed Jerusalem. Mapangasi so Katawan, et no onkerew kayod sikato na tulong, ebatan to kayo.

Isaias 42:16

“Itabin ko ray bulag a totook diad saray dalan ya ag da nin balut nanakaran. Pagmaliwen kon liwawa so bilonget da tan pataren koy matibagkul a dalin da. Sikara yay sipan ko, et sumpalen ko ran sumpalen.

Isaias 43:20

Igalang ak na anggan saray ayayep ed katakelan; idayew ak na saray asod katakelan tan saray abistrus no saray ilog et paagosen kod kalawakan, pian naitdan na danum iray totook a pinilik.

Isaias 44:3

“Itdan ko na danum so amagamagan dalin tan paagosen ko so kinmelang a dalin na sobul na danum. Ikalbok ed saray anak mo so ispirituk; iter kod saray kabyangay boleg mo so bindision ko.

Isaias 48:21

Nen inwanwan na Katawan ed kalawakan iray totoo to, ag da asaliy napgaan. Pinapaway ton para sikara so danum ed baton-dampay; nilengat toy baton-dampay, et inmagos so danum.

Isaias 49:10

ag iran balut naerasan odino naapgaan. Ag ira napasakitan na petang na agew tan makasinit a dagem, ta iwanwan ira na samay maarod sikara. Iwanwan to rad abay na sobul na danum.

Isaias 55:1

Say Katawan kuanto, “Dago kayo, amin yon napgaan—niay danum! Dago kayo, sikayon anggapoy kuarta— manaliw kayoy trigo tan mangan kayo! Dago kayo! Manaliw kayoy alak tan gatas— anggapoy nepeg yon bayaran!

Isaias 58:11

Iwanwan ta kayo lawas tan penekan ta kayo na maabig iran bengatla. Pansiansiaen ta kayon mabiskeg. Magmaliw kayon singa sakey a tanamanan a walay daakan a danum to, singa sobul na danum ya ag balut naekatan.

Isaias 61:1

Say Katawan a Dios pinano to ak na ispiritu to. Pinili to ak tan imbaki to ak A mangibagad saray mairap-bilay na maung a balita. Mamaabig ed saray maermen, Mangibawag na kawayangan ed saray adakep Tan mangibolus ed saray priso.

Isaias 62:12

Natawag kayo na “Saray Masanton Totoo Na Dios,” “Saray Totoon Inlaban na Katawan.” Say Jerusalem natawag na “Say Siudad Ya Inaro Na Dios,” “Say Siudad Ya Ag Pinaolyan Na Dios.”

Isaias 65:13

Kanyan ibagak ed sikayo a saray mangigagalang tan mangoonur ed siak et nawalaan ira na daakan a nakan tan nainom, balet naerasan tan naapgaan kayo. Manliket ira, balet napelag kayod kababaingan.

Isaias 65:24

Anggan ag ni ra asumpal a mampipikasi ed siak, ebatan ko la ray pikakasi ra.

Isaias 66:2

Siak a dili so amalsad sansinakuban. Maliket ak ed saray mapaabeba tan magbabawi, saray walay takot tan mangoonur ed siak.

Jeremias 31:25

Pasimbaloen koy liknaan da ray mapagpaga, tan peneken koy kakanen iray makapkapoy lad eras.

Saray Tagleey 4:4

Inabuloyan dan inaatey ed eras tan inkapgaan iray anak dan kapangyanak; mikekerew na nakan iray anak da, balet anggapoy mangiter ed sikara.

Ezekiel 47:8

Inkuantod siak, “Sayan danum onaagos ed bandad bokig ya anggad Patar na Jordan tan diad Inatey a Dayat. No kaagos tod Inatey a Dayat, salatan tod man so danum a maasin na matabang a danum.

Mateo 5:3

“Maliket iray mamibirbir na pankaukolan dad maispiritu ran bengatla, ta kayaryan day Panarian na tawen!

Mateo 5:6

“Maliket iray mampipilalek a manumpal na linaway Dios, ta iter tod sikaray pampilalekan da!

Lucas 16:24

Inkuanton iningal, ‘Ama Abraham, kasian mo ak pa! Ibakim pay Lazaro ya idelnet toy ngoroy tamoro tod danum ta pabtelan toy dilak, ta agaylay paniirap kod sayan apoy!’

2 CORINTO 12:9

balet onyay ebat to: “Say baleg a panangarok labat so nakaukolan mo, ta say pakayarik et sankabiskegan ya ontulong no makapoy ka.” Malikeliket ak sirin a mangipasirayew ed saray kakapoyan ko, pian naliknak so panangyagel ed siak na pakayari nen Cristo.

Puyan 21:6

Inkuanto nid siak, “Asumpal la! Siak so Alpha tan say Omega, say gapo tan say samput. Siopamay napgaan itdan ko na anggapoy bayar a danum a manlapud sobul na danum na bilay.

Puyan 22:17

Inkuan na Ispiritu tan say Nobia, “Gala dia!” Nepeg ya amin da ray makadngel ed saya ikuanda met, “Gala dia!” Siopamay napgaan, onasingger; siopamay malabay, mangala na anggapoy bayar a danum na bilay.