Isaias 30:10 - Maung A Balita Biblia

¹⁰ Ibabaga rad saray propita a mandeen ira. Kuanda, “Ag yo sasalitaen ed sikamiy nipaakar ed kaptekan. Ibaga yod sikamiy labay min dengelen. Pansiasia yod sikami ray balibali ran kogip.

Maung a Balita Biblia

¹⁰ Ibabaga rad saray propita a mandeen ira. Kuanda, Ag yo sasalitaen ed sikamiy nipaakar ed kaptekan. Ibaga yod sikamiy labay min dengelen. Pansiasia yod sikami ray balibali ran kogip.

Isaias 30:10 Iomraidhean Croise

1 Saray Arari 21:20

Nen anengneng nen Acab si Elias inkuanto, “Nalmo mo ak lamet, kalaban ko?” “On, nalmo ta ka lamet,” ebat nen Elias. “Sigput so panggagawam na kaogsan ed arap na Katawan.

1 Saray Arari 22:27

Ibagam ed sikaran ipriso ra tan pakanen da labat na tinapay tan itdan day danum ya anggad isabik ya anggapoy maoges ya agawad siak.”

2 Saray Awaran 16:10

Lapud saya mapalaloy pasnuk nen Asa ed samay propita tan impagolung-golungan to. Diad sayan panaon met, ginapwan nen Asa a pinapairap iray arum a totoo.

2 Saray Awaran 25:16

Tinepet nen Amasias, “Kapigan lay impanggawa mid sikan sumisimbawa na ari? Tonda ka lan mansalita, ta no andi papatey ta ka!” Tinmonda may propita kayari ton inkuan, “Amtak la natan a ginetma lay Dios a deralen to ka, lapud ginawam ira yan amin tan ag mo dinengel so simbawak.”

Say Libro nen Job 41:3

Kerewen tod sika ya ibolus mo? Kerewen tod sikan kasian mo?

Isaias 28:15

Ipapanta yo ya akisipanan kayo ed patey tan akipaknaan kayod pasen a panaayaman da ray inaatey. Ag yo panduaduarowaan a napaliisan yoy deral no onsabi, lapud manmamatalek kayo ya iyagel kayo na saray tila tan saray palikdo.

Isaias 29:10

Impantemeg kayo na Katawan, ngalngali kayo la makalirep na malmalet. Saray propita so nepeg komun a pinagkamata na saray totoo, balet pinerengan ira na Dios.

Isaias 5:20

Pakaskasi kayo la! Ibabaga yo a maoges so maung tan maung so maoges. Pagmamaliwen yo a kabilongetan so liwawa tan say liwawa so kabilongetan. Gagawaen yon ampait so masamit tan masamit so ampait.

Jeremias 11:21

Labay na saray totood Anatot a pateyen da ak, kanyan imbaga rad siak a pateyen da ak no ituloy koy pampulong kod ngaran na Katawan.

Jeremias 23:17

Ibabaga ra lawas ed saray totoo ya ag ondedengel na saray salitak, a maung ya amin so pansumpalan da. Ibabaga rad balang sakey ya anawet so puso to ya ag balut nadiwit na deral.”

Jeremias 26:11

Insan saray papari tan saray propita kuandad saray pangulo tan saray totoo, “Sayan too kanepegan toy pateyen lapud nansalita sumpad siudad tayo. Sikayon dili so akadngel ed sikato.”

Jeremias 29:27

Akin et ag mo ya ginawa ed kinen Jeremias a taga Anatot, ta nampropropisiya ed saray totoo?

Jeremias 36:29

Imbaga na Katawan ed siak ya ikuankod kinen Ari Joakim yan salita to, “Pinoolan mo may babasaen, tan tinepet mod kinen Jeremias no akin et insulat ton onsabi so ari na Babilonia a manderal ed sayan dalin, tan pateyen to ray totoo tan saray ayayep dia.

Jeremias 38:4

Insan inkuan na saray opisyal ed ari, “Nepeg a pateyen yan too. Diad pansasalita toy onya pakakapoyen toy linawa da ray sondalo tan saray arum a totoon walad dalem na siudad. Aliwan pankaabigan na karaklan so aanapen na sayan too, no ag say pakaderalan da.”

Jeremias 5:31

saray propita tilan amin so sasalitaen da; saray papari manooley ira diad panangiganggan na saray propita, et onya so labay da ray totook a nagawa. Balet antoy gawaen da no mangangga la yan amin?”

Amos 2:12

Balet pinainom yo na alak iray Nazareo tan ingganggan yo ray propita ya ag da ipulong iray salitak.

Amos 7:13

Ag ka la dia mampropropisiya ed Betel. Sikato yay pasen a panangigalangan na ari, say timplo ed intiron bansa.”

Mikias 2:11

“Say labay na sarayan totoo et say propitan manakar-akar a tila-tilaan tan palpalikdoen to ray totoo a kuanto, ‘Ipapasakbay kon nawalaan kayo na daakan ya alak tan mabayanin iinomen.’

Mikias 2:6

Saray totoo pupulongan da ak a kuanda, “Ag mo kami pupulongan. Ag mo tan ipupulong ed sikami. Say Dios et ag to kami ipelag ed kababaingan.

Juan 7:7

Ag kayo nayarin bosulen na sankamundoan balet bosulen to ak, lapud papaneknekan kon maoges iray gawa to.

Juan 8:45

Ag yo ak sisiaen lapud ibabagak so katwaan.

Saray Gawgawa 4:17

Balet pian ag la ombuyak yan balita, sebelan ti ran mansalitad anggan siopa na nipaakar ed ngaran nen Jesus.”

Saray Gawgawa 5:28

Inkuanto, “Mapeget mi kayon ingganggan ya ag kayo la mambabangat ed ngaran na sayan too, balet nengneng yoy ginawa yo! Inkayat yod intiron Jerusalem so bangat yo, tan ipapakasalanan yod sikami so impatey to.”

Saray Taga Roma 16:18

Saratan a klasiy totoo et ag da panlilingkuray Criston Katawan tayo, no ag say dilin pilalek da. Lapud malamlamuyot tan masamsamit a pananalita ra, ibabalang da so kanunotan da ray totoon mainomay a natanggoyur.

TAGA GALACIA 4:16

Kabosul yo ak la natan kasi lapud ibabagak ed sikayoy katwaan?

2 Timoteo 4:3

Ta onsabiy panaon a saray totoo et ag da naanosan a dengelen so tuan bangat, no ag ta onuren da lay labay da, tan mangala ra na saray bumabangat ya anggapoy arum ya ibangat da no ag saray labalabay dan dengelen.

2 Timoteo 4:4

Ibeneg da lay ondengel ed katwaan, ta iter da lay oras dad saray tongtongtong.

Puyan 11:7

Kasumpal dan mampulong, ompaway so ayep a walad ag natokur ya abut, tan labanan to ra. Taloen tan pateyen to ra,

1 Samuel 9:9

Inmebat si Saul, “Maung itan! Tala.” Kanyan linma rad baley a panaayaman to may masanton too. Nen ontatatdang iran onlad baley, nabet da ray pigaran bibii ya onlan onasul. Tinepet dad saramay bibii, “Wadya may managparles?” (Diad saman a panaon, managparles so tawag dad sakey a propita, kanyan no walay malabay ya ontepet ed Dios, ikuanto, “Onla tayod managparles.”)