Isaias 37:13 - Maung A Balita Biblia

¹³ Antoy agawaan na saray ararid saray siudad na Hamat, Arfad, Sefarvaim, Hena, tan Iva?”

Maung a Balita Biblia

¹³ Antoy agawaan na saray ararid saray siudad na Hamat, Arfad, Sefarvaim, Hena, tan Iva?

Isaias 37:13 Iomraidhean Croise

2 Saray Arari 17:24

Say impirador na Asiria angawit na saray totoon taga saray siudad na Babilonia, Cuta, Ava, Hamat, tan Sefarvaim, insan impanayam to rad saray siudad na Samaria. Sikaray kasalat na saray Israelitan niakar ed Asiria. Kinayaryan da ra yan siudad tan diman ira nanayam.

2 Saray Arari 18:34

Iner la natan so kawalaan da ray diriyos na Hamat tan Arpad? Iner so kawalaan da ray diriyos na Sefarvaim, Hena, tan Iva? Wala sirin ed sikaray angyagel ed Samaria?

2 Saray Arari 19:13

Antoy agawaan na saray ararid saray siudad na Hamat, Arfad, Sefarvaim, Hena, tan Iva?”

Isaias 10:9

Adakep ko ray siudad na Calno tan Carkemis, saray siudad na Hamat tan Arpad. Adakep koy Samaria tan Damasco.

Isaias 36:19

Iner la natan so kawalaan da ray diriyos na Hamat tan Arpad? Iner so kawalaan da ray diriyos na Sefarvaim? Wala tad sikaray angyagel ed Samaria?

Isaias 37:12

Dinederal na saray lalakik iray siudad na Gozan, Haran, Rezef, tan pinapatey da ray totoon taga Eden a manaayam ed Talassar, et anggapod saray diriyos da so akapangyagel ed sikara.

Isaias 37:14

Inawat nen Ari Ezekias so sulat ed lima na saramay imbaki na impirador tan binasa to. Insan linmad Timplo, inyan tod man imay sulat diad arap na Katawan,

Jeremias 49:23

Sikato yay inkuan na Katawan nipaakar ed Damasco: “Natatakot tan mapagpaga iray taga siudad na Hamat tan Arfad lapud akadngel iray maoges a balita. Singa dayat ya ontatabun ed sikara so kapagaan, tan ag ira makapainawa.

Habacuc 1:10

Luludlureyen da ray arari tan elek-elekan da ray atatagey ya opisyal. Anggapoy tirinsiran makapatondad sikara—mambubunton ira na dalin ed abay na tirinsira et nadadakep da.