Isaias 37:23 - Maung A Balita Biblia

²³ Siopay abaloan mon papabaingan tan luludlureyen mo? Ag mo ak papagalangan, say masanton Dios na Israel.

Maung a Balita Biblia

²³ Siopay abaloan mon papabaingan tan luludlureyen mo? Ag mo ak papagalangan, say masanton Dios na Israel.

Isaias 37:23 Iomraidhean Croise

2 Saray Arari 19:22

Siopay abaloan mon papabaingan tan luludlureyen mo? Ag mo ak pinagalangan, siak a masanton Dios na Israel.

2 Saray Arari 19:4

Imbaki na impirador na Asiria so manonan opisyal to ya amabaing ed mabilay a Dios. Nadngel komun na Katawan a Dios mo ira man a panamabaing tan dusaen to may nansalita. Kanyan ipikasim pad Dios iray nakdaan a totoo tayo.”

2 Saray Awaran 32:17

Diad samay sulat nen impirador na Asiria nileglemew ton mapalalo so Katawan a Dios na Israel. Inkuantod samay sulat, “Saray diriyos na saray bansa et ag da ayarian ya inyagel iray totoo ra ed pakayarik. Ontan met say dios nen Ezekias et ag to niagel ed pakayarik iray totoo to.”

Saray Salmo 44:16

lapud pakarerengel kod panagbalaw tan panaglemlemew da ray kalaban ko tan saray mamobosul ed siak.

Saray Salmo 73:9

Mansasalita ray maoges sumpad Dios a walad tawen tan malastog iran mangigaganggan ed saray totoon walad tapew na dalin,

Saray Salmo 74:10

Kapigay pangangga, O Dios, so pamabalaw ed sika na saray kalaban mi? Anggad angga so panlelemlemew dad ngaran mo?

Saray Salmo 74:18

Balet, Katawan, nunot mo a babalawen da ka na saray kalaban mo; totoo ran anggapoy Dios tan lelemlemewen da ka.

Saray Salmo 74:23

Ag mo pa lilingwanan so paneeyag da ray kalaban mo, say ag manondan paniingal da ray kalaban mo.

Exodo 15:11

“Katawan, siopad saray diriyos so singa sika? Siopay singa sikan makapakelaw ed inkasanto? Siopay makapanggawa na saray milagro tan saray makapakelaw a gawa a singa saray ginagawam?

Exodo 5:2

Inmebat so ari, “Siopa so Katawan? Akin et ondengel ak ed sikato tan abuloyan kon ontaynan iray Israelita? Ag ko kabat itan a Katawan, tan ag ko abuloyan ya ontaynan iray Israelita.”

Exodo 9:17

Balet siansia nin mapaatagey ka tan ag mo ni abuloyan ya ontaynan iray totook.

Probirbio 30:13

Wala ray totoon ipapasen day sikaran dili a maumaung—on, abaloan dan ontan lay kamaung da!

Isaias 10:12

Balet say Katawan kuanto, “Kayari na gagawaen kod Palandey na Sion tan diad Jerusalem, dusaen koy impirador na Asiria lapud panagpaatagey tan panagtangsit to.”

Isaias 10:17

Say Dios a silew na Israel et magmaliw a sakey ya apoy. Say masanton Dios na Israel et magmaliw a manliub ya apoy a diad sanagew et poolan toy amin a bengatla, anggan saray masabit a karikaan.

Isaias 10:20

Onsabiy panaon a saray totood Israel ya akapaliis ed patey et ag la ra manmatalek ed bansan ngalngali sigput ya aneral. Petepeteg a manmatalek irad Katawan a masanton Dios na Israel.

Isaias 12:6

Maneyag tan mankanta kayod liket, sikayon manaayam ed Sion! Matalonggaring so masanton Dios na Israel, tan manaayam ed kawalaan da ray totoo to.”

Isaias 17:7

No onsabiy tan ya agew, onsingger iray totoo ya onkerew na tulong ed Amalsad sikara, say masanton Dios na Israel.

Isaias 2:11

Onsabiy agew a mansamput so panagpaatagey na too tan naderal so panagpasirayew na amin a katoowan. Insan say Katawan labat so nitanduro ed satan.

Isaias 37:4

Imbaki na impirador na Asiria so manonan opisyal to ya amabaing ed mabilay a Dios. Nadngel komun na Katawan a Dios mo ira man a panamabaing tan dusaen to ra may nansalita. Kanyan ipikasim pad Dios iray nakdaan a totoo tayo.”

Isaias 41:14

Say Katawan kuanto, “Daiset may makapoy kayon Israelita, ag kayo natatakot, tulongan ta kayo. Siak, say masanton Dios na Israel, so mangyaagel ed sikayo.

Isaias 41:16

Ibontuk yo ra ed tagey; ibatik ira na dagem, tan itaytayak ira na bagyo. Diad satan manliket kayo ta siak so Dios yo; idayew yo ak, say masanton Dios na Israel.

Isaias 43:14

Say masanton Dios na Israel, say Katawan a Mananondon yo, kuanto, “Diad pangilaban kod sikayo, mangibaki ak na saray sondalo a mibakal ed Babilonia; igebak iray puirta na siudad, et magmaliw ya akis so eyag na saray totoo to.

Isaias 43:3

Ta siak so Katawan a Dios mo, say masanton Dios na Israel, a mangilalaban ed sika. Ipatalok so Egipto, Etiopia tan Seba pian narondon ka.

Isaias 5:15

Napelag ed kababaingan so balang sakey, tan napaabeba ya amin iray mapaatagey.

Isaias 5:21

Pakaskasi kayo la! Ipapasen yoy sikayon dili a makabat, mapalalon marunong a talaga.

Jeremias 48:42

Naderal so Moab tan magmaliw ya aliwa lan bansa, lapud linmaban ed siak.

Ezekiel 28:2

Inkuanto, “Sika a toon ompatey, ibagam so ibabagak ed manoley na Tiro, siak a Katawan a Dios: Diad panagpaatagey mo, ibabagam a sakey kan dios. Ibabagam a singa ka sakey a dios a manyodyorung ed trono, ya aliber na saray dayat. Nayarin ipasen moy sikan dili a sakey a dios, balet aliwan tua, ta sakey kan too labat ya ompatey; aliwa kan Dios.

Ezekiel 28:9

No laen da kan pateyen, nibagam nin sakey ka a dios? No miarapan kad saray mamatey ed sika, sakey ka a toon ompatey, aliwan Dios met lamlamang.

Ezekiel 35:13

Nadngel koy mapalalon mapaatagey ya impansasalitam sumpad siak.”

Ezekiel 39:7

Ipaamtak ed saray totook ya Israel so masanton ngaran ko, tan ag ko la abuloyan a napelag ed kababaingan so ngaran ko. Diad satan nakabatan na saray bansa a siak so Katawan, say masanton Dios na Israel.”

Daniel 7:25

Mansalita na sumpad Sankatageyan a Dios tan pairapen to ray totoo na Dios. Salien ton omanen iray ganggan na rilihion da tan saray pista ra, tan oleyan ton taloy taon tan kapaldua iray totoo na Dios.

Daniel 8:11

Nilabanan to so anggan say Prinsipi da ray mangatatawen a sondalo, pinatonda toy inagew-agew a panagbagat ed sikato, tan dinederal toy Timplo.

2 TESALONICA 2:4

Sumlangen to ray amin ya igagalang na totoo tan saray amin ya ipapasen dan diriyos. Iyan to ran amin ed silong na pakayari to, onloob ed Timploy Dios, insan onirung diman tan iparontal toy sikaton dili a Dios.

1 Samuel 17:26

Tinepet nen David ed saray totoon asingger ed sikato, “Antoy nagamuran na toon makapatey ed sayan Filisteo tan makapangipaliis ed kababaingan na Israel? Ta siopa ta yan paganon Filisteo et sagyaten ton milaban iray sondalo na mabilay a Dios?”

1 Samuel 17:36

Akapatey ak la na saray lion tan saray uso, tan pateyen ko met iman a Filisteo a manasagyat a milaban iray sondalo na mabilay a Dios.