Isaias 40:2 - Maung A Balita Biblia

² Pabiskeg yoy linawa da ray totoo ed Jerusalem. Ibaga yod sikaran andokey lay paniirap da tan apirdona la ray kasalanan da. Sigput ko la ran dinusa lapud amin a kasalanan da.”

Maung a Balita Biblia

² Pabiskeg yoy linawa da ray totoo ed Jerusalem. Ibaga yod sikaran andokey lay paniirap da tan apirdona la ray kasalanan da. Sigput ko la ran dinusa lapud amin a kasalanan da.

Isaias 40:2 Iomraidhean Croise

Genesis 34:3

Balet nen naimano ton magangganan tuloy si Dina, sinmabiy baleg a panibeg tod sikato tan kinokoyung to.

2 Saray Awaran 30:22

Intanduro nen Ezekias ira may Levita lapud kamaungan dan angipangulo ed impangigalang ed Katawan. Kayariy pitoy agew na impangisasaklang day bagat a para kareenan tan say impangiiter day pisasalamat ed Katawan a Dios na saray lalaki ra,

Saray Salmo 32:1

Maliket iray totoon apirdona la ray kasusumlang da tan apaandi la ray kasalanan da.

Saray Salmo 85:3

Ag ka la natan mamapasnuk ed sikara, tan binmetel lay ontan lan petang na olom.

Ecclesiastes 3:4

Igegetar toy panaon na panermen tan say panaon na panliket, say panaon na pandageyem tan say panaon na pansayaw,

Isaias 12:1

Onsabiy agew a saray totoo mankanta ra: “Idadayew ta ka, Katawan! Mamapasnuk kad siak nen saman, balet natan liligliwaen mo ak tan ambetel lay olom ed siak.

Isaias 14:3

Ekalen na Katawan so kairapan a liliknaen na saray totood Israel, tan say ambelat a kimey ya impasoot ed sikaran gawaen da.

Isaias 27:9

Balet napirdona labat iray kasalanan na Israel, no natemek a singa katemek na tisa iray baton altar a panangigalangan na saray pagano, tan no anggapoy natilak a tanda na diosan Asera odino altar a panagpoolay insinso.

Isaias 33:24

Anggapoy too a manayam ed dalin tayo a manriklamod sakit; napirdona ya amin so kasalanan.

Isaias 35:4

Ibaga yod balang sakey a toon nakalay biskeg na linawa, “Mampabiskeg kayo tan ag kayo natatakot! Onsasabiy Dios a mangyagel ed sikayo; onsasabin manusad saray kalaban yo.”

Isaias 43:25

Anggaman ontan, siak so Dios a mamipirdonad saray kasalanan mo, et onyay gagawaen ko lapud inka-Dios ko. Ag ta ka singilen ed saray kasalanan mo.

Isaias 44:22

Saray kasalanan mo et impapalir ko ra a singa lorem. Pawil kad siak; siak so mangilalaban ed sika.”

Isaias 49:25

Say Katawan kuanto, “Ontan so nagawa. Nibatik iray priso na sondalo tan naala so asamsam na maruksan too. Labanan koy siopaman ya onlaban ed sikayo, tan iyagel ko ray anak yo.

Isaias 51:17

Jerusalem, liing ka! Molagat ka tan bangon ka! Inminom kad kupa na dusa a diad pasnuk na Katawan et inter tod sikan inomen mo; ininom mo, et nampadongilngil ed sika.

Isaias 53:5

Balet asugat-sugat lapud saray kasalanan tayo, apekpekpek lapud saray kaogsan a ginagawa tayo. Apaabig itayo lapud dusan nilikna to; lapud saray siplat a dinmadapod laman to pinmawil so gendat a biskeg tayo.

Isaias 53:6

Nen saman singa tayo saray karniron abalang, manaakar ed dilin dalan to so balang sakey ed sikatayo. Balet impasakbat na Katawan ed sikato so dusan kanepegan tayo.

Isaias 54:15

No walay ondogpad sika, ondogpa ya anggapoy abuloy ko; Natumba so siopaman ya onlaban ed sika.

Isaias 54:17

Balet anggapoy armas a makapasakit ed sika; walay niebat mo ed amin a mangakusa ed sika. Iyagel ko ray aripen ko tan panaloen ko ra.” Say Katawan so nansalita.

Isaias 55:7

Saray makasalanan a totoo et ibeneg da komun so kabibilay da tan omanen day panagnunot da. Ompawil ira komun ed Katawan a Dios tayo, ta mapangasi tan sipaparaan a mamirdona.

Isaias 6:7

Indelnet tod bibil ko may ngalab tan kuanto, “Nidelnet ya ed bibil mo, et natan naandi lay kaogsan mo tan apirdona la ray kasalanan mo.”

Isaias 61:7

Angangga lay kababaingan tan say inkaandian yoy kagalangan. Manayam kayod dilin dalin yo. Tan nadoblian so kayamanan yo; Mansiansiad ando lan ando so liket yo.

Isaias 66:13

Ligliwaen ta kayod Jerusalem, a singa sakey ya inan liligliwaen toy anak to.

Jeremias 16:18

Mamidway belat so dusan iter kod sikara, lapud kasalanan tan kaogsan da; dinotakan day dalin ko na saray talintaon anggapoy bilay a singa bangkay, tan pinano ra na saray tila-tilan diriyos.”

Jeremias 17:18

Ipelag mo pad kababaingan iray mamapairap ed siak, balet ipaliis mo ak pa, Katawan. Patakot mo pa ra, balet ag mo ak tataktakoten. Iyakar mo pad sikaray deral tan mekmek mo ra.

Jeremias 29:11

Siak labat so makaamta na saray planok ed sikayo. Sarayan plano et makaiter ed sikayo na aligwas, aliwan deral; saray planon mamatwa ed iilaloan yon nagawa ed arapen a panaon.

Jeremias 51:10

Say Katawan kuanto, “Iyeeyag na saray totook, ‘Impanengneng na Katawan a wala itayod katonungan. Onla tayon mangibagad saray totoo ed Jerusalem na ginawa na Katawan a Dios tayo.’”

Saray Tagleey 4:22

Nambayar lay Sion na kasalanan to; ag kami la nibantak ed arum a bansa. Balet sika Edom, dusaen ka na Katawan; ibawag toy kasalanan a gagawaen mo.

Ezekiel 16:42

Diad satan onkepa lay pasnuk ko tan mandeen ak la. Ag ak la mampasnuk odino mangimon.

Daniel 11:35

Napatey ira may arum a pangulon makabat, balet lapud sayan nagawa nalinisan iray totoo. Ontuloy yan nagawa ya anggad onsabi so anggaan, say panaon ya inggetar na Dios.

Daniel 12:4

Inkuantod siak, “Natan, Daniel, ikaput mo la so libro tan timbrian mo ya anggad isabiy anggaan na mundo. Legan to ya, amayamay iray mandarak na sagput dan mangamta na kabaliksan na nagagawa.”

Daniel 12:9

Inmebat imay anghil, “Laka la, Daniel, ta nepeg ya iyamut ira yan salita tan ag iran balut ipaamta ya anggad onsabi lay anggaan.

Daniel 9:12

Ginawam so imbagam a gawaen mod sikami tan saray manoley mi. Ag miparad arum a siudad ed tapew na dalin so impanusam ed Jerusalem,

Daniel 9:2

Nen ononan taon na panooley to siak, si Daniel, inaral ko ray masanton libro tan ninunot koy nipaakar ed pitomploy taon a kaderal na Jerusalem, onung ed imbaga na Katawan ed kinen propita Jeremias.

Oseas 2:14

Kanyan iyakar ko lamet ed kalawakan yan bii; diman ko pandaleman na panangarok pian napapawil kod siak.

Oseas 2:16

Diad satan tawagen to ak lamet ya asawa to—ag to ak la tawagen a Baal to.

Habacuc 2:3

Isulat mo yan ipasingayew kod sika, ta aliwa nin natan a panaon so pakagawa to. Balet masiglat ya onsasabiy panaon tan ontua so ipaamtak ed sika. Nayarin singa matantan so isabi to, balet alagar mon onsabi; andi-saew a nagawa, tan ag la naabala so isabi to.

Sofonias 3:15

Pinatonda na Katawan so dusa yo; pinaandi ton amin iray kalaban yo. Kaolup yo so Katawan ya ari na Israel; anggapo la natan so nepeg yon takotan.

Zacarias 1:13

Makaligliwa tan makapaliket so inebat na Katawan ed samay anghil.

Zacarias 1:15

Balet baleg so pasnuk kod saray bansa a manliliket ed kareenan, ta diad pamopokpok koy pasnuk kod saray totook, iloloor dan pairapen iray totook.

Zacarias 9:12

Pawil kayo la, sikayon nibantak ed arum a bansa a natan wala lay ilalo yo; pawil kayod pasen yon arawid kaatapan. Ibabagak ed sikayo natan a say bindision ya iter kod sikayo et mamidwad karakel na saramay kairapan a nilikna yo.

Saray Gawgawa 1:7

Inmebat si Jesus, “Saray panaon tan agew ya inggetar na Ama diad pakayari ton dili, et ag la nakaukolan ya amtaen yo ra.

TAGA GALACIA 4:4

Balet nen nagnap lay panaon, say Dios imbaki toy Anak to. Inyanak na sakey a bii, tan nambilay ed silong na Ganggan,

Puyan 18:6

Gawa yo met ed sikatoy ginawa tod sikayo; bales yo na mamidwad karakel so ginagawa to. Pano yoy kupa to na iinomen a mamidway kinabiskeg to ed samay impainom tod sikayo.