Isaias 39:6 - Maung A Balita Biblia

⁶ onsabiy panaon a naawit ed Babilonia iray amin a bengatlan walad palasio tan amin a tinitipon ya anggad natan na saray lalakim. Anggapoy bengatlan nakeraan.

Maung a Balita Biblia

⁶ onsabiy panaon a naawit ed Babilonia iray amin a bengatlan walad palasio tan amin a tinitipon ya anggad natan na saray lalakim. Anggapoy bengatlan nakeraan.

Isaias 39:6 Iomraidhean Croise

2 Saray Arari 24:13

Nen kumawalon taon na panooley nen Nabucodonosor, inawit ton priso si Joakin tan inala to met ya amin iray kayamanan na Timplo tan palasio. Onung na impasakbay la na Katawan, binebetag ya amin nen Nabucodonosor iray ginagawa nen Ari Solomon a balituk a kagawaan ed dalem na Timplo.

2 Saray Awaran 36:10

Nen sinmabiy tiagew, si Ari Nabucodonosor inawit toy Joakin a sakey a priso ed Babilonia, tan inala to ray kayamanan na palasioy ari. Insan si Nabucodonosor ginawa ton ari na Juda tan Jerusalem si Sedekias a pangamaen nen Joakin.

2 Saray Awaran 36:18

Say ari na Babilonia inala to ray kagawaan ed Timplo, saray kayamanan a walad panagsinupan ed Timplo, tan saray kayamanan na ari tan saray opisyal to, insan to ra inawit ya amin ed Babilonia.

Jeremias 20:5

Ipasamsam kod saray kalaban da iray amin a kayamanan ed sayan siudad, tan alaen da ray amin a kayaryan to, anggan saray kayamanan na saray ararid Juda, tan awiten da ran amin ed Babilonia.

Ezekiel 23:26

Bingbingkasen day kawes mo tan alaen da ray alahas mo.

Daniel 1:2

Inyabuloy na Katawan a nadakep nen Ari Nabucodonosor si Ari Joakim tan impasamsam toy pigaran kayamanan na Timplo. Inawit tod Babilonia iray pigaran totoon adakep to, tan inyan tod timplo na saray diriyos to iray kayamanan ya asamsam tod saray panagsinupan a kuarto na Timplo.

Daniel 1:3

Ingganggan na ari si Aspenaz, say manonan opisyal to, a mamilid saray adakep ya Israelita na pigaran lalakin tobun-balon kabyangan na pamilyay ari tan saray pamilyan gagalangen ed baley.