Isaias 34:4 - Maung A Balita Biblia

⁴ Ondapul so agew, bulan, tan saray bitewen diad kapelag da. Naandi so tawen a singa kalokut na ikamen, tan napelag iray bitewen a singa kapelag na saray bolung a manlapud sangay ubas odino sangay kiew ya igos.

Maung a Balita Biblia

⁴ Ondapul so agew, bulan, tan saray bitewen diad kapelag da. Naandi so tawen a singa kalokut na ikamen, tan napelag iray bitewen a singa kapelag na saray bolung a manlapud sangay ubas odino sangay kiew ya igos.

Isaias 34:4 Iomraidhean Croise

Isaias 13:10

Ontondan onsinag iray bitewen tan amin da ray onsisinag a walad liwang, ambilonget so agew no ompaway, tan ag onsinag so bulan.

Isaias 13:13

Diad agew a siak, say Katawan a Makapanyarin-amin, et ipanengneng koy pasnuk ko, yakayaken koy katawenan tan yegyegen koy mundo pian naekal ed pasen to.

Isaias 14:12

Ari ed Babilonia, masnag a kabontatalad kabwasan, apattak ka lan nanlapud tawen! Adakep mo ray bansa nen saman, balet natan nibantak ka ed dalin.

Isaias 51:6

Tangay kad katawenan; nengneng kad mundo! Naandipat a singa asewek so katawenan; nabuyak a singa daan a kawes so mundo, tan ompatey a singa apangat iray totoo to. Balet mansiansia so kilalaban ya iter ko, ag mangangga so pananalok.

Joel 2:10

Diad idadalan da nayeyegyeg so dalin; nayayakayak so tawen. Ombibilonget so agew tan say bulan, tan ag la onsisinag ira bitewen.

Joel 3:15

Ombibilonget so agew tan say bulan, tan ag la onsisinag iray bitewen.

Mateo 24:29

“Kasumpal na satan a kairapan, ombilonget so agew tan ag la onsinag so bulan. Napelag iray bitewen a manlapud tawen, tan saray pakayarid liwang ag da natombuk so gendat a kinaoksuy da.

Mateo 24:35

Naandipat so tawen tan dalin, balet ag balut naandipat iray salitak.”

Saray Hebreo 12:27

Saray salitan “maminsan ni” labay dan ibaga a nayegyeg tan naekal iray bengatlan pinalsa, pian ag naekal iray bengatlan ag nayegyeg.

Puyan 20:11

Kasumpal to ya, anengneng koy baleg a tronon ampoti tan say akayorung diman. Naandipat so tawen tan dalin ed arap to, tan ag la ran balut anengneng.

Puyan 6:12

Ninmengneng ak nen inekal na samay Kordiro so kumanem a timbri. Yinmegyeg na makmaksil, dinmeket a singa baliwan so agew, tan binmalangan singa dala so intiron bulan.

Puyan 8:12

Nen sinibuk na kumapat ya anghil so trumpita to, aderal so kakatloy agew, bulan, tan bitewen, kanyan naandiy kakatlon liwawa ra. Binmilonget so kakatloy labi tan kakatloy agew.