Isaias 30:16 - Maung A Balita Biblia

¹⁶ Ingen, plano yon ibatikan iray kalaban yo diad ikabayo yod saray mabatik a kabayo. Kanyan say ibatik yo so pilalek yon gawaen. Abaloan yon mabatik la ray kabayo yo, balet mabatik ni ray kabayo na onosil ed sikayo!

Maung a Balita Biblia

¹⁶ Ingen, plano yon ibatikan iray kalaban yo diad ikabayo yod saray mabatik a kabayo. Kanyan say ibatik yo so pilalek yon gawaen. Abaloan yon mabatik la ray kabayo yo, balet mabatik ni ray kabayo na onosil ed sikayo!

Isaias 30:16 Iomraidhean Croise

2 Saray Arari 25:5

Balet inosilan na saray sondalon taga Babilonia si Sedekias tan adakep da diad nipatar a pasen ya asingger ed Jerico; inkaindan na amin da ray sondalo to.

Say Libro nen Job 39:11

Napanmatalkan mo so ontan lan biskeg to tan napanilaloan mon gawaen toy kimey mo?

Saray Salmo 147:10

Say Katawan aliwan maliket ed mabiskeg iran kabayo; aliwa met a magayagad saray masebeg a sondalo;

Saray Salmo 33:17

Saray kabayon para bakal et anggapoy nitolung dad pananalo; ag makapangilaban so ontan lan biskeg da.

Isaias 2:7

Napno na pilak tan balituk so dalin da, tan ag nabilang so kayamanan da. Napno na kabayo so dalin da, tan ag nabilang iray karwahi ra.

Isaias 31:1

Pangaskasiyan iray onlan patulongan ed Egipto! Manmamatalek ira ed mabiskeg tan dakerakel a sondalo, kabayo, tan karwahi na Egipto. Balet ag ira manmamatalek ed Katawan a masanton Dios na Israel odino onkekerew na tulong ed sikato.

Isaias 31:3

Aliwan Dios iray taga Egipto—totoo ra labat. Aliwan makapanyari iray kabayo ra. No onggalaw so Katawan, natumba so mabiskeg a bansa tan say tinulongan ton makapoy a bansa. Naderal iran dua.

Jeremias 39:4

Nen si Ari Sedekias na Juda tan amin da ray sondalo to et anengneng day agawa, sinali ran ibatikay siudad legay labi. Pinmaway irad tanamanan na ari, insan ira dinmalan ed puirtan nanleetan na saray duaran padir tan batik iran amaarap ed Patar na Jordan.

Jeremias 4:13

Nengneng yo, onsasabin singa lorem so kalaban. Singa alimbusabos iray karwahi to; mabatik nen saray agila iray kabayo to. Pangaskasiyan iti la! Aderal itayo la!

Jeremias 46:6

Ag makaarawi iray mabatik; ag makataynan iray sondalo. Nipapatakba tan natutumba ra ed baybay ya asingger ed Ilog na Eufrates.

Jeremias 52:7

abungaw na saray kalaban so padir na siudad. Anggaman a nilakob na saray taga Babilonia so siudad, akabatik ya amin iray sondalo na Juda legan na labi. Dinmalan irad tanamanan na ari insan ira dinmalan ed puirtan nanleetan na saray duaran padir tan batik iran amaarap ed Patar na Jordan.

Saray Tagleey 4:19

Maples nen say agila ed liwang iray onoosil ed sikami. Inosilan da kamid kapalandeyan; tinambangan da kamid kalawakan.

Amos 9:1

Anengneng koy Katawan a manalalagey ed abay na altar. Ingganggan to: “Maso yo ray toktok a lusek na Timplo, pian nayegyeg so pundasion. Igeba-geba yod kaoluan da ray totoo. Pateyen kod bakal iray nakdaan a totoo. Anggapod sikaray makaarawi; anggapoy anggan sakey a makabatik ed sikara.

Mikias 1:13

Sikayo ran manaayam ed Lakis, isinta yod saray kabayo iray karwahi. Inaalig yo ray kasalanan na Israel kanyan sikayoy nanlapwan na impankasalanan na Jerusalem.

Habacuc 1:8

“Maples nen saray liopardo iray kabayo ra, tan masebeg ira nen saray narasan ya asod katakelan. Onsasabin nanlapud arawin pasen iray kumakabayo ra; saray kabayo ra idepak-depak day dalin. Onsabi ran mapmaples ya ondogpan singa agilan manisibar na labay ton kanen.

Deuteronomio 28:25

“Say Katawan ipatalo to kayod saray kalaban yo. Dogpaan yo rad sakey a dapag balet ibatikan yo rad amin a dapag, et diad ontan ontakot iray amin a katoowan ed intiron mundo no nanengneng day nagawad sikayo.

Deuteronomio 28:49

Say Katawan mangibaki na onsumpad sikayon sakey a bansan manlapud arawin dalin, ya ag yo amta so salita ray totoo to. Onsibar irad sikayon singa sakey ya agila.