Isaias 38:18 - Maung A Balita Biblia

¹⁸ Diad pasen a panaayaman da ray inaatey, Anggapoy siopaman a makapangigalang ed sika; Ag makapanmatalek ed inkatoor mo iray inaatey.

Maung a Balita Biblia

¹⁸ Diad pasen a panaayaman da ray inaatey, Anggapoy siopaman a makapangi- galang ed sika; Ag makapanmatalek ed inkatoor mo iray inaatey.

Isaias 38:18 Iomraidhean Croise

Saray Salmo 28:1

Ontatawag ak ed sika, Katawan, a manangyagel ko. Dengel mo ak pa! No ag mo ak ebatan, magmaliw ak a sakey ed saray totoon onlalasur ed pasen a panaayaman da ray inaatey.

Saray Salmo 30:9

“Anton kaabigan so niiter ed sika na ipatey ko? Anton gunggona so naalam ed kipompon ko? Nadayew ka ni na saray inaatey? Nibawag da niy inkamaung mo?

Saray Salmo 6:5

Diad pasen a panaayaman da ray inaatey, ag ka la nanunotan; anggapo lad may makapangidayew ed sika!

Saray Salmo 6:6

Makapkapoy ak lad paneermen ko; nilabi-labin nababasa so dokulan ko, tan naleleteb na luak so danganan ko lapud panaakis ko.

Probirbio 14:32

Saray totoon maoges dederalen na saray dilin kaogsan da; balet saray totoon matonung iyaagel ira na dilin kamaungan da.

Ecclesiastes 9:10

Antokaman a gawaen mo gawam ed anggaay nayarian mo, lapud anggapo lay kimey, kanunotan, pakatalus, tan kakabatan ed pasen a kawalaan da ray inaatey a dimay laen mo.

Saray Bilang 16:33

Ontan sirin mabilay iran linma ed pasen a panaayaman da ray inaatey a pati saray kayaryan da. Kinmopit imay dalin a sinmangin angakmun ed sikara, et naandipat ira.

Mateo 25:46

Sikara ya sirin so onlad dusan andi-anggaan; saray matonung so panagbilay da sikaray onlad bilay ya andi-anggaan.”

Mateo 8:12

Balet saray nepeg day walad Panarian et nibantak irad paway ya ambilbilonget, tan diman ira onakis tan onngayet iray ngipen da.”