Isaias 31:1 - Maung A Balita Biblia

¹ Pangaskasiyan iray onlan patulongan ed Egipto! Manmamatalek ira ed mabiskeg tan dakerakel a sondalo, kabayo, tan karwahi na Egipto. Balet ag ira manmamatalek ed Katawan a masanton Dios na Israel odino onkekerew na tulong ed sikato.

Maung a Balita Biblia

¹ Pangaskasiyan iray onlan patulongan ed Egipto! Manmamatalek ira ed mabiskeg tan dakerakel a sondalo, kabayo, tan karwahi na Egipto. Balet ag ira manmamatalek ed Katawan a masanton Dios na Israel odino onkekerew na tulong ed sikato.

Isaias 31:1 Iomraidhean Croise

Genesis 47:17

Kanyan inawit dad kinen Jose iray ayayep dan kabayo, karniro, kanding, baka, tan asno. Diad saman a taon, initdan to ray nakan a salat na saray ayayep da.

2 Saray Awaran 16:7

Diad saman a panaon linmad kinen Ari Asa si propita Hanani tan kuanto, “Lapud aliwan say Katawan a Dios mo so nanmatalekan mo no ag ingen say ari na Siria, imbatikan ka na saray sondalo na ari ed Israel.

2 Saray Awaran 16:9

Iimanoen a maung na Katawan so sankamundoan, pian naitdan to na pakayari iray totoon matoor ed sikato so kapusoan da. Kakulang-kulangan so ginawam, kanyan manlapud natan lawas kan mibakal.”

Say Libro nen Job 39:11

Napanmatalkan mo so ontan lan biskeg to tan napanilaloan mon gawaen toy kimey mo?

Saray Salmo 20:7

Saray arum a totoo manmamatalek irad karwahi ra, tan saray arum diad saray kabayo ra, balet manmamatalek itayod pakayari na Katawan a Dios tayo!

Isaias 10:17

Say Dios a silew na Israel et magmaliw a sakey ya apoy. Say masanton Dios na Israel et magmaliw a manliub ya apoy a diad sanagew et poolan toy amin a bengatla, anggan saray masabit a karikaan.

Isaias 2:7

Napno na pilak tan balituk so dalin da, tan ag nabilang so kayamanan da. Napno na kabayo so dalin da, tan ag nabilang iray karwahi ra.

Isaias 20:5

Saray nanmatalek ed Sudan tan saray angikinon ed Egipto et nabaingan ira tan naekalan iray ilalo.

Isaias 22:11

nanggawa kayoy dipositowan ed loob na siudad ya agosan na danum a manlapud daan a dipositowan. Balet ag yo inasasikaso odino anunotan so Dios ya abayag lan angiplano ed sarayan amin tan sikatoy angyabuloy a nasumpal ira.

Isaias 30:16

Ingen, plano yon ibatikan iray kalaban yo diad ikabayo yod saray mabatik a kabayo. Kanyan say ibatik yo so pilalek yon gawaen. Abaloan yon mabatik la ray kabayo yo, balet mabatik ni ray kabayo na onosil ed sikayo!

Isaias 36:6

Iilaloan moy Egipton ontulong ed sika, balet saman a bansa et singa labat bastun a bulawit—napoter tan nasakitan niy limam. Onyay kapara na ari ed Egipto no walay siopaman a manmatalek ed sikato.’”

Isaias 36:9

Ag kayo makasimbang ed anggan sankaabebaan lan opisyal na Asiria, balet iilaloan yo a saray Egipsio et itdan da kayo na saray karwahi tan saray sondalon kumakabayo.

Isaias 43:15

Siak so Katawan, say masanton Dios yo. Pinalsa ta ka, Israel, tan siak so arim.”

Isaias 5:12

Diad saray pista yo wala ray arpa, pandirita, tan plauta tan alak. Balet ag yo natatalusan so gagawaen na Katawan.

Isaias 57:9

Popoyukan yoy laman yo na saray nandoroman pabalingit, insan kayo mangigalang ed dios a Moloc. Diad pananap yo na saray diriyos ya igalang yo, mangibabaki kayod ararawin pasen, ya anggan diad pasen a panaayaman da ray inaatey.

Isaias 64:7

Anggapoy onsisingger ed sikan mampikasi tan onkerew na tulong. Inyamutan mo kami tan inkaindan mo kami lapud saray kasalanan mi.

Isaias 9:12

Say Siria ed bokig tan say Filistia ed sagur sinmangi ran mangakmun ed Israel. Anggaman ontan ag ni tinmonda so pasnuk na Katawan, no ag ingen siansia nin akaonat so lima ton manusa.

Isaias 9:13

Ag nagbabawi ray totood Israel; anggaman a dinusa ra na Katawan a Makapanyarin-amin, ag ira pinmawil ed sikato.

Jeremias 17:5

Say Katawan kuanto, “Dusaen koy toon onarawid siak, tan manmatalek ed too, tan diad biskeg na saray ompatey a totoo.

Jeremias 2:13

ta duaray nankasalanan na saray totook: inkaindan da ak, siak a sobul na mabilay a danum; nankokotkot ira na saray bobun, saray bobun a nanletak kanyan ag makakargay danum.

Jeremias 37:7

“Onsasabin ontulong ed sika ray sondalon Egipsio, balet ompawil irad Egipto.

Ezekiel 17:15

Balet say ari na Juda linmaban tan angibakid Egipto na saray totoo to, ta miala ray kabayo tan saray amayamay a sondalo. Manalo kasi? Diad panggawa tod satan, makabatik kasi? Ag kasi nadusa no sumlangen to may paknaan?

Ezekiel 29:16

Ag lan balut manmatalek ed tulong na Egipto so Israel. Say nagawad Egipto et mangipanunot ed Israel a baleg a lingo so manmatalek ed saray Egipsio. Naamtaan dad satan a siak so Katawan a Dios.”

Daniel 9:13

tan inter mod sikami iray amin a dusan nisulat ed Ganggan nen Moises. Balet anggad natan, O Katawan a Dios mi, ag mi ni gagawaen so pamaliket mid sika diad pangibeneg ed saray kasalanan mi odino pangonur ed katwaan mo.

Oseas 11:5

“Ag da labay so ompawil ed siak, kanyan nepeg ya ompawil irad Egipto tan manoley ed sikara so Asiria.

Oseas 11:9

Ag ta ka dusaen ed pasnuk ko; ag ko la deralen lamet so Israel, Ta Dios ak, aliwan too. Siak a Masanton Dios, wala ed sika. Ag ta ka dagoen a deralen.

Oseas 14:3

Ag ka min balut nilaban na saray taga Asiria, tan ag kami niagel na saray kabayon para bakal. Ag min balut la ibagad saray talintao mi a sikaray Dios mi. O Katawan, kakasian mo ray totoo ya anggapoy napiregan da no ag sika lambengat.”

Oseas 7:7

“Diad inliub na petang na olo ra pinatey da ray manoley da. Impansosoblayan dan pinapatey iray arari ra, et anggapoy kinmerew ed siak na tulong.”

Habacuc 1:12

Katawan, manlapud gapoy gapo Dios ka la. Sika so Dios ko, masanto tan andi-anggaan. Katawan a Dios ko tan manangyagel ko, pinilim iray taga Babilonia tan pinabiskeg mo ra, pian nadusa da kami.

Habacuc 3:3

Onsasabi lamet a manlapud Edom so Dios; onsasabin manlapud kapokdulan na Paran so masanton Dios. Akobutan na kagalangan to so katawenan, tan napno na dayew to so sankamundoan.

Zacarias 10:5

Saray totood Juda et manalo ran singa saray sondalo a gatin-gatinan dad pitek na daladalan iray kalaban da. Mibakal ira lapud kaiba ra so Katawan, tan taloen da ray anggan kumakabayon kalaban da.

Deuteronomio 17:16

Say ari ag nepeg ya amayamay iray kabayo ton para saray sondalo to, tan ag to nepeg ya ibaki ray totoo to a manaliw ed Egipto na saray kabayo, ta imbaga la na Katawan ya ag lan balut ompawil diman iray totoo to.

Deuteronomio 20:1

“No ompaway kayon mibakal ed saray kalaban yo et nanengneng yo ray karwahi tan saray kabayo tan saray sondalon amayamay ni ra nen say sikayo, ag yo ra tatakotan. Say Katawan a Dios yo ya angipaway ed sikayo ed Egipto et kaolup yo.