Isaias 30:17 - Maung A Balita Biblia

¹⁷ Ombatik, so sanlibod sikayo no nanengneng yoy sakey a sondalon kalaban, et masarag lay limaran sondalo a mamabatik ed sikayon amin. Anggapoy natilak ed saray sondalo yo likud ed begbegtew a bandira ya akabitin ed sakey a tiken a walad tapew na pokdul.

Maung a Balita Biblia

¹⁷ Ombatik, so sanlibod sikayo no nanengneng yoy sakey a sondalon kalaban, et masarag lay limaran sondalo a mamabatik ed sikayon amin. Anggapoy natilak ed saray sondalo yo likud ed begbegtew a bandira ya akabitin ed sakey a tiken a walad tapew na pokdul.

Isaias 30:17 Iomraidhean Croise

Probirbio 28:1

Ombabatik iray totoon maoges anggaman ya anggapoy onoosil ed sikara, balet saray totoon maptek so panagbilay da masebeg ira a singa lion.

Isaias 27:11

Amagaan iray sanga na saray kiew tan apoter-poter ira; saray bibii aalaen da ra yan itongo. Lapud anggapoy atalusan na saray totoo, ag ira abageyen o kasian na Dios a Manamalsa ra.

Isaias 6:13

Anggaman a natilak ed dalin so kakaplod saray totoo, naderal met iray natilak; singa ra sengeg na kiew a robli a binatang.” (Say sengeg iyaaliling toy balon gapowan na saray totoo na Dios.)

Jeremias 37:10

Anggaman a natalom ya amin iray sondalo na Babilonia, ta pian saray nakeraan labat ed sikara et saray sugatan a mandokdokul ed dalem na saray tulda ra, sarayan totoo et looban da ni yan siudad, insan da poolan.”

Saray Tagleey 4:19

Maples nen say agila ed liwang iray onoosil ed sikami. Inosilan da kamid kapalandeyan; tinambangan da kamid kalawakan.

Levitico 26:17

Sumlangen ta kayo pian natalo kayo; oleyan kayo na saray kalaban yo tan diad ontan lan kataktakot yo ombatik kayo anggan anggapoy mangoosil ed sikayo.

Levitico 26:36

“Pagmaliwen ta kayon mapalalon matakot, sikayon nibantak ed arum a bansa, kanyan anggan diad kalasakas labat na bolung ombatik ki la. Ombatik kayon singa oosilan ed bakal tan natumba kayo, anggan anggapoy kalaban ed abay yo.

Levitico 26:8

say limarad sikayo taloen day sanlasus tan say sanlasus taloen day samplon libo.

Amos 2:14

Ag makaarawi iray anggan totoon mabatik; onkapoy iray mabiskeg a totoo, tan ag niagel na saray sondalo so dilin bilay da.

Sofonias 3:12

Mangikera ak diman na mapaabeba ran totoo ya onsingger iran onkerew ed siak na tulong.

Saray Taga Roma 11:17

Saray pigaran sangay oliban intanem so apoter, tan sinoldungan na sangay oliban balang. Sikan Hintil, aliling moy oliban balang, tan natan minanabang kad biskeg tan maung a bilay da ray Judio.

Deuteronomio 28:25

“Say Katawan ipatalo to kayod saray kalaban yo. Dogpaan yo rad sakey a dapag balet ibatikan yo rad amin a dapag, et diad ontan ontakot iray amin a katoowan ed intiron mundo no nanengneng day nagawad sikayo.

Deuteronomio 32:30

Akin et tinalo na sakey a too so sanlibon totoo, tan duara so samplon libo? Say Katawan a Dios da et inkaindan to ra; say makapanyarin Dios da impalima to rad kalaban da.

Josue 23:10

Anggan siopad sikayo nayarian ton pabatiken so sanlibon lalaki, ta mibabakal a para sikayo so Katawan a Dios yo, onung na insipan tod sikayo.