Isaias 37:1 - Maung A Balita Biblia

¹ Diad ermen nen Ari Ezekias nen nadngel toy imbalita da ra may opisyal to, pinilat toy kawes to, insan linmad Timplo na Katawan.

Maung a Balita Biblia

¹ Diad ermen nen Ari Ezekias nen nadngel toy imbalita da ra may opisyal to, pinilat toy kawes to, insan linmad Timplo na Katawan.

Isaias 37:1 Iomraidhean Croise

2 Saray Arari 22:11

Nen nadngel na ari so impangibasad libro, ginebyas toy kawes to lapud ermen to.

2 Saray Awaran 32:20

Insan si Ari Ezekias tan si propita Isaias a lakin anak nen Amoz nampikasi rad Dios tan kinmerew iray tulong to.

Esdras 9:5

Nen sinmabiy oras na panangisaklang na bagat ed labi, inmalagey ak ed pasen a paneermenan ko. Akasolung nid siak imay apilat a kawes. Tinmalimukor ak a nampikasi tan inyonat ko ray limak ed Katawan a Dios ko.

Ester 4:1

Nen akabatan nen Mardokeo iray amin ya agawa pinipilat toy kawes to lapud mapalalon ermen to. Insan nankawes na sako, ininan to na dapul so olo to, tan nanakar-akar ed siudad a manogagaog tan mannangnangis na ampaipait,

Isaias 22:12

Diad saman, say Katawan a Dios a Makapanyarin-amin et tinatangguyor to kayon manakis tan manermen, mangiskis na kaoloan yo tan mankawes na sako.

Isaias 36:22

Diad ermen di Eliakim, Sebna, tan Joa, pinilat day kawes da, linma la ra, insan imbalita rad ari so imbaga na samay opisyal na Asiria.

Isaias 37:14

Inawat nen Ari Ezekias so sulat ed lima na saramay imbaki na impirador tan binasa to. Insan linmad Timplo, inyan tod man imay sulat diad arap na Katawan,

Jeremias 26:19

Ag pinatey nen Ari Ezekias tan saray totoo to si Mikias. Ingen tinakotan nen Ezekias so Katawan tan nala to so maung a linawa to. Diad onman angoman so Katawan ed kanununotan ton manderal ed sikara. Balet sikatayo, ngalngali ti la iyakar so baleg a deral ed sikatayon dili.” (

Jeremias 36:24

Balet samay ari odino saramay opisyal ya akadngel ed sarayan amin et ag ira tinmakot odino angipatnag na pagbabawi ra.

Mateo 11:21

“Pakaskasi ka, Corazin! Pakaskasi ka met, Betsaida! Ta no dimad Tiro tan Sidon so akagawaan na sarayan milagro, abayag la ra komuy taga diman a nankawes na sako tan nampulapol na dapul ed laman da, a pakanengnengay impangibeneg dad saray kasalanan da!