Isaias 33:2 - Maung A Balita Biblia

² Katawan, kasian mo kami pa. Sikay nanilaloan mi. Iyagel mo kami pa ya inagew-agew tan ilaban mo kami ed saray panaon na gunigon.

Maung a Balita Biblia

² Katawan, kasian mo kami pa. Sikay nanilaloan mi. Iyagel mo kami pa ya inagew-agew tan ilaban mo kami ed saray panaon na gunigon.

Isaias 33:2 Iomraidhean Croise

Saray Salmo 123:2

No panoy paniilalo na aripen ed amo ton laki, o say aripen a bii ed amo ton bii, ontan met so paniilalo mid sika, Katawan a Dios mi, anggad kasian mo kami.

Saray Salmo 143:8

Ipanunot mo pad siak kapag kabwasan so ag mangoman a panangarom, ta manmamatalek ak ed sika. Itorom pad siak so dalan a nepeg kon laen, ta mikakasi ak ed sika.

Saray Salmo 25:3

Ag nabaingan iray manmamatalek ed sika, no ag ingen saray bengatbengat ya onsusumpad sika.

Saray Salmo 27:1

Say Katawan so silew tan kilalaban ko, kanyan anggapoy tatakotan ko. Say Katawan so mangyaagel ed siak ed antokaman a kaatapan; ag ak balut ontakot.

Saray Salmo 33:22

Katawan, say ag mangoman a panangarom et wala komun ed sikami, bangta manmamatalek kamid sika.

Saray Salmo 37:39

Say Katawan ilalaban to ray totoon matonung tan iyaagel to ra no panaoy gunigon.

Saray Salmo 46:1

Say Dios so salimbeng tan say biskeg tayo; sipaparaan lawas ya ontulong no panaon na gunigon.

Saray Salmo 46:5

Walad saman a siudad so Dios, kanyan ag balut naderal, tan diad palbangon laen ton tulongan.

Saray Salmo 50:15

Tawag kayod siak no onsabiy gunigon; ilaban ta kayo, et idayew yo ak.”

Saray Salmo 60:11

Tulongan mo kami pan mibakal ed saray kalaban mi; anggapoy kanay tulong na too.

Saray Salmo 62:1

Aanosan kon aalagarey pangilaban na Dios ed siak; sikato labat so panmamatalkan ko.

Saray Salmo 62:5

Say Dios labat so panmamatalkan ko; sikatoy paniilaloan ko.

Saray Salmo 62:8

Sikayon totook, manmatalek kayod Dios diad amin a panaon. Ibaga yod sikatoy amin a gunigon yo, ta sikatoy salimbeng tayo.

Saray Salmo 90:15

No kaonungay inter mod sikamin ermen, leleg da ra may taon a wala kamid segsegang, ontan pa met so iter mod sikamin liket.

Saray Salmo 91:15

No ontawag irad siak ebatan ko ra; no wala rad gunigon ibaan ko ra. Iyagel tan pagalangan ko ra.

Exodo 14:27

Kanyan inyonat nen Moises ed dayat so lima to, et nen maliwawa la pinmawil ed gendat a kaaralem to. Ginawaan na saray Egipsio so anggaay nayarian da ya ombatik, balet say Katawan imbabantak to rad dalem na dayat.

Isaias 17:10

Totood Israel, alingwanan yoy Dios ya angilaban ed sikayo, ya aliling toy baleg a baton-dampay ya angyagel ed sikayo. Nanggagawa kayo la laingen na saray masanton tanamanan ya angigalangan yod dios na arum a bansa.

Isaias 25:4

Sinmingger ed sika iray mairap-bilay tan saray walad pankaukolan, et niarawi rad kaatapan ed panaoy gunigon. Iitdan mo ray salimbeng no panaoy bagyo tan say siruman no mapalaloy petang. Saray maruksan totoo ondodogpa ran singa bagyo no panaoy ambetel,

Isaias 25:9

No nagawa la ya, say balang too ikuanto, “Sikatoy Dios mi! Nanmatalek kami ed sikato, kanyan inyagel to kami. Sikato so Katawan! Nanmatalek kami ed sikato, et natan maliket tan magayaga kami lapud inyagel to kami.”

Isaias 26:16

Dinusam iray totoom, Katawan, tan diad paniirap da nampikasi rad sika.

Isaias 26:8

Oonuren miy linawam tan manmamatalek kamid sika; sika labat so pampilpilalekan mi.

Isaias 37:3

Saya so impaikuantod kinen Isaias: “Agew natan na kairapan; nadudusa tan nipepelag itayod kababaingan. Singa itayo biin asabi lay pananak to, balet ta makapkapoy a mangipaway na ogaw.

Isaias 40:10

Onsasabi so Katawan a Dios a makapanyarin manoley, onsasabin kaiba to ray totoon inyagel to.

Isaias 51:5

Masiglat ak ya onsabi ta ilaban ko ra; asingger lay agew na panalok; Siak a dili so manoley ed saray bansa. Saray arawin dalin aalagaren da ak ya onsabi: siilalo ran manaalagar ed siak a mangilaban ed sikara.

Isaias 59:16

Mankelaw ed impakanengneng to ya anggapoy ontulong ed saray napapairap. Kanyan ipakana toy dilin pakayari to ed pangyagel tod sikara tan say panalo to.

Isaias 8:17

Inyamutan na Katawan iray totoo to, balet manmamatalek ak ed sikato tan sikatoy paniilaloan ko.

Jeremias 14:8

Sika labat so ilalo na Israel, sika so mangilalaban ed sikami ed kaderalan. Akin et singa ka sangkaili ed dalin mi, singa biahiron sanlabi labat so pipundo to?

Saray Tagleey 3:23

Balo ra lawas a singa kabwasan; agaylay inkatoor na Katawan.

Oseas 14:2

Pawil kayod Katawan, tan iyapay yo yan pikakasi ed sikato: “Pirdonam pan amin iray kasalanan mid sika, Katawan, tan dengel mo pay pikakasi mi; et diad ontan idayew mi ka onung na insipan mi.