Isaias 4:5 - Maung A Balita Biblia

⁵ Insan diad tagey na Palandey na Sion tan diad tagey na saray totoon nantitipon diman, ibaki na Katawan so lorem no agew, tan say asewek tan say marlang ya apoy no labi. Say kagalangan na Dios sakbungan tan iyagel toy intiron siudad.

Maung a Balita Biblia

⁵ Insan diad tagey na Palandey na Sion tan diad tagey na saray totoon nantitipon diman, ibaki na Katawan so lorem no agew, tan say asewek tan say marlang ya apoy no labi. Say kagalangan na Dios sakbungan tan iyagel toy intiron siudad.

Isaias 4:5 Iomraidhean Croise

Nehemias 9:12

Diad panamegley na lorem inwanwan mo ra no agew, tan no labi niliwawaan mo ra na apoy so dadalanen da.

Saray Salmo 105:39

Tinarungan na Dios iray totoo to na lorem, tan initdan to ray apoy a nanliwawad sikara no labi.

Saray Salmo 111:1

Idayew yoy Katawan! Diad tipon da ray matonung a totoo to misalamat ak ed Katawan ed intiron pusok.

Saray Salmo 78:14

No agew inwanwan to ra diad panamegley na lorem, tan no labi diad panamegley na liwawa na apoy.

Saray Salmo 85:9

Peteg a sipaparaay Katawan a mangilaban ed saray mangigagalang ed sikato, et mansiansia ed dalin tayo so manangilaban a kiwawala to.

Saray Salmo 89:7

Sikay gagalangen ed tipon da ray masanto; manalalagey iran amin a natatakot ed sika.

Exodo 14:24

Et nen mampalbangon la say Katawan, manlapud lusek ya apoy tan lusek a lorem, inosdungan to ray sondalon Egipsio tan ginegewgew to ra.

Exodo 24:16

Linmeksab ed palandey so kagalangan na Katawan. Anengneng na saray Israelita imay kagalangan na Katawan a singa apoy a manliub ed toktok na palandey. Say lorem kinobutan to so palandey ed loob na anemiran agew, tan diad kumapiton agew say Katawan manlapud lorem tinawag toy Moises.

Exodo 26:1

“Igawaan mo so dalem na Tuldan Ayamay Katawan na samploran kurtina a pinon linen. Asul, purpura, tan ambalanga so tinebey da tan bordaan mo ra na saray kirubin.

Exodo 26:7

Labinsakey a kurtina a bagoy kanding so gawaen mo a sakbung na Tulda.

Isaias 32:18

Naandiy kapagaan ed bilay da ray totooy Dios, tan niarawid kaatapan so kaabungan da tan manayam so kareenan. (

Isaias 33:20

Nengneng yoy Sion, say siudad a panggagawaan tayo na saray pista tayo. Nengneng kayod Jerusalem! Sakey a pasen a maung a panayaman ya arawid kaatapan! Magmaliw a singa tuldan ag balut nagagalaw, ag balut nababagut iray palpal to tan ag balut napopoltut iray lobir to.

Isaias 37:35

Iyagel ko yan siudad lapud sikatoy pakagalangan ko tan lapud samay sipan kod kinen David ya aripen ko.’”

Isaias 46:13

Papaasinggeren koy agew na pananalo— aliwa lan arawi lamlamang. Ag la naabala so panalok. Ilaban ko so Jerusalem tan iter kod man so kagalangan na Israel.”

Isaias 60:1

Bangon ka, Jerusalem, tan sinag kan singa agew; Onsisinag ed sikay kagalangan na Katawan!

Isaias 60:2

Nakobutan na bilonget iray arum a bansa, Balet onsinag ed sika so silew na Katawan; Mansiansiad sikay liwawa na kiwawala to.

Mateo 18:20

Ta inerman so pantitiponay duara o taloran totoo lapud siak, wala ak ed nanleleetan da.”

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”