Isaias 30:9 - Maung A Balita Biblia

⁹ Sikaray totoon onsusumlang lawas ed Dios, matila ra lawas, tan ag da labay lawas so ondengel ed saray bangat na Katawan.

Maung a Balita Biblia

⁹ Sikaray totoon onsusumlang lawas ed Dios, matila ra lawas, tan ag da labay lawas so ondengel ed saray bangat na Katawan.

Isaias 30:9 Iomraidhean Croise

2 Saray Awaran 33:10

Anggaman a pinasakbayan na Katawan si Manases tan saray totoo to, siansian ag da dinengel.

Saray Salmo 78:8

Ag ira magmaliw a singa saray lalaki ra a matonganga tan bangar iran totoo; aliwan malet so panagmatalek dad Dios, tan ag ira nansiansian matoor ed sikato.

Saray Salmo 81:12

Kanyan inabuloyan kon mansiansiay awet na kapusoan da, tan manggawa ray labay dan dili.

Probirbio 28:9

No ag mo oonuren so ganggan, kabosul na Dios a dengelen so pikakasim.

Isaias 1:10

Jerusalem, saray manoley mo tan saray totoom et singa ra saray manoley tan saray totoo ed Sodoma tan Gomorra. Dengel ka ed ibabagad sika na Katawan. Talineng moy ibabangat ed sika na Dios tayo.

Isaias 1:2

Inkuan na Katawan, “Sikayon tawen tan mundo, dengel yoy ibagak! Linmaban ed siak iray pinabaleg kon anak.

Isaias 1:4

Nadudusa ka, sika a makasalanan a bansa, sikayon marotak tan maoges a totook! Ikokotep ka na saray kasalanan mo! Impolisay moy Katawan a masanton Dios na Israel tan imbeneg mo.

Isaias 10:5

Inkuan na Katawan, “Asiria! Ikanak so Asiria a singa pekpek a panusak ed saray totoon pamapasnukan ko.

Isaias 10:6

Imbakik so Asiria ya ondogpa ed sakey a bansan anggapoy Dios to, diad saray totoon amapetang na olok. Imbakik iray taga Asiria a mansamsam, mantakew, tan mangigatin-gatin ed saray totoo a singa ra dotak ed saray dalan.”

Isaias 24:5

Dinotakan na saray totoo so mundo diad insusumlang dad saray ganggan na Dios tan diad impandederal dad andi-anggaan a sipanan.

Isaias 28:15

Ipapanta yo ya akisipanan kayo ed patey tan akipaknaan kayod pasen a panaayaman da ray inaatey. Ag yo panduaduarowaan a napaliisan yoy deral no onsabi, lapud manmamatalek kayo ya iyagel kayo na saray tila tan saray palikdo.

Isaias 30:1

Say Katawan nansalita: “Pangaskasiyan iray manooley ed Juda lapud linmaban irad siak. Totombuken da ray ag ko implano, tan akipakna ra sumpad linawak; pantatabunan day kasalanan a gagawaen da.

Isaias 48:4

Amtak ya anawet so olom, anaweawet a singa balatyang tan ag napiklon singa gansa.

Isaias 5:24

Kanyan natan, no panon a napoolan so dayami tan amagan dika, ontan met a naboluk iray lamut yo tan namagaan iray rosas yo, insan ira itikyab na dagem, lapud impolisay yoy imbangat ed sikatayo na Katawan a Makapanyarin-amin a masanton Dios na Israel.

Isaias 63:8

Say Katawan kuanto, “Sikaray totook; ag da ak palikdoen.” Kanyan inlaban to rad

Isaias 65:2

Sipaparaan ak lawas a mangawat ed saray totook ya anawet so olo ra tan itutuloy day manggaway makapoy tan mangonur ed dilin labay da.

Jeremias 35:14

Inonur na saray kabyangay boleg nen Jonadab so ganggan to ya ag ira oninom na alak, tan anggad natan anggapod sikaray oniinom na alak. Siak balet, ag yo ak oonuren anggaman ya ag ak ontotondan misasalitad sikayo.

Jeremias 7:13

Ginagawa yo ra yay kasalanan a binitlak. Anggaman ya akisalita ak ed sikayon amimpiga-piga, ag kayo dinmengel. Ag kayo inmebat nen tinawag ta kayo.

Jeremias 7:28

Ibagam ed sikara a say bansa ra et ag onoonur ed siak, say Dios dan Katawan; ag ira makakaaral ed panametek ko. Inatey lay katooran da; ag da la anggan sasalitaen.”

Jeremias 9:3

Sipaparaan ira lawas a mantila; katilaan, aliwan katwaan, so manooley ed intiron bansa. Say Katawan kuanto, “Mansosoblayan a kaogsan so gagawaen na saray totook, tan ag da ak bibirbiren a Dios da.”

Ezekiel 24:3

Ibagam ed saray mananumpan totook so sayan alimbawa, a siak a Katawan a Dios kuankod sikara: Itoon yo so kaldiro tan pano yo na danum.

Oseas 4:2

Mansisipan iray totoo, balet ag da lamlamang totooren; mantitila ra, mampapatey iray totoo, mantatakew ira, tan mankakalugoran ira. Mandakel so nagagawan krimin, tan mantotombukay panagpatey na too.

Sofonias 3:2

Ag to dinmengel ed Katawan odino inawat so panametek to. Ag nanmatalek ed Katawan odino kinmerew na tulong to.

Saray Gawgawa 7:51

“Agaylay awet na olo yo! Agaylay ag pangoman na puso yo! Agaylay ag yo idengel ed salitay Dios! Kaparpara yo ray lalaki yo: susumlangen yo met a naynay so Ispiritu Santo!

Deuteronomio 32:20

Inkuanto, ‘Ag ko la ra tulongan; nengnengen kod satan no antoy nagawa ed sarayan anawet so olo tan aliwan matoor a totoo.

Puyan 21:8

Balet saray matakot, saray aliwan mananisia, saray marotak so panagbilay da, saray managpatey na too, saray managkasalanan na inmoralidad, saray managanito, saray manangigalang ed saray talintaoy diriyos, tan amin iray matitila—nibantak ira yan amin ed samay dayat a manliub ya apoy tan asupri, a sikatoy kumadwan patey.”

Puyan 22:15

Balet natilak ed paway na siudad iray marotak so panagbilay da, saray managanito, saray managkasalanan na inmoralidad, saray managpatey na too, saray manangigalang ed saray talintaoy diriyos, tan saray matitila diad salita tan gawa.