Isaias 30:29 - Maung A Balita Biblia

²⁹ Balet sikayo ran totoo na Dios, manliket tan mankanta kayo a singa gagawaen yo no labi no masanton pista. Manliket kayon singa saray manaakar legan a totogtogen iray plauta diad pamapaarap dad Timplo na Katawan a manangyagel na Israel.

Maung a Balita Biblia

²⁹ Balet sikayo ran totoo na Dios, manliket tan mankanta kayo a singa gagawaen yo no labi no masanton pista. Manliket kayon singa saray manaakar legan a totogtogen iray plauta diad pamapaarap dad Timplo na Katawan a manangyagel na Israel.

Isaias 30:29 Iomraidhean Croise

Saray Salmo 18:31

Bukbukor na Katawan so Dios; say Dios labat so manangyagel tayo.

Saray Salmo 32:7

Sikay pasen a panaamutan ko; sikay mangipaliis ed siak ed gunigon. Maksil ya ikantak so panangilaban mo, ta iyaagel mo ak.

Saray Salmo 42:4

Onsasakit so pusok kapag nanununotan ko ray agawa nen saman, nen kaibak iray karaklan a linmad abung na Dios, tan inwanwan ko rad panaakar da; malikeliket iran mankankanta tan maneeyag na dayew ed Dios.

Saray Salmo 42:5

Akin et onya lay paneermen ko? Akin et mapalaloy kagugunigon ko? Say Dios so panilaloan ko, tan sikato lamet so idayew ko, say manangilaban ko tan Dios ko.

Isaias 12:1

Onsabiy agew a saray totoo mankanta ra: “Idadayew ta ka, Katawan! Mamapasnuk kad siak nen saman, balet natan liligliwaen mo ak tan ambetel lay olom ed siak.

Isaias 17:10

Totood Israel, alingwanan yoy Dios ya angilaban ed sikayo, ya aliling toy baleg a baton-dampay ya angyagel ed sikayo. Nanggagawa kayo la laingen na saray masanton tanamanan ya angigalangan yod dios na arum a bansa.

Isaias 2:3

tan ikuan na saray totoo ra, “Gali dia ta ontatdang itayod palandey na Katawan, diad Timplo na Dios na Israel. Ibangat to itayo na saray labay ton pagawad sikatayo; mankurang itayod saray dalan sa pinili to. Ta manlalapud Jerusalem iray bangat na Katawan; manlapud Sion mansasalitad saray totoo to.”

Isaias 26:1

Onsabiy agew a saray totooy Dios et kantaen dad dalin na Juda yan kanta: Mabiskeg so siudad tayo! Say Dios a dili so mangyaagel ed saray padir to!

Isaias 26:4

Ando lan andon manmatalek kayo ed Katawan, iyagel to itayo lawas.

Isaias 30:28

Ibabaki toy walad arap ton dagem a singa delap a mangyaanur ed amin a bengatla. Ipapalanas ton deralen iray bansa tan patotondaen to ray maoges a plano ra.

Isaias 30:30

Iparengel na Katawan ed balang sakey so mapagalang a bosis to tan ipalikna tod sikaray biskeg na pasnuk to. Wala ed satan so manliub ya apoy, ompelag iray makapal a lorem, oran a kristal, tan mapalalon nepnep.

Isaias 44:8

Ag kayo natatakot, totook! Amta yo a nanlapud saman a panaon ya anggad natan impasakbay koy amin ya agawa, et sikayo ray tasik. Wala ta niy arum a Dios? Wala ta niy makapanyarin dios ya ag kon balut akabatan?”

Jeremias 33:11

iray eyag na liket tan gayaga, tan say tanul na sayaksak ed saray bansal. Narengel yo ray totoon mankanta legan dan mangibabagat ed Timplok na pisasalamat; ikuanda, ‘Misalamat kayod Katawan a Makapanyarin-amin, ta sikato et maung, tan ag mangangga so panangaro to.’ Paaligwasen ko yan dalin a singa samay kipapasen to nen saman. Siak, say Katawan, so nansalita.”

Levitico 23:32

Manlapud kaselek na agew na kumasiam ya agew na bulan ya anggad kapansironget na kumaplon agew ngilinan yo yan agew a sakey a nidoma-doman agew na panagpainawa; legan na sayan agew nepeg ya anggapoy kanen na anggan siopa.

Mateo 26:30

Anganta ray sakey ya imno, insan ira linma ed Palandey na Kaolibaan.

Deuteronomio 16:14

Manliket kayo a pati saray anak yo, saray aripen yo, tan saray Levita, saray sangkaili, saray olila, tan saray balon bibii a manaayam ed saray baley yo.

Deuteronomio 32:31

Amta na saray kalaban da a makapoy iray dilin diriyos da, ag da naaligan so makapanyarin Dios na Israel.

Deuteronomio 32:4

“Say Katawan so makapanyarin manangyagel yo, ayadyari tan matonung ya amin so gagawaen to; Matoor tan matwa so Dios yo; say katonungan tan kaptekan so gagawaen to.

Puyan 15:3

Kakantaen day kanta nen Moises, ya aripey Dios, tan say kantay Kordiro: “Katawan a Dios a Makapanyarin-amin matalonggaring tan makapakel-kelaw iray gawgawam! Ari da ray bansa, saray dalan mo maptek tan tua ra!