Isaias 40:8 - Maung A Balita Biblia

⁸ On, nalaylay iray dika tan onkupas iray rosas, balet mansiansiad ando lan ando so salita na Dios tayo.”

Maung a Balita Biblia

⁸ On, nalaylay iray dika tan onkupas iray rosas, balet mansiansiad ando lan ando so salita na Dios tayo.

Isaias 40:8 Iomraidhean Croise

Saray Salmo 111:8

Mansiansia ran anggad angga; niiter ira onung ed katwaan tan inkatonung.

Isaias 59:21

Saya so pisisipanan kod sikayo: Initdan ta kayo na pakayarik tan inyawat ko ray bangat kod sikayo a kayaryanen yo ra ed anggad angga; et manlapud natan ya anggad angga nepeg ya onuren yo ak tan ibangat yo ray anak yo tan saray kabyangay boleg yo ya onuren da ak.”

Jeremias 44:29

Siak, say Katawan, iter kod sikayo yan tanda a dusaen ta kayo ed sayan pasen, tan ontua so sipan kon paneral ed sikayo.

Zacarias 1:6

Diad panamegley na saray aripen kon propita inter kod sikara iray ganggan ko tan pinasakbayan ko ra, balet ag da ra inngalngalep kanyan adusa ra. Insan nagbabawi ra tan binirbir da a siak a Katawan a Makapanyarin-amin et dinusak ira onung na kanepegan da tan onung na ginetmak la.’”

Saray Bilang 23:19

Say Dios et aliwan singa saray totoo a mantila; Aliwan singa too a mangoman na kanunotan to. No antoy insipan to tooren to; No antoy imbaga to sumpalen to.

Mateo 24:35

Naandipat so tawen tan dalin, balet ag balut naandipat iray salitak.”

Mateo 5:18

Tandaan yo ya! Naandi so tawen tan dalin, balet anggan say sankamelagan a kabyangay Ganggan so ag naandiay kana anggad pakasumpal na amin a bengatla.

Marcos 13:31

Naandipat so tawen tan dalin, balet ag balut naandipat iray salitak.”

Juan 10:35

Amta tayo ya ag nayarin paandien so ibabaga na Masanton Sulat. Say Dios tinawag toy diriyos iray angitdan toy salita to.

Juan 12:34

Inmebat iray totood sikato, “Nadngel mid Ganggan a say Cristo mansiansiad ando lan ando. Panoy pangibagam sirin a nibitin so Anak na Too? Siopa ta yay Anak na Too?”

1 Pedro 1:25

balet say salitay Katawan anggan kapigan mansiansia.” Sikato yay Maung a Balitan nipulong ed sikayo.