Isaias 32:13 - Maung A Balita Biblia

¹³ saray masabit a dika tan saray balisanga so ontutubod dalin da ray totook. Nangisan yo ray amin a kaabungan a maliket a nanaayaman nen saman na saray totoo tan say siudad a magayaga nen saman.

Maung a Balita Biblia

¹³ saray masabit a dika tan saray balisanga so ontutubod dalin da ray totook. Nangisan yo ray amin a kaabungan a maliket a nanaayaman nen saman na saray totoo tan say siudad a magayaga nen saman.

Isaias 32:13 Iomraidhean Croise

Saray Salmo 107:34

Impagmaliw ton maasin tan ag natobuan so mabonan dalin, lapud kaogsan da ray manaayam diman.

Isaias 22:2

Maungol so siudad, napno na ingal tan mapalaloy sayaksak na katoowan. Ag inatey ed pibabakal iray totoo yon inaatey ed sayan bakal.

Isaias 23:7

Sikato ta ya may maliket a siudad na Tiro ya abaybayag lan niletneg? Sikato ta ya may siudad ya angibaki na saray nansasakop ed pasen ed biek na dayat?

Isaias 23:9

Say Katawan a Makapanyarin-amin so angiplano. Implano to ya, pian napatonda toy panagpaatagey da ray taga Tiro ed saray agawgawaan da tan ontan met pian napaabeba to ray gagalangen dan totoo.

Isaias 24:11

Maneeyag ed saray dalan iray totoo lapud anggapo lay alak. Naandi lay liket; tinmaynan la ed dalin.

Isaias 27:10

Aderal-deral so siudad ya aliber na padir. Ataynan a singa kalawakan ya anggapoy onkitakitaw. Nagmaliw a pastolan na saray baka, a pakapampainawaan tan pakapankabkaban da.

Isaias 34:13

Saray masabit a tanaman et ontubo rad saray palasio tan saray baley ya aliber na padir, tan panayaman ira na saray asod katakelan tan saray kulayot.

Isaias 5:10

Say limaran iktarian dalin a tinanemay ubas et pangalaan labat na sakey galon ya alak. Say binin samploran sako et napananian labat na sakey sako.”

Isaias 5:6

Paolyan kon natuboan na saray dika. Ag ko potut-potutay sanga to odino bukalkalen so dalin, no ag ingen paolyan kon kobutan na ambabaing tan arum nin masabit a dika. Iganggan ko ni ingen iray lorem ya ag da terteran na oran.”

Isaias 55:13

Ontubo ray kiew a sipris ed pasen a kawalaan da ray sabitan natan; ontubo ray kiew a mirtil ed pasen a totobuan natan na saray ambabaing. Sikato yay tanda a mansiansia lawas, sakey a tanda a mangipanunot ed ginawak, siak a Katawan.”

Isaias 6:11

Tinepet ko, “Katawan, anggad kapigan ya onyay nagawa?” Inmebat so Katawan, “Anggad aderal-deral tan anggapo la ray totoon manayam ed siudad—anggad anggapo la ray manayam ed saray abung—anggad say dalin et andi-kakanaan lan ataynan.

Isaias 7:23

“No onsabi tan a panaon, saray mararakep a kaubasan a walay sanlibon sengeg na ubas to, tan mambiliy sanlibon pilak so kapag kaubasan, et natuboan na amayamay a masabit a dika.

Jeremias 33:4

Siak a Katawan, say Dios na Israel, kuanko a saray kaabungan ed Jerusalem tan say palasio ed Juda et nageba ra lapud panlakob tan pandogpa.

Jeremias 39:8

Legan to ya, pinoolan na saray taga Babilonia so palasio ed Jerusalem tan saray abung na totoo, tan inggegeba da ray padir na Jerusalem.

Jeremias 52:27

a sakop na dalin na Hamat. Impapasiplatan tan impapatey irad man na ari. Kanyan niarawi rad dalin da iray totood Juda tan nibantak irad arawin pasen.

Oseas 10:8

Naderal iray altar ed toktok na pokdul na Aven a dimay pangigagalangan na saray totoo ed saray talintaoy diriyos. Natubuan na masabit a tanaman tan dikarika iray altar da. Saray totoo iyeyag dad saray palandey, “Iyamut yo kami!” tan diad saray kapokdulan iyeyag da, “Tabunan yo kami!”

Oseas 2:3

No ag to tondaan so gagawaen to, lakseban ko tan paolyan kon singa kapawapaway tod eges na ina to. Pagmaliwen kon singa kalawakan a kinmelang, et ompatey ed kaapgaan.

Oseas 9:6

No onsabiy kadederal, tan nikaykayat iray totoo, tiponen ira na saray Egipsio—tiponen da ran ipompon ed Memfis! Saray kayamanan dan pilak tan saray pasen ya angiletnegan na saray abung da et natubuan ira na saray dika tan saray tanaman a masabit.