Isaias 41:13 - Maung A Balita Biblia

¹³ Siak so Katawan a Dios yo; Pabiskegen ta kayo tan ibagak ed sikayo, ‘Ag kayo natatakot; tulongan ta kayo.’”

Maung a Balita Biblia

¹³ Siak so Katawan a Dios yo; Pabiskegen ta kayo tan ibagak ed sikayo, Ag kayo natatakot; tulongan ta kayo.

Isaias 41:13 Iomraidhean Croise

Saray Salmo 109:31

ta iyaagel toy toon mairap-bilay tan ilalaban tod saray manisintinsiad sikaton ompatey.

Saray Salmo 118:7

Say Katawan so ontutulong ed siak, et nanengneng koy katalo da ray kalaban ko.

Saray Salmo 63:8

Ompepeket ak ed sika, et aampayaen ak na saray limam.

Saray Salmo 73:23

Anggaman ontan siansian kaiba ta ka lawas, tan itatabin mo ak.

Exodo 14:13

Inmebat si Moises, “Ag kayo natatakot! Pakpel yoy linawa yo, et nanengneng yo no antoy gawaen na Katawan a pangilaban tod sikayo ed sayan agew; ag yo la napidwan nanengneng ira yan Egipsio.

Exodo 20:20

Inmebat si Moises, “Ag kayo natatakot; sinmabi so Dios, ta suboken to kayo tan labay to kayon mangonur lawas ed sikato, pian ag kayo mankasalanan.”

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Isaias 42:6

“Siak, say Katawan, tinawag ta ka tan initdan ta kay pakayari a mangipakurang na inkatonung ed tapew na dalin. Diad panamegley mo misipanan ak ed amin da ray katoowan; diad panamegley mo mangyakar ak na silew ed saray bansa.

Isaias 43:6

Ibagak ed baybay ya ibolus to ra tan ibagak met ed abalaten ya ag to ra popokpokan. Ibagak ya abuloyan da ray totook ya ompawil a manlapud saray arawin dalin, ompawil iran manlapud amin a sokung na mundo.

Isaias 45:1

Say Katawan pinili ton manari si Ciro. Tinoro to a manakep ed saray bansa; ibabaki ton mangekal na pakayari da ray arari; ilokas na Katawan iray puirta na saray siudad a looban nen Ciro. Say Katawan kuantod kinen Ciro.

Isaias 51:18

Anggapoy mangiwanwan ed sika, anggapod saray totoom so mangitabin ed sika.

Jeremias 30:10

“Totook, ag kayo natatakot; totood Israel, ag kayo nasesegawan. Iyagel ta kayod saman ya arawin lugar, diad saman a dalin ya akaprisoan yo. Ompawil kayod dalin yo tan manayam kayod man a walay kareenan; niarawi kayod kaatapan, tan anggapoy manaktakot ed sikayo.

Jeremias 46:27

“Sikayo ran totook, ag kayo natatakot, totood Israel, ag kayo ontatalaw. Iyagel ta kayo ed saman ya araw-dawin pasen, diad saman a dalin ya akaprisoan yo. Ompawil kayod dalin yo, tan mareen so panayam yo; niarawi kayod kaatapan, tan anggapo lay manaktakot ed sikayo.

Aggeo 2:5

Nen pinmaway kayod Egipto insipan kon siak so kaiba yo lawas. Siak ni so kaiba yo, kanyan ag kayo natatakot.

2 Timoteo 4:17

Balet inibaan tan pinabiskeg ak na Katawan, kanyan ayarian kon impulong a sigput so salita, pian narengel na saray amin a Hintil; tan nilaban ak ed sangiy lion.