Isaias 32:9 - Maung A Balita Biblia

⁹ Sikayo ran bibiin mambibilay ed inawa, ya anggapoy kapagaan yo, dengel yoy ibabagak.

Maung a Balita Biblia

⁹ Sikayo ran bibiin mambibilay ed inawa, ya anggapoy kapagaan yo, dengel yoy ibabagak.

Isaias 32:9 Iomraidhean Croise

Saray Salmo 123:4

Abayag lay impanlelemlemew ed sikami na saray mamayaman, tan say impanbabalaw na saray maruksan mapaatagey.

Isaias 28:23

Dengel yoy ibabagak; asikaso yo no antoy sasalitaen kod sikayo.

Isaias 3:16

Inkuay Katawan, “Agaylay panag-paatagey na saray bibiid Jerusalem! Mataltalker so tenger dan manakar: Mankindat ira lawas. Ankekelanting so kupbang da, tan mantaningting so pulsiras dad kalit-kalit.

Jeremias 9:19

Dengel moy panaakisan da ray totoo ed Sion: “Aderal-deral itayo! Sigput a naplag itayod kababaingan! Nepeg tin taynan so dalin tayo; aderal-deral tan atumtumba iray kaabungan tayo.”

Jeremias 9:20

Inkuanko, “Dengel kayod Katawan, sikayon bibii, tan talineng yo ray salita to. Ibangat yon manermen iray anak yon bibii, ibangat yo met a mankanta na kantan para tolur iray kakaaro yo.

Saray Tagleey 4:5

Ompapatey ed eras diad saray dalan iray totoon gendat a maung so kakanen da; manaanap ed basuraan na napambilay da iray totoon binmaleg ed inawa.

Sofonias 2:15

Ontan so nagawa ed siudad ya ipapangaya toy dilin pakayari to tan ipapasen toy sikaton dili ya arawid kaatapan. Ipapasen na saray totoo to a say siudad da so sankatalonggaringan ed intiron mundo. Magmaliw a begte-begtew a pasen, sakey a pasen a panayaman na saray ayayep ed katakelan! Balang toon ondalan ed saman a pasen et makasoner ed kataktakot to.

Mateo 13:9

Insan kuanen Jesus, “Dengel kayo sirin, sikayo ran walay layag!”

Deuteronomio 28:56

Onya met so gawaen na sakey a biin sankasimpitan tan galgalangen a pamilyay sengeg to, tan diad mapalalon inkayaman to et ag to asaliy nanakar ed inyoonla tod iner man a pasen. No looban na saray kalaban so baley to, mapalaloy kaandian toy nakan, kanyan maamut ton kanen so kapangyanak ya anak to tan say pinmaway a baley to. Ag to anggan itdan so inaro ton asawa odino siopaman ed saray anak to.

Saray Huis 9:7

Nen nadngelan nen Jotam so nipaakar ed saya, linman nanalagey ed toktok na Palandey na Gerizim tan kinulyaotan to ra, “Dengel kayod siak, sikayo ran totood Sikem, ta ompan dengelen kayo na Dios!