Isaias 3:12 - Maung A Balita Biblia

¹² Papairapen na saray managpaabang na kuarta iray totook tan sasaolen ira na saray akautangan da. Totook, ibabalang kayo na saray pangulo yo, kanyan ag yo amta no iner so laen yo.

Maung a Balita Biblia

¹² Papairapen na saray managpaabang na kuarta iray totook tan sasaolen ira na saray akautangan da. Totook, ibabalang kayo na saray pangulo yo, kanyan ag yo amta no iner so laen yo.

Isaias 3:12 Iomraidhean Croise

2 Saray Arari 11:1

Kadngel nen Atalia ya ina nen Ari Ahazia ed impamatey ed anak to, impapatey ton amin iray kabyangay pamilya na ari.

Say Libro nen Job 30:13

Sasaraan day pakaliktaran ko pian napatey da ak; anggapoy mamatonda ed sikara.

Probirbio 28:16

Say manoley ya ag to ikakanay olo to et magmaliw a maruksan managpairap, balet say manoley a kabosul toy panagsaol et andokey so panoley to.

Ecclesiastes 10:16

Pangaskasiyay kipapasen na sakey a bansa no say manoley to et sakey a tobun-balo tan mampista lawas iray pangulo to.

Isaias 19:14

Ginolo na Katawan so kaisipan da, kanyan makagewgew iray simbawa ra. Lapud saya, nanggagaway maoges so Egipto tan mandongilngil a singa abuek a mankaronyas ed dilin ota to.

Isaias 3:4

Abuloyan na Katawan ya oleyan ira na saray walad kalangweran a kulang na kakabatan tan salsali iray totoo.

Isaias 51:22

iyaagel kayo na Katawan a Dios yo tan kuanto, “Eekalen koy kupan inter kod sikayo lapud pasnuk ko. Ag yo la nepeg ya inomen so alak a makapadongilngil ed sikayo.

Jeremias 5:31

saray propita tilan amin so sasalitaen da; saray papari manooley ira diad panangiganggan na saray propita, et onya so labay da ray totook a nagawa. Balet antoy gawaen da no mangangga la yan amin?”

Mikias 3:5

Saray totook et apalikdo ra na saray propitan mangisisipan na kareenan ed saray mambabayar ed sikara, balet tataktakoten dad bakal iray ag mambabayar. Say Katawan kuantod sarayan klasiy propita,

Nahum 3:13

Singa bibii iray sondalom, tan akaparontal ya anggapoy nagawaan ed arap na saray kalaban mo so bansam. Temeken na apoy iray balewet na saray puirtam.

Mateo 15:14

Paolyan yo ra labat. Bulag iran manangiwanwan; et no itabin na bulag so kapara ton bulag, napelag iran duad banawang.”

Mateo 23:13

“Pakaskasi ki la, sikayon iskriba tan sikayon Pariseo! Mansimpisimpitan a totoo! Ikakaput yoy puirtay Panarian na tawen pian ag makaloob iray totoo. Anta ag yo la labay so onloob ed Panariay tawen, pibabali yo nin sesebelan iray totoon malabay!