Isaias 4:3 - Maung A Balita Biblia

³ Natawag a masanto ya amin iray totoon atilak ed Jerusalem, a sikaray pinili na Dios a napaliisan day patey.

Maung a Balita Biblia

³ Natawag a masanto ya amin iray totoon atilak ed Jerusalem, a sikaray pinili na Dios a napaliisan day patey.

Isaias 4:3 Iomraidhean Croise

Saray Salmo 69:28

Naporak komun so kangaranan da ed libro na bilay; ag ira komun nibilang ed listaan da ray totoom.

Saray Salmo 87:6

Say Katawan ilista to ray katoowan, tan ibilang to ran amin a mibabaley ed Jerusalem.

Isaias 1:27

Lapud matonung so Katawan, iyagel toy Jerusalem tan amin da ray wadman a magbabawi.

Isaias 28:5

Onsabiy agew a say Katawan a Makapanyarin-amin et magmaliw a singa mapagalang a koronan bolung a para saray totoo ton akapaliis ed patey.

Isaias 35:8

Niwalad satan so sakey a maawang a dalan a tatawagey, “Say Dalan na Inkasanto.” Anggapoy makasalanan a manakar ed saman a dalan; anggapo rad may makulang-kulang a mangibalang ed saray ondalan.

Isaias 46:3

“Dengel kayod siak, sikayon kabyangan na boleg nen Jacob, amin yon atilak a totook. Inasikaso ta kayo nanlapu lad inkianak yo.

Isaias 52:1

Jerusalem, mampabiskeg ka tan mampatalonggaring ka lamet! Masanton siudad na Dios, kawesan moy sikan dili na kagalangan! Ag lan balut looban na saray pagano iray puirtam.

Isaias 6:13

Anggaman a natilak ed dalin so kakaplod saray totoo, naderal met iray natilak; singa ra sengeg na kiew a robli a binatang.” (Say sengeg iyaaliling toy balon gapowan na saray totoo na Dios.)

Isaias 60:21

Magmaliw a matonung ya amin iray totoo, Tan kayaryanen dan ando lan ando so dalin. Intanem ko ra, ginawak ira, A mangipatnag ed amin a totoo na inkatalonggaring ko.

Isaias 62:12

Natawag kayo na “Saray Masanton Totoo Na Dios,” “Saray Totoon Inlaban na Katawan.” Say Jerusalem natawag na “Say Siudad Ya Inaro Na Dios,” “Say Siudad Ya Ag Pinaolyan Na Dios.”

Ezekiel 13:9

Ngalngali ta kayo la dusaen, sikayo ran propita a tila ray pasingayew yo tan managpalikdo ray pasakbay yo. Ag kayo nakaiba na saray totook no mantitipon iran manggaway disision; ag nibilang iray ngaran yo ed listaan da ray mibabaley ed Israel; ag kayon balut makapawil ed dalin yo. Diad satan naamtaan yo a siak so Katawan a Dios.

Ezekiel 43:12

Sikato ya so ganggan na Timplo: Masanto ya amin iray pasen ed liber-liber na Timplo diad toktok na palandey.”

Joel 3:17

“Diad satan, Israelita, naamtaan yo a siak so Katawan a Dios yo. Manaayam ak ed Sion a masanton palandey ko. Magmaliw a masanton siudad so Jerusalem; ag lan balut nadakep na saray taga arum a bansa.

Obadias 1:17

“Balet wala ray pigaran makabatik ed Palandey na Sion, tan sikatoy magmaliw a masanton pasen. Saray totoon kabyangay boleg nen Jacob et kayaryanen da lamet so dilin dalin da.

Zacarias 14:2

Pankakasakeyen na Katawan iray bansa a mibakal ed Jerusalem. Nadakep so siudad, nasamsaman iray kaabungan, tan napasoot iray bibii. Nibantak ed arum a bansa iray kapalduan totoo, balet ag nipaway ed siudad iray arum a totoo.

Malakias 3:16

Insan nantotongtong iray totoon walay takot dad Katawan. Dinmengel so Katawan ed sikara, et nadngel toy imbabaga ra. Diad arap to nisulat so sakey a libro a nipaakar ed saray tinmakot ed Katawan tan angigagalang ed sikato.

Lucas 10:20

Balet ag kayo manliliket lapud oonuren kayo ray maoges ya ispiritu. Manliket kayo ingen lapud nisulat ed tawen iray kangaranan yo.”

Saray Gawgawa 13:48

Nen nadngelan ya na saray Hintil, makaliliket ira tan indayew day salita na Katawan; tan anisia ray totoon apilin makagamur na bilay ya andi-anggaan.

Saray Taga Roma 11:4

Balet antoy inebat na Dios ed sikato? “Angikera ak na piton libo a totoon lalaki para siak, a sikaray ag angigalang ed kinen Baal a dios.”

Saray Taga Roma 11:5

Ontan met a diad sayan panaon, wala ni ray daiset ya atilak a pinili na Dios lapud panangasi to.

TAGA-EFESO 1:4

Diad sayan pikakasakey tid Cristo, say Dios pinili to itayo la, kasakbayan ya apalsay mundo, pian magmaliw itayon masanto tan anggapoy pakabalawan ed arap to. Lapud panangaroy Dios,

FILIPOS 4:3

Kekerewen ko met ed sika, matoor kon kaiba, a tulongan mo pa ra yan bibii. Tinmulong pa ni met irad siak diad impangikayat na Maung a Balita, a kaiba ray Clemente tan arum ni ran kakimeyan ko. Akasulat so kangaranan da ed libro na bilay.

COLOSAS 3:12

Sikayo ray piniliy Dios, masanto tan inararo to. Kanyan nepeg kayon maaro, mapangasi, mapaabeba, maoyamo, tan maanos.

Saray Hebreo 12:14

Gawa yoy anggaay nayarian yo a mikaarod amin a too tan mampasanto kayo, ta no ag ya gawaen na siopaman, ag to nanengneng so Katawan.

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.

Puyan 13:8

Mangigalang ed sikatoy amin a mambibilay ed tapew na dalin, a salanti saray totoon ag nisulat so ngaran da, kasakbayay inkapalsa na mundo, ed libro na bilay a kayaryay Kordiro a pinatey.

Puyan 17:8

Samay ayep ya anengneng mo et mabilay nen saman, balet inatey la natan. Asingger lan ompaway a manlapud ag natokur ya abut, tan onlad kaderalan to. Saray totoon mambibilay ed tapew na dalin a say kangaranan da et ag nisulat ed libro na bilay, nanlapu lad inkapalsay mundo, et onkelaw ira no nanengneng da may ayep a mabilay nen saman, inatey la natan, balet ompanengneng lamet.

Puyan 20:15

Nibantak ed dayat ya apoy so siopaman ya ag nisulat so ngaran tod libro na bilay.

Puyan 21:27

Balet ag balut makaloob diman so antokaman a marotak. Ag met makaloob irad may marotak so panagbilay da tan saray matila. Saray nisulat so kangaranan dad libro na bilay a kayaryay Kordiro so makaloob labat ed siudad.

Puyan 3:5

Saray manalo nakawesan met iray ampoti, tan ag ko ekaley kangaranan dad libro na bilay. Diad arap na Amak tan saray anghil to, birbiren ko a kayaryan ko ra.