Isaias 41:14 - Maung A Balita Biblia

¹⁴ Say Katawan kuanto, “Daiset may makapoy kayon Israelita, ag kayo natatakot, tulongan ta kayo. Siak, say masanton Dios na Israel, so mangyaagel ed sikayo.

Maung a Balita Biblia

¹⁴ Say Katawan kuanto, Daiset may makapoy kayon Israelita, ag kayo natatakot, tulongan ta kayo. Siak, say masanton Dios na Israel, so mangyaagel ed sikayo.

Isaias 41:14 Iomraidhean Croise

Say Libro nen Job 19:25

Balet amtak a walad tawen so sakey a manangyagel ko, onsabid kaonuran a mangyagel ed siak.

Say Libro nen Job 25:6

Insan lad saray totoo a sakey a bigis, sakey ya alombayar? Mabli kasi ed arap na Dios?

Saray Salmo 19:14

Makapaliket komun ed sika iray salitak tan saray kanunotan ko, O Katawan a salimbengan ko tan mananondon ko!

Saray Salmo 22:6

Balet aliwa ak lan sakey a too; sakey ak lan alumbayar, a balbalawen tan pabpabaingan na saray totoo!

Saray Salmo 46:5

Walad saman a siudad so Dios, kanyan ag balut naderal, tan diad palbangon laen ton tulongan.

Saray Salmo 78:35

Anunotan dan say Dios so manangyagel da, tan say Makapanyarin-amin so dinmagon tinmulong ed sikara.

Isaias 35:10

Magayaga ran makasabid Jerusalem, mangankanta tan maneyag-eyag irad liket da. Manliket iran ando lan ando, naandi lan anggad angga so ermen tan dageyem.

Isaias 37:4

Imbaki na impirador na Asiria so manonan opisyal to ya amabaing ed mabilay a Dios. Nadngel komun na Katawan a Dios mo ira man a panamabaing tan dusaen to ra may nansalita. Kanyan ipikasim pad Dios iray nakdaan a totoo tayo.”

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Isaias 43:14

Say masanton Dios na Israel, say Katawan a Mananondon yo, kuanto, “Diad pangilaban kod sikayo, mangibaki ak na saray sondalo a mibakal ed Babilonia; igebak iray puirta na siudad, et magmaliw ya akis so eyag na saray totoo to.

Isaias 43:3

Ta siak so Katawan a Dios mo, say masanton Dios na Israel, a mangilalaban ed sika. Ipatalok so Egipto, Etiopia tan Seba pian narondon ka.

Isaias 44:22

Saray kasalanan mo et impapalir ko ra a singa lorem. Pawil kad siak; siak so mangilalaban ed sika.”

Isaias 44:24

“Siak so Katawan a manangilaban mo; siak so amalsad sika. Siak so Katawan a Manamalsad amin a bengatla. Siak labat so angipanat ed katawenan; nen pinalsak so mundo, anggapoy tinmulong ed siak.

Isaias 44:6

Say Katawan a manooley tan mangyaagel ed Israel, say Katawan a Makapanyarin-amin, kuanto, “Siak so sankaonaan tan say sankaonuran; anggapo lay arum a Dios no ag say siak labat.

Isaias 47:4

Imbolus itayo na masanton Dios na Israel— say ngaran to et Yahweh a Makapanyarin-amin.

Isaias 48:17

Say masanton Dios na Israel, say Katawan a Mananondon yo, kuanto: “Siak so Katawan a Dios yo, say Dios a mangibangat ed sikayo ed pankaabigan yo tan sikatoy mangiwanwan ed dalan na panagbilay a nepeg yon tombuken.

Isaias 49:26

Pagmaliwen kon mampapateyan iray mamapairap ed sikayo; nabuek irad pampatey na too. Diad satan naamtaan na amin a katoowan a siak so Katawan, say Mananondon tan Manangilaban yo. Naamtaan da a siak so makapanyarin Dios na Israel.”

Isaias 49:7

Say masanton Dios tan manangilaban na Israel kuanto ed bansan mapalaloy kababalaw to, a kabosul na saray bansa tan aripen na saray manoley: “Saray arari nanengneng dan nibolus ka tan onalagey ira diad pamagalang da; nanengneng met na saray prinsipi so kabolus mo tan ondakmomo ra diad pangigalang dad sika.” Nagawa ya lapud say Katawan pinili toy aripen to; say masanton Dios na Israel susumpalen to ray sipan to.

Isaias 54:5

Magmaliw a singa asawam a laki so Amalsad sika— Yahweh a Makapanyarin-amin so ngaran to. Ilaban ka na masanton Dios na Israel— sikatoy manoley ed intiron mundo.

Isaias 54:8

Diad maganon bekta tinaynan ta kan walay pasnuk ko, balet andi-anggaan kon ipanengneng so panangarok ed sika.” Saya sirin so ibabaga na Katawan a mangilalaban ed sika.

Isaias 59:20

Say Katawan kuantod saray totoo to, “Onla ak ed Jerusalem a mangyagel tan mangilaban ed amin yon angibeneg ed saray kasalanan yo.

Isaias 60:16

Talimaen ka na saray bansa tan saray arari A singa pangaasikaso na ina ed anak ton melag. Naamtaan mo a siak, so angilaban ed sika, Ya ibobolus ka na makapanyarin Dios na Israel.

Isaias 63:16

Sika so ama mi. Ag kami bibirbiren na saray lalaki min di Abraham tan Jacob, balet sika, Katawan, so ama mi; sika lawas so mangyaagel ed sikami.

Jeremias 46:27

“Sikayo ran totook, ag kayo natatakot, totood Israel, ag kayo ontatalaw. Iyagel ta kayo ed saman ya araw-dawin pasen, diad saman a dalin ya akaprisoan yo. Ompawil kayod dalin yo, tan mareen so panayam yo; niarawi kayod kaatapan, tan anggapo lay manaktakot ed sikayo.

Jeremias 50:34

Balet mabiskeg so mangyagel ed sikara—Yahweh a Makapanyarin-amin so ngaran to. Sikaton diliy mangyalagey ed sikara tan mangyakar na kareenan ed mundo, balet gunigon so iyakar tod saray taga Babilonia.”

Saray Tagleey 3:57

Inebatan mo ak tan imbagam ed siak ya ag ak ontakot.

Daniel 10:12

Insan inkuanto, “Daniel, ag ka natatakot. Dinengel na Dios so pikakasim nanlapu lad samay ononan agew na impanpaabebam, pian nawalaan kay maung a pakatalus. Ebat na pikakasim so inyakar ko dia.

Oseas 11:9

Ag ta ka dusaen ed pasnuk ko; ag ko la deralen lamet so Israel, Ta Dios ak, aliwan too. Siak a Masanton Dios, wala ed sika. Ag ta ka dagoen a deralen.

Mateo 7:14

Balet mainget so puirta tan mairap so dalan a mamaarap ed bilay, tan dagdaiset iray makakalmod sayan dalan.”

Lucas 12:32

“Ag kayo natatakot, sikayon pigaran papastolan ko, ta maliket so Ama yon mangiter ed sikayo na Panarian.

Saray Taga Roma 9:27

Onya met so imbawag nen Isaias nipaakar ed Israel: “Anggan magmaliw a singa karakel na buer ed dayat so bilang da ray totood Israel, daiset ed sikara so nilaban.

TAGA GALACIA 3:13

Dinondon to itayo nen Cristo manlapud samban iter na Ganggan nen sikatoy adusa a singa sakey ya nisamba para sikatayo; ta ibabagay Masanton Sulat, “Nisamba na Dios so siopaman a nibitin ed kiew.”

Deuteronomio 7:7

“Say Katawan inaro tan pinili to kayo, aliwan lapud dakel kayo ni nen saray arum a totood arum a bansa, ta sikayoy sankamelagan a bansa diad tapew na dalin.

Tito 2:14

Imbagat to para sikatayo so bilay to, pian narondon to itayod amin a kaogsan tan pagmaliwen to itayon malinis a totoo, totoon sikato labat so akankayaryan tan mapaga rad panggaway kamaungan.

Josue 17:18

Niiter a kayaryan yo so kapokdulan a pasen. Anggaman a matakel, nalinisan yo tan nakaryaryan yo manlapud sakey a samput ya anggad sananey a samput. No nipaakar ed saray Cananeo, napataynan yo ra anggaman a wala ray balatyang a karwahi ra tan mabiskeg iran totoo.”

Puyan 5:9

Kinanta ra yan balon kanta: “Sikay manepeg a mangalay babasaen a nilokut tan mangekal ed saray timbri to. Lapud pinatey ka, tan diad panamegley na dalam, dinondon mon para Dios iray katoowan, a manlapud amin a boleg, salita, totoo, tan bansa.