Isaias 31:6 - Maung A Balita Biblia

⁶ Inkuan na Dios, “Totood Israel, nankasalanan tan linmaban kayod siak. Balet pawil kayo la natan ed siak!

Maung a Balita Biblia

⁶ Inkuan na Dios, Totood Israel, nankasalanan tan linmaban kayod siak. Balet pawil kayo la natan ed siak!

Isaias 31:6 Iomraidhean Croise

2 Saray Awaran 36:14

Ontan met, saray pangulo na Juda, saray papari, tan saray karaklan et ag da tinoor so Dios, ta inalig da ray kaogsan da ray bansan walad kaliber-liber da diad impangigalang dad saray talintaoy diriyos. Diad onya, dinotakan day Timplo a pinasanto na Katawan.

Say Libro nen Job 22:23

On, nepeg kan ompawil a sipapaabeba ed Dios, tan ekal mo lay amin a kaogsan a nagagawad dalem na abung mo.

Isaias 1:2

Inkuan na Katawan, “Sikayon tawen tan mundo, dengel yoy ibagak! Linmaban ed siak iray pinabaleg kon anak.

Isaias 29:15

Pangaskasiyan iray totoon mangyaamut ed Katawan na saray plano ra! Maamut a gagawaen da ray getma ra, tan abaloan da ya anggapoy makanengneng ed sikara o makaamta na saray gagawaen da.

Isaias 44:22

Saray kasalanan mo et impapalir ko ra a singa lorem. Pawil kad siak; siak so mangilalaban ed sika.”

Isaias 48:8

Amtak ya ag ka napanmatalkan, a sika lawas so bantug a mananumpa. Sikato yay makasengeg ya ag mo yan balut nadngelan nen saman, ya ag mon balut naamingaw.

Isaias 55:7

Saray makasalanan a totoo et ibeneg da komun so kabibilay da tan omanen day panagnunot da. Ompawil ira komun ed Katawan a Dios tayo, ta mapangasi tan sipaparaan a mamirdona.

Jeremias 3:10

Kayari na sarayan amin, say Juda ya aliwan matoor a biin agi na Israel, nankonkonwarin ompawil ed siak; aliwan masimoon so impawil tod siak. Siak, say Katawan, so nansalita.”

Jeremias 3:12

Imbaga to nid siak ya onla ak a mangikuan ed Israel, “Aliwan matoor ya Israel, pawil kad siak. Lapud mapangasi ak, ag ta ka la pampasnukan; aliwan ando lan ando so petang na olok ed sika.

Jeremias 3:14

“Pawil kayo, aliwan matoor a totoo; kayaryan ta kayo. Mangala ak na sakey ed sikayo ed balang baley tan duara ed balang boleg, tan papawilen ta kayo ed Palandey na Sion.

Jeremias 3:22

Pawil kayo, amin yon angikaindan ed Katawan; paabigen to kayo, tan pagmaliwen to kayon matoor. Ikuanyo, “On, onsisingger kamid Katawan, ta sikatoy Katawan a Dios mi.

Jeremias 5:23

Balet sikayo ran totoo! Anawet so olo yo tan mananumpa kayo; imbeneg yo ak, insan yo ak tinaynan.

Ezekiel 18:31

Tondaan yo la ray kaogsan a gagawaen yo, tan iyalaan yo lay sikayon dili na balon isip tan puso. Akin et labay yoy ompatey, sikayo ran Israelita?

Ezekiel 18:32

Ag ko labay ya ompatey so siopaman,” Kuay Katawan a Dios. “Ikaindan yo la ray kasalanan yo et mansiansia kayon mambilay.”

Oseas 9:9

Mapalaloy kaogsan a gagawaen da; singa samay kaogsan a ginagawa ra nen wala rad Gabaa. Nanunotan na Dios so kasalanan da tan dusaen to ra lapud kaogsan da.

Zacarias 1:3

balet natan kuankod sikayo, ‘Pawil kayod siak, et ompawil ak ed sikayo.

Saray Gawgawa 26:20

Nampupulong ak ya onona diad Damasco, insan diad Jerusalem tan diad intiron dalin na Judea, ontan met a diad saray Hintil. Impupulong kon nepeg day mampataulid saray kasalanan da tan ompawil irad Dios, tan ipanengneng day pampatauli ra diad panamegley na saray gawa.

Saray Gawgawa 3:19

Kanyan magbabawi kayo la tan pawil kayo lad Dios, pian naponas iray kasalanan yo,