Isaias 33:6 - Maung A Balita Biblia

⁶ tan iletneg ton malet so bansa. Iyagel to lawas iray totoo to tan itdan to ray kakabatan tan pakatalus. Say sankabalegan dan kayamanan et say pangigagalang dad Katawan.

Maung a Balita Biblia

⁶ tan iletneg ton malet so bansa. Iyagel to lawas iray totoo to tan itdan to ray kakabatan tan pakatalus. Say sankabalegan dan kayamanan et say pangigagalang dad Katawan.

Isaias 33:6 Iomraidhean Croise

2 Saray Arari 18:7

Kanyan walad sikatoy Katawan, tan inmaligwas ed antokaman a ginawa to. Nilabanan toy impirador na Asiria tan ag sinmuko ed sikato.

Say Libro nen Job 4:6

Walay takot mo ed Dios, tan anggapoy pakabalawan ed sika; nepeg a walay talek tan ilalom.

Saray Salmo 140:7

Katawan a Dios ko, say mabiskeg a manangyagel ko, inyagel mo ak legay bakal.

Saray Salmo 28:8

Say Katawan iyaagel to ray totoo to, iyaagel tan ilalaban toy pinili ton ari.

Saray Salmo 45:4

Lakan sigagalang ya akalogan a manalo ed bakal, diad pangyagel mod katwaan tan katonungan! Say biskeg mo, panaloen to kad amayamay a bakal!

Probirbio 14:24

Kayamanan so tumang na saray makabat a totoo, balet nanaamtaan iray makulang-kulang, lapud inkakulang-kulang da.

Probirbio 14:26

Say panangigalang ed Katawan mangiiter na talek tan mangyaarawid kaatapan ed sakey a too tan pamilya to.

Probirbio 14:27

Labay mon napaliisay patey? Say panangigalang ed Katawan et sobul na bilay.

Probirbio 15:16

Maung niy mairap-bilay a walay panamagalang ed Katawan, nen say mayaman a walad gunigon.

Probirbio 19:23

Pagalangan moy Katawan, et nawalaan kay andokey a bilay, apenek, tan arawid kaatapan.

Probirbio 2:5

No onyay gawaen mo, nakabatan mo no antoy kabaliksan na itakot ed Katawan, tan naamtaan mo so nipaakar ed Dios.

Probirbio 28:2

No makasalanan iray totood bansa, mansasalat iray pangulo to. Balet mansiansian mabiskeg so sakey a bansa no wala ray maotek tan ikakana ray olo ran pangulo to.

Probirbio 29:4

Mabiskeg so bansa no say inkatonung so ipakurang na ari, balet no say kuarta labat so kawalaay pilalek to, deralen toy bansa to.

Ecclesiastes 7:12

Say kakabatan iyagel to kad kaatapan a singa pangyagel ed sika na kuarta. Say kakabatan iyarawi to kad kaatapan—sikato yay kamaungan na pakatalus.

Ecclesiastes 7:19

Dakel niy nagawaan na kakabatan para sakey a too nen say nagawaan na samploran manoley para sakey a siudad.

Isaias 11:9

Diad Sion a masanton palandey na Dios, anggapoy antokaman a mamasakit odino manderal. Say dalin napano na pikakabat ed Katawan a singa inkapnoy dayat na danum.

Isaias 26:1

Onsabiy agew a saray totooy Dios et kantaen dad dalin na Juda yan kanta: Mabiskeg so siudad tayo! Say Dios a dili so mangyaagel ed saray padir to!

Isaias 32:17

Lapud say inkatonung so gawaen na balang sakey, mansiansiad dalin so kareenan tan niarawid kaatapan.

Isaias 32:18

Naandiy kapagaan ed bilay da ray totooy Dios, tan niarawid kaatapan so kaabungan da tan manayam so kareenan. (

Isaias 33:20

Nengneng yoy Sion, say siudad a panggagawaan tayo na saray pista tayo. Nengneng kayod Jerusalem! Sakey a pasen a maung a panayaman ya arawid kaatapan! Magmaliw a singa tuldan ag balut nagagalaw, ag balut nababagut iray palpal to tan ag balut napopoltut iray lobir to.

Isaias 45:17

Balet ta inlaban na Katawan so Israel, tan mansiansiad ando lan ando so impanalo to; ag balut napelag ed kababaingan iray totoo to.’”

Isaias 51:14

Ag mabayag nabolus la ray priso; mambilay ira na andokey tan nawalaan ira na amin a nakaukolan dan kanen.

Isaias 51:6

Tangay kad katawenan; nengneng kad mundo! Naandipat a singa asewek so katawenan; nabuyak a singa daan a kawes so mundo, tan ompatey a singa apangat iray totoo to. Balet mansiansia so kilalaban ya iter ko, ag mangangga so pananalok.

Jeremias 31:34

Anggapod sikaray nepeg a mangibangat ed kabansaan to na nipaakar ed pangamta ed Katawan, ta nakabatan da ak ya amin, abeba may atagey so kipapasen da. Pirdonaen ko ray kasalanan da tan ag ko la nunoten iray ginagawa ran kaogsan. Siak, say Katawan, so nansalita.”

Habacuc 2:14

Say mundo et napano na pikakabat ed kagalangan na Katawan a singa inkapano na dayat na danum.

Mateo 6:33

Sikayo, balet, anap yon onona so Panarian na Dios tan say pambilay yon onung ed linawa to, et iter tod sikayoy amin a nakaukolan yo.

2 CORINTO 6:10

apapaermen kami, balet malikeliket kami lawas; singa kami mairap-bilay, balet amayamay so pinapayaman mi; singa anggapoy kayaryan mi, balet kayaryan min amiy bengatla.

1 Timoteo 4:8

Walay kaabigan ya iiter na pangipasal na laman. Balet say pangipasal ed masanton panagbilay et lalon maabig so iter to, ta isipan toy bilay a para natan tan diad arapen.

1 Timoteo 6:6

Baleg a kayamanan so niiter na rilihion ed sakey a too ya amta toy mamasarag na antokaman a walad sikato.