Isaias 40:27 - Maung A Balita Biblia

²⁷ Totood Israel, akin et manririklamo kayo ya ibabaga yon ag amta na Katawan iray gunigon yo odino anggapoy walad sikato no nalalames kayo?

Maung a Balita Biblia

²⁷ Totood Israel, akin et manririklamo kayo ya ibabaga yon ag amta na Katawan iray gunigon yo odino anggapoy walad sikato no nalalames kayo?

Isaias 40:27 Iomraidhean Croise

Say Libro nen Job 23:14

Sumpalen toy getma to nipaakar ed siak; sayan getma to et sakey ed saray amayamay a getma to.

Say Libro nen Job 27:2

“Isambak ed ngaran na mabilay a Makapanyarin-amin a Dios, ya angekal na kanepegan ko tan amapait na bilay ko—

Say Libro nen Job 34:5

Onung ed kinen Job, anggapoy kasalanan to, tan ag iiter na Dios so kanepegan to.

Isaias 25:1

Katawan, sika so Dios ko; Igalang ta ka tan idayew koy ngaran mo. Makapakelaw iray ginagawam a bengatla; matoor mon sinumpal iray plano ya abayag lan ninunot mo.

Isaias 44:21

Say Katawan kuanto, “Tandaan mo ya, Israel; tandaan mo a sikay aripen ko. Pinalsa ta ka a magmaliw ya aripen ko, tan ag ta kan balut lingwanan.

Isaias 49:14

Balet inkuan na saray totood Jerusalem, “Inkaindan itayo na Katawan! Alingwanan to tayo.”

Isaias 49:4

Inkuanko, “Nankimey ak, et anggapoy kabaliksan so impansagput ko! Inoput koy amin a biskeg ko, balet anggapoy agawaan ko.” Anggaman ontan napanmatalkan koy Katawan a mangyaalagey na kanepegan ko; tumangan to ak lapud saray gagawaen ko.

Isaias 54:8

Diad maganon bekta tinaynan ta kan walay pasnuk ko, balet andi-anggaan kon ipanengneng so panangarok ed sika.” Saya sirin so ibabaga na Katawan a mangilalaban ed sika.

1 Samuel 27:1

Inkuanen David ed sikaton dili, “Onsabiy agew a pateyen ak nen Saul. Say sankaabigan a gawaen ko et say ibatik kod Filistia. Tondaan to ak ed satan ya anapen ed Israel, et niarawi ak ed kaatapan.”