Isaias 4:2 - Maung A Balita Biblia

² Onsabiy panaon a say Katawan pabalegen tan pagmaliwen ton marakep so balang tanaman tan kiew a walad dalin. Amin da ray nakdaan a totood Israel et ikinon tan panliketan da ray bungay dalin.

Maung a Balita Biblia

² Onsabiy panaon a say Katawan pabalegen tan pagmaliwen ton marakep so balang tanaman tan kiew a walad dalin. Amin da ray nakdaan a totood Israel et ikinon tan panliketan da ray bungay dalin.

Isaias 4:2 Iomraidhean Croise

Saray Salmo 67:6

Say dalin angiter na ani; say Dios a Dios tayo binindisionan to itayo.

Saray Salmo 72:16

Dakel komuy naani ed dalin; natoboan komun na tantanaman iray nipokpokdul a pasen, tan mabunga ran singa saray walad Libano. Napano komun na totoo iray siudad, a singa karakel na malambut a dikarikad alog.

Exodo 28:2

Manggawa ka na saray kawes na pari a para si agim ya Aaron, pian napaalsay nengneng to tan say kagalangan to.

Isaias 11:4

onung ed kaptekan so panintinsia tod saray mairap-bilay, tan iyagel to ray katonungan da ray pakaskasi. Diad ganggan to nadusa ray katoowan, tan ompatey iray totoon maoges.

Isaias 26:1

Onsabiy agew a saray totooy Dios et kantaen dad dalin na Juda yan kanta: Mabiskeg so siudad tayo! Say Dios a dili so mangyaagel ed saray padir to!

Isaias 27:6

Diad saray agew ya onsabi saray totood Israel a kabyangan iray boleg nen Jacob et manlamut iran singa kiew, insan ira manrosas tan mansimit. Say sankamundoan napano na bunga ra.

Isaias 30:23

Kapag mantanem kayod kaalogan yo, paoranan na Katawan, pian ontubo ray tanaman yo et dakel so naani yo; saray baka yo et nawalaan met ira na maawang tan marikan pastolan.

Isaias 45:8

Mangiter ak na pananalon singa oran a manlapud tawen; onsangiy dalin a mangawat ed oran et manrosas na kilalaban tan inkatonung. Siak, say Katawan, so mangyabuloy a nagawa ya.”

Isaias 53:2

Linawa na Katawan a say aripen to et ontubo a singa tanaman a say kawalaay lamut to diad amagan dalin. Aliwa-liwa so inalageyan to odino nengneng to, kanyan ag itayo naayat ya onlinggis ed sikato. Anggapoy karakpan ed sikato, kanyan ag itayo natanggoyur ya onsingger ed sikato.

Isaias 60:15

“Ag ka la nikaindan tan nabosul, Sakey a siudad ya ataynan tan apaolyan. Pagmaliwen ta kan matalonggaring tan marakep, Sakey a pasen a kawalaay gayaga a mansiansia.

Isaias 60:21

Magmaliw a matonung ya amin iray totoo, Tan kayaryanen dan ando lan ando so dalin. Intanem ko ra, ginawak ira, A mangipatnag ed amin a totoo na inkatalonggaring ko.

Isaias 61:11

Anggapoy duaruwa ya ombasik tan ontubo iray bokel a nisibwag ed dalin, Ontan met ya anggapoy duaruwan ilaban na Katawan a Dios iray totoo to, Tan idayew na amin da ray bansa.

Jeremias 23:5

Say Katawan kuanto, “Onsabiy panaon a mamili ak na ari a matonung a kabyangay boleg nen David. Sayan ari manoley a sikakabat tan gawaen tod intiron dalin so katonungan tan kaptekan.

Jeremias 33:15

Diad satan a panaon mamili ak na sakey ya ari a kabyangay boleg nen David. Manoley ed intiron dalin onung na kaptekan tan katonungan.

Jeremias 44:14

Anggapod saray akeraan a totood Juda a linma ran manaayam ed Egipto, so makabatik odino makapaliis ed patey. Anggapod sikaray makapawil ed Juda a pampilalekan dan panayaman lamet. Anggapoy makapawil, likud labat ed pigpigaran makabatik.”

Jeremias 44:28

Balet wala rad sikayoy pigaran makapaliis ed patey tan taynan day Egipto ya ompawil ed Juda. Diad satan saray akapaliis ed patey et naamtaan da no siopay akansalita so tinmua, siak o sikara.

Ezekiel 34:29

Itdan ko ra na mataban kaalogan tan patondaen ko la so eras ed dalin. Ag la rad satan balbalawen na saray arum a bansa.

Ezekiel 36:8

Balet mambulong lamet iray kakiewan ed kapalandeyan na Israel tan mambunga ra a para sikayon totook ya Israel. Magano la so isempet yo.

Ezekiel 7:16

Wala ray ombatik ed kapalandeyan tan singa ra malapatin ataktakot a nanlapud saray patar. Amin da pandageyeman da ray kasalanan da.

Joel 2:32

Balet nilaban ya amin iray onkerew na tulong ed Katawan. Onung na inkuay Katawan, ‘Saray pigaran totood Jerusalem et makabatik ira; makapaliis ed patey iray pilien ko.’”

Joel 3:18

Diad satan a panaon napano na kaubasan iray kapalandeyan, tan nawalaan na baka so balang pokdul; nawalaan na daakan a danum so intiron Juda. Manlapud Timplo na Katawan onagos so kolus a manalog ed Patar na Acacia.

Obadias 1:17

“Balet wala ray pigaran makabatik ed Palandey na Sion, tan sikatoy magmaliw a masanton pasen. Saray totoon kabyangay boleg nen Jacob et kayaryanen da lamet so dilin dalin da.

Zacarias 3:8

Dengel ka sirin, Josue, sika a Pangulon Pari; tan dengel kayon kapara ton papari, sikayo a tanda na maung a nagawa ed arapen a panaon; ipaamtak so aripen ko a tatawagey Say Sanga!

Zacarias 6:12

Ibagam ed sikato a say Katawan a Makapanyarin-amin kuanto, ‘Say toon tatawagen na Say Sanga et onaligwas ed kawalaan to tan pasimbaloen ton ipaalagey so Timplo na Katawan.

Zacarias 9:17

Agay lay abig tan dakep so pagmaliwan na dalin! Pabiskegen na trigo tan alak ya iter to iray tobun-balo.

Malakias 3:17

“Sikaray magmaliw a totook,” kuay Katawan a Makapanyarin-amin. “Diad agew a siak so onggalaw, sikaray magmaliw a petepeteg kon kayaryan. Kasian ko ra a singa pangakasi na ama ed anak ton laki a manlilingkur ed sikato.

Mateo 24:22

Balet pinaraiset na Dios ira tan ya agew, pian nilaban iray totoon pinili to; ta no andi, anggapo komuy nilaban.

Lucas 21:36

Kanyan nakaukolan a sipaparaan kayo lawas tan ag yo totondaay mampikasi, pian nawalaan kayoy biskeg ya ompaliis ed amin da ra yan nagawa, tan makapiarap kayod Anak na Too.”

Juan 1:14

Nagmaliw a too so Salita tan akiayam ed sikatayo. Anengneng miy kagalangan to a napnoy aro tan katwaan. Inawat to yan kagalangan ed Ama, ta sikatoy bogbogtung ya Anak.

2 CORINTO 4:6

Ta say Dios ya angibaga, “Ompaway a manlapud kabilongetan so liwawa!” et sikato lamlamang so angiwandag na liwawad saray puso mi, pian nakabatan miy kagalangay Dios a mandarlang ed lupa nen Cristo.

2 Pedro 1:16

Nen impaamta mid sikayoy nipaakar ed pakayari tan say ipawil na Katawan tayon Jesu-Cristo, ag mi inagamil iray andi-kakanaan a tongtong na saray totoo. Naimatunan miy atagey a kipapasen to