Isaias 41:1 - Maung A Balita Biblia

¹ Say Dios kuanto, “Mandeen kayo tan dengel yo ak, sikayo ran arawin dalin! Mamparaan kayon mangiparontal na kaso yo ed korti; nawalaan kayoy pankanawnawan mansalita. Mantitipon tayon manimbang no siopay walad katonungan.

Maung a Balita Biblia

¹ Say Dios kuanto, Mandeen kayo tan dengel yo ak, sikayo ran arawin dalin! Mamparaan kayon mangiparontal na kaso yo ed korti; nawalaan kayoy pankanawnawan mansalita. Mantitipon tayon manimbang no siopay walad katonungan.

Isaias 41:1 Iomraidhean Croise

Say Libro nen Job 38:3

Alagey kan sakey a laki, ta ebatan mo ray tepeten kod sika.

Saray Salmo 46:10

Kuanko, “Itonda yo lay panlalaban yo, tan birbir yon siak so Dios, sankatalonggaringan ed saray bansa, sankatalonggaringan ed intiron mundo.”

Isaias 1:18

Say Katawan kuanto, “Gali dia natan, ta mampapalinewan itayo. Anggaman a marotarotak kayod kasalanan, pagmaliwen ta kayon malinis a singa yilo. Anggaman ya ambalangan singa dala iray kasalanan yo, pagmaliwen ta kayon singa kapotiy bagoy karniro.

Isaias 11:11

No onsabiy tan ya agew, ipakana lamet na Katawan so pakayari to, ta pasempeten to la ray totoo to ya atilak ed Asiria, Egipto, diad dalin na Patros, Sudan, Elam, Babilonia, tan Hamat, tan diad saray gilig na dayat tan diad saray isla.

Isaias 34:1

Gali dia, sikayon totood amin a bansa! Mantitipon kayo tan dengel kayo. Singger tan dengel kayo, amin yon manaayam ed intiron mundo.

Isaias 40:31

Balet napasimbalo so biskeg na saray manmamatalek ed Katawan. Onalagey iran nampayak a singa agila; mambatik ira, et ag ira napunaw; manakar ira, et ag ira onkapoy.

Isaias 41:5

“Saray totood saray arawin dalin anengneng day ginagawak; manggiwgiw irad takot da. Kanyan nantitipon iran amin tan dinmago ra.

Isaias 43:26

“Onla ta ed korti; ipaway mo no antoy dalem mo! Iparontal mo ray pankatonungan mo a mamaneknek a dugay gagawaen mo!

Isaias 43:9

Pantitipon yo ray amin a totoo ed saray bansa. Siopad saray diriyos da so makapangipasakbay ed nagawa ed arapen a panaon? Siopad sikaray angipasakbay ed nagagawa natan? Iyarap komun na sarayan diriyos iray tasi ra a mamaneknek ya ag ira alingo, a mangipaliwawa ed katwaan na saray salita ra.

Isaias 48:16

“Singger kad siak natan tan dengel moy ibagak. Nanlapu lad gapo anggapoy iyaamut kod panagsalitak tan tinmua ya amin iray salitak.” (Natan say Katawan a Dios initdan to ak na pakayari to tan imbaki to ak.)

Isaias 49:1

Dengel kayod siak, sikayon arawin bansa, sikayon totoon manaayam ed arawin lugar! Kasakbayan na inkianak ko, pinili ak la na Katawan tan tinoro to ak a magmaliw ya aripen to.

Isaias 50:8

lapud asingger so Dios, tan paneknekan ton anggapoy kasalanan ko. Wala kasiy siopaman a makatepel a mangakusa ed siak? No wala, onla kamin dua ed korti, ta iparontal toy pangaakusaan tod siak.

Habacuc 2:20

Say Katawan et walad dalem na masanton Timplo to; mandeen komun ed arap to so balang sakey a too diad tapew na dalin.

Zacarias 2:13

Mandeen kayo, amin yon totoo ed arap na Katawan, ta sikatoy onsasabin nanlapud masanton ayaman ton pasen.