Isaias 40:30 - Maung A Balita Biblia

³⁰ Onkapoy iray anggan malangwer ni; napunaw iray totoon kabisbiskegan da.

Maung a Balita Biblia

³⁰ Onkapoy iray anggan malangwer ni; napunaw iray totoon kabisbiskegan da.

Isaias 40:30 Iomraidhean Croise

Saray Salmo 33:16

Ag manatalo so sakey ya ari lapud saray makapanyarin sondalo to; ag manatalo so sakey a sondalo lapud dilin biskeg to.

Saray Salmo 34:10

Anggan saray lion nanaandian iray nakan tan nanaerasan ira, balet ag onkukulang ed antokaman a maabig iray mangoonur ed Katawan.

Saray Salmo 39:5

Agaylay katikey na pambilay kon inter mo! Para sika singa anggapo so karokey na intiron bilay ko. Say bilay na too singa labat siplug na dagem;

Ecclesiastes 9:11

Wala niy sakey a naamtaan ko, a diad sayan mundo ag manatalo lawas ed saray lumba iray mabatik, tan ag manatalo lawas ed saray bakal iray masebeg. Saray makabat et aliwan lawas a walay anapay-bilay da, ag lawas onyayaman iray maung ya impanotek, tan ag lawas onaatagey ed kipapasen iray marunong. Say maoges a kapalaran onsasabi ed balang sakey.

Isaias 13:18

Pateyen dad pana iray tobun-balon lalaki. Ag da kasian iray ogogaw.

Isaias 9:17

Ag yabuloy sirin na Katawan a makabatik so siopaman ed saray tobun-balo, tan ag to kasian so siopaman ed saray balo tan saray olila, lapud anggapoy Dios da ray amin a totoo tan maoges ira tan kaogsan ya amin so sasalitaen da. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Jeremias 48:15

Aderal so Moab tan saray siudad to; apatey iray sankamaungan a mamalangwer ton lalaki. Siak so ari a Katawan a Makapanyarin-amin, tan siak so nansalita.

Jeremias 6:11

Napno ak na sanuk mo, Katawan, tan naooputan ak lay anos a mamokpok ed sanuk mo.” Insan inkuan na Katawan ed siak, “Idapom so sanuk ko ed saray ogogaw a walad daladalan tan diad pantitiponan da ray tobun-balo. Nadakep iray asawan lalaki tan saray asawan bibii, tan anggan saray mamatakken lan maung.

Jeremias 9:21

Linmoob ed saray bintana tayo so patey tan nilooban to ray palasio tayo; pinagit tod saray dalan iray ogogaw tan saray lalakin tobun-balo diad saray tindaan.

Amos 2:14

Ag makaarawi iray anggan totoon mabatik; onkapoy iray mabiskeg a totoo, tan ag niagel na saray sondalo so dilin bilay da.

1 Samuel 30:10

Intuloy nen David so kurang to a kaiba to ray apat a lasus a lalaki; atilak iray duan lasus, ta diad inkaksawan da, ag da nabaliw lay kolus.