Isaias 30:21 - Maung A Balita Biblia

²¹ No onsuawi kayod dalan, narengel yod benegan yo so bosis to a mankuan, “Saya so dalan. Tombuk yo.”

Maung a Balita Biblia

²¹ No onsuawi kayod dalan, narengel yod benegan yo so bosis to a mankuan, Saya so dalan. Tombuk yo.

Isaias 30:21 Iomraidhean Croise

2 Saray Arari 22:2

Ginawa nen Josias so makapaliket ed Katawan; inalig to ray ginagawa nen laki ton Ari David, ta mapeget ton inonur ya amin iray ganggan na Dios.

Saray Salmo 32:8

Kuay Katawan, “Iwanwan ta kad dalan a nepeg mon tombuken; ibangat tan simbawaan ta ka.

Probirbio 4:27

Arawian moy kaogsan tan mankurang kan mapmaptek. Ag ka onsuasuawi na anggan sakey a kutdang ed maptek a dalan.

Isaias 29:24

Naaralan na saray makulang-kulang so ontalus, tan manliket a paibangat iray mariklamo lawas.”

Isaias 42:16

“Itabin ko ray bulag a totook diad saray dalan ya ag da nin balut nanakaran. Pagmaliwen kon liwawa so bilonget da tan pataren koy matibagkul a dalin da. Sikara yay sipan ko, et sumpalen ko ran sumpalen.

Isaias 48:17

Say masanton Dios na Israel, say Katawan a Mananondon yo, kuanto: “Siak so Katawan a Dios yo, say Dios a mangibangat ed sikayo ed pankaabigan yo tan sikatoy mangiwanwan ed dalan na panagbilay a nepeg yon tombuken.

Isaias 58:11

Iwanwan ta kayo lawas tan penekan ta kayo na maabig iran bengatla. Pansiansiaen ta kayon mabiskeg. Magmaliw kayon singa sakey a tanamanan a walay daakan a danum to, singa sobul na danum ya ag balut naekatan.

Jeremias 6:16

Inkuan na Katawan ed saray totoo to, “Manalagey kayod nansasangaan na dalan, tan nengneng kayo; tepet yo no iner so kawalaan da ray dagdaan a dalan tan no iner so kawalaay sankamaungan a dalan. Dalan kayod saya, et nagamuran yoy kareenan.” Balet inkuanda, “Ag kami ondalan ed satan!”

Deuteronomio 5:32

“Sikayo ran totood Israel pampelengan yon sumpalen iray amin ya ingganggan na Katawan a Dios yo. Ag yo susumlangen so anggan dinan a ganggan to.

Josue 1:7

Pabiskeg mo labat so linawam tan manmatalek ka; pampelengan mon onuren so intiron Ganggan ya inter ed sika nen Moises ya aripen ko. Ag mo papaolyan ya onuren so anggan dinan a parti na sayan Ganggan et onaligwas ka ed anggan iner a laen mo.

Josue 23:6

Kanyan pampelegan yon onuren tan sumpalen iray amin a nisulat ed libro na Ganggan nen Moises. Ag yo papaolyan so anggan anton parti na ganggan,

1 Juan 2:20

Balet amin yo amta yoy katwaan, ta niiter lay Ispiritu Santo ed sikayo.

1 Juan 2:27

Balet nipaakar ed sikayo, inter nen Cristo so Ispiritu tod sikayo. Dapot mansiansiay Ispiritu tod sikayo, ag yo nakaukolay siopaman a mangibangat ed sikayo. Say Ispiritu to so mangibangat ed sikayo na amin a bengatla, tan say katwaan so ibangat tod sikayo, aliwan say tila. Onur yo sirin so bangat na Ispiritu tan mansiansia kayod Cristo.

1 Samuel 12:23

Para say siak, ag komun iyabuloy na Katawan a mankasalanan ak diad pangitondak na pangipikasik ed sikayo. Ingen, ibangat kod sikayo no anto ray maung tan maptek a gawaen yo.