Isaias 30:7 - Maung A Balita Biblia

⁷ Andikakanaan a tulong so iter na Egipto. Lapud saya pinangaranan koy Egipto na ‘Say Maamon Dragon.’”

Maung a Balita Biblia

⁷ Andikakanaan a tulong so iter na Egipto. Lapud saya pinangaranan koy Egipto na Say Maamon Dragon.

Isaias 30:7 Iomraidhean Croise

Say Libro nen Job 9:13

Ag napakepa so pasnuk na Dios. Pinapatey to ray kalaban to a tinmulong ed Rahab, Say dragon na dayat ya onsusumpad sikato.

Saray Salmo 87:4

“No ilistak iray bansan ontotoluk ed siak, ipilak so Egipto tan say Babilonia; ipibiang ko a kabyangan na saray totood Jerusalem iray taga Filistia, Tiro, tan Etiopia.”

Saray Salmo 89:10

Binibingkas mon singa bangkay so dragon a Rahab; lapud biskeg na pakayarim tinalom iray kalaban mo.

Exodo 14:13

Inmebat si Moises, “Ag kayo natatakot! Pakpel yoy linawa yo, et nanengneng yo no antoy gawaen na Katawan a pangilaban tod sikayo ed sayan agew; ag yo la napidwan nanengneng ira yan Egipsio.

Probirbio 25:19

Say panilalo no panaoy kairapan ed toon ag napanmatalkan et singa panggatgat na toon mantenyeg so ngipen to, odino panakar na toon lopuy so sali.

Isaias 10:3

Antoy gawaen yo no dusaen kayo na Dios? Antoy gawaen yo no iyakar tod sikayoy deral a manlapud arawin bansa? Iner so batikan yon kereway tulong? Iner so pangyamutan yo na saray kayamanan yo?

Isaias 2:22

Ag kayo la manmamatalek ed too ya ag mansiansian mambilay. Anto tay kakanaan to?

Isaias 20:6

No onsabiy tan a panaon, ibaga na saray totoon manaayam ed gilig na dayat na Filistia, ‘Nengneng yoy agawad saray totoo a nanmatalekan tayon mangyagel ed sikatayod impirador na Asiria! Panoy pakaliktar tayo?’”

Isaias 28:12

Imbaga to ya itdan to kayon amin na inawa tan ligliwa, balet ag kayo dinmengel ed sikato.

Isaias 30:15

Say Katawan a Dios a Masanto na Israel kuanto ed saray totoo, “Pawil kayo tan mandeen kayon manmatalek ed siak. Diad ontan ombiskeg kayo tan niarawi kayod kaatapan.” Balet ag yo labay a gawaen.

Isaias 30:5

magbabawi ray totood Juda diad impanmatalek dad ag napampiaan a bansa, say bansan ag makatulong no ag ingen mangipelag ed sikarad kababaingan.”

Isaias 36:9

Ag kayo makasimbang ed anggan sankaabebaan lan opisyal na Asiria, balet iilaloan yo a saray Egipsio et itdan da kayo na saray karwahi tan saray sondalon kumakabayo.

Isaias 51:9

Liing ka pa, Katawan, ta tulongan mo kami! Ikanam pa so pakayarim ta ilaban mo kami; ikanam pa a singa ginawam nen saman. Sika so nantetegteg ed Rahab a dragon ed dayat.

Isaias 7:4

Ibagam ed sikato a sipaparaan lawas, mansiansian mareen, tan ag ontatakot odino nagugunigon. Say pasnuk nen Ari Rezin tan saray Siriano tan say pasnuk nen Ari Peca et singa labat asewek na duaran napopoolan a bislak.

Jeremias 37:7

“Onsasabin ontulong ed sika ray sondalon Egipsio, balet ompawil irad Egipto.

Saray Tagleey 3:26

Maung so mananos a manalagar ed panangilaban na Katawan.

Oseas 5:13

“Nen anengneng na Israel so ontan lan pansasakit to, tan say Juda et anengneng to ray sugat to, linmay Israel ed Asiria, ta onkerew na tulong ed matalonggaring ya ari, balet ag to ra natambal odino napaabig iray sugat da.