Isaias 38:3 - Maung A Balita Biblia

³ “Nunot mo pa, Katawan, a matoor tan masimoon so impanlingkur kod sika, tan sinumpal ko lawas iray nilabay mon pagawad siak.” Kayari ton nampikasi nanakis na ampaipait.

Maung a Balita Biblia

³ Nunot mo pa, Katawan, a matoor tan masimoon so impanlingkur kod sika, tan sinumpal ko lawas iray nilabay mon pagawad siak. Kayari ton nampikasi nanakis na ampaipait.

Isaias 38:3 Iomraidhean Croise

Genesis 17:1

Nen mantaoy siamaplo tan siam si Abram, pinmanengneng ed sikato so Katawan tan inkuanto, “Siak so Dios a Makapanyarin-amin. Toluk kad siak tan gawam lawas so kamaungan.

Genesis 6:9

Saya so impanbilay nen Noe. Wala ray taloran anak ton lalaki a di Sem, Ham, tan Jafet. Si Noe labat so maung a too nen panaon to. Anggapoy pakabalawan ed sikato, ta kaibiba toy Dios.

1 Saray Arari 15:14

Nansiansian matoor ed Katawan si Asa legan na impanbilay to, anggan ag to dineral ya amin iray paganon pasen a panangigalangan.

1 Saray Arari 2:4

No onuren mo ray ganggan to, sumpalen met na Katawan so sipan tod siak a manoley ed Israel iray kabyangay boleg ko, legan a mabolbolus tan matoor iran mangonur ed saray ganggan to.

2 Saray Arari 18:3

Ginagawa toy makapaliket ed Katawan, ta inalig to ray ginagawa nen laki ton David.

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

1 Saray Awaran 29:19

Itdan mo pay anak kon Solomon na impapuson pilalek a mangonur na amin a ganggan tan bilin mo, pian nipaalagey to so Timplo a saray onkana et imparaan ko la.”

1 Saray Awaran 29:9

Mabolbolus ya angiiter ed Katawan iray totoo, tan maliket ira lapud dakerakel so niiter da. Malikeliket met si Ari David.

2 Saray Awaran 16:9

Iimanoen a maung na Katawan so sankamundoan, pian naitdan to na pakayari iray totoon matoor ed sikato so kapusoan da. Kakulang-kulangan so ginawam, kanyan manlapud natan lawas kan mibakal.”

2 Saray Awaran 25:2

Ginagawa toy makapaliket ed Katawan, balet aliwan maseseg ed saya.

Esdras 10:1

Akatewek a mampipikasi si Esdras diad arap na Timplo, manakakis tan ipapatua to ra yan kasalanan. Legan ton mampipikasi minokut na saray amayamay ya Israelita—lalaki, bibii, tan ogogaw—tan manakakis na ampaipait.

Nehemias 1:4

Nen nadngel ko ya, inmirung ak, insan ak nanakis. Pigay agew ak a nanermen tan ag angan. Nampikasi ak ed Dios.

Nehemias 13:14

O Dios ko, nudnunot mo pa ra yan amin a ginagawak a para Timplom tan say panangigalang a nagawad dalem to.

Nehemias 13:22

Ingganggan ko ray Levita a linisan day sikaran dili onung ed ganggan, insan ira onlan mangguardiad saray puirta pian naasikaso ran masanto lawas so Agew na Panagpainawa. Nudnunot mo ak pa, O Dios, lapu met ed saya, tan ag mo ak papaolyan lapud kabaleg na ag mangoman a panangarom.

Nehemias 13:31

impaiyakar kod manepeg a panaon iray kiew a pampool na saray bagat; impaiyakar ko met ed saray totoo iray bagat dan ononan anien a trigo tan saray ononan borboren a bunga. Ag mo lilingwanan yan amin, O Dios, tan tumangan mo ak pa.

Nehemias 5:19

O Dios, ag mo pa lilingwanan a tumangan lapud amin a bengatlan ginagawak para sarayan totoo.

Saray Salmo 101:2

Mambilay ak ya anggapoy kaogsan ko. Kapigan so idagom ed siak? Mambilay ak ya anggapoy pakabalawan diad abung ko

Saray Salmo 102:9

Dapul so pambibilay ko, tan onlalauk so luak ed iinomen ko,

Saray Salmo 119:80

Sigput ko komun a naonur iray ganggan mo, pian ag ak napelag ed kababaingan na inkatalo.

Saray Salmo 16:8

Ag ko lawas nalingwanan so kiwawalay Katawan; walad abay ko, tan ag ak nasigensigen na antokaman.

Saray Salmo 26:3

Iwawanwan ak na ag mangoman a panangarom; itotonton ak lawas na katooran mo.

Saray Salmo 32:2

Maliket so too a say Katawan et ag to aakusaen a nanggaway kaogsan tan anggapod puso to so antokaman a panamalingo.

Saray Salmo 6:6

Makapkapoy ak lad paneermen ko; nilabi-labin nababasa so dokulan ko, tan naleleteb na luak so danganan ko lapud panaakis ko.

Saray Salmo 6:8

Arawian yo ak, amin yon managgaway kaogsan: Dedengelen ak na Katawan ed pannangnangis ko;

Isaias 38:2

Inyarap nen Ezekias so lupa tod padir, insan nampikasi:

Isaias 38:4

Insan ingganggan na Katawan si Isaias

Oseas 12:4

akibalsakan ed sakey ya anghil, et analo. Inmakis tan akikerew na bindision. Diad Betel linmay Dios ed laki tayon Jacob tan akisalitad sikato.

Juan 1:47

Nen anengneng nen Jesus si Nataniel ya ondaragod sikato inkuanto, “Niay tuan Israelita ya ag manasaol na kapara ton too.”

2 CORINTO 1:12

Sikato yay nayarian mi ya ikinon: paneknekan na konsinsia mi a masanto tan anggapoy pankonkonwari so pipiolup mid sankamundoan, lautlad pipiolup mid sikayo. Onyay pambibilay mi, lapud baleg a panangaroy Dios, aliwan lapud kakabatay too.

Deuteronomio 6:18

Gawa yoy amin a maung tan matonung ed arap na Katawan, et maung lawas so kipapasen yo. Nayarian yon kayaryanen so mataban dalin ya insipan na Katawan ed saray lalaki yo,

Saray Hebreo 5:7

Nen mambibilay ed tapew na dalin si Jesus, inakis tan ineyag toy impankerew tan impampikasi tod Dios a makapangilaban ed sikato ed patey. Lapud nagnap a mapaabeba, dinengel na Dios.

Saray Hebreo 6:10

Ta matonung so Dios tan ag to lingwanan iray ginagawa yo, o say panangaron impanengneng yod sikato diad panamegley na tulong ya inter yo tan iiter yo nid saray kapara yon Cristiano.