Isaias 29:6 - Maung A Balita Biblia

⁶ say Katawan a Makapanyarin-amin iyagel to ka diad panamegley na saray karul tan yegyeg. Mangibaki na saray alimbusabos tan say manliub ya apoy;

Maung a Balita Biblia

⁶ say Katawan a Makapanyarin-amin iyagel to ka diad panamegley na saray karul tan yegyeg. Mangibaki na saray alimbusabos tan say manliub ya apoy;

Isaias 29:6 Iomraidhean Croise

2 Samuel 22:14

Insan manlapud tawen, kinmarul so Katawan; tan nadngel so bosis na Dios a Makapanyarin-amin.

Saray Salmo 55:8

Aporaen koy mananap na siruman ko, pian naliktaran koy mabiskeg a dagem tan say bagyo.”

Isaias 10:3

Antoy gawaen yo no dusaen kayo na Dios? Antoy gawaen yo no iyakar tod sikayoy deral a manlapud arawin bansa? Iner so batikan yon kereway tulong? Iner so pangyamutan yo na saray kayamanan yo?

Isaias 26:14

Inaatey la ra natan tan ag ombangon iray anyani ra; anggan say anino ra anggapo la, tan dinusam tan pinatey mo ra. Anggapo lay makanunot ed sikara.

Isaias 26:21

Say Katawan et onsasabin manlalapud mangatatawen a pasen ya ayaman to tan dusaen to ray totood mundo lapud saray kasalanan da. Nipaamta iray maamut ya impamatey diad tapew na dalin, tan say dalin ag to la iyamut iray apatey-patey.

Isaias 28:2

Say Katawan walay too ton mabiskeg tan makapanyari ya akaparaan ya ondogpa ed sikara; sikatoy onsabi a singa oran a kristal, singa mapmaples ya oran, singa mabiskeg tan maples ya agos na delap, tan lanayapan toy dalin.

Isaias 30:30

Iparengel na Katawan ed balang sakey so mapagalang a bosis to tan ipalikna tod sikaray biskeg na pasnuk to. Wala ed satan so manliub ya apoy, ompelag iray makapal a lorem, oran a kristal, tan mapalalon nepnep.

Isaias 31:9

Ombatik ed takot so ari ra, tan diad gaway kataktakot na saray opisyal, ibatikan da ray bandira rad bakal.” Say Katawan so nansalita—say Katawan a nagagalang ed Jerusalem tan diman mandarlang so apoy to a pampopool ed saray bagat.

Isaias 43:2

No ondalan kad aralem a danum, wala ak ed sika; ag ka natabunan na saray gunigon mo. No ondalan kad apoy, ag ka napoolan; ag ka napasakitan na saray ambelat a subok ya onsabid sika.

Ezekiel 38:22

Dusaen ko diad panamegley na salot tan pateyan. Say makmaksil ya oran a nantarok na yilo, apoy, tan asupri, et ipelag kod sikato, saray sondalo to, tan saray amayamay a bansan akigampid sikato.

Amos 1:14

Lapud saya mangyakar ak na apoy ed saray padir na siudad na Raba tan poolan ko ray tirinsira to. Wala ray eyagan ed satan no agew na bakal, tan manalimbusabos so panlalaban.

Nahum 1:3

Aliwan maipapasnuk so Katawan; balet makapanyari tan ag to aabuloyan ya ag nadusa iray nankasalanan. Ombabagyo so pasen a panaakaran na Katawan; dabuk na saray sali to so kaloreman!

Zacarias 14:5

No ombatik kayo ondalan kayod sayan patar ya onsabid palandey ya anggad biek a dapag. Ombatik kayo a singa ginawa na saray lalaki yo nen agawa so yegyeg diad samay panaon nen Ari Uzias na Juda. Onsabi so Katawan a Dios ko, a kaiba to ray amin ya anghil.

Mateo 24:7

Manlalaban iray bansa; ontan da met iray nanarian. Wala ray onsabin eras tan yegyeg ed nandoroman pasen.

Marcos 13:8

Manlalaban iray bansa; ontan da met iray nanarian. Wala ray onsabin yegyeg ed nandoroman pasen, tan wala ray onsabin eras. Balet saraya et gapo ra labat na kairapan, a singa onaan a pasakit na malokun.

Lucas 21:11

Wala ray onsabin maksil a yegyeg, eras, tan sakisakit diad nandoroman pasen. Onletaw iray makapataktakot a bengatla tan makapakelkelaw iran tandan manlapud tawen.

Puyan 11:13

Diad saman a bekta, yinmegyeg na maksil. Aderal so kakaplon parti na siudad, tan piton libon totoo so inaatey lapud samay yegyeg. Tinmakot iray totoon atilak a mabilay, tan inggalang day Dios na tawen.

Puyan 11:19

Alokasan ed tawen so timplo na Dios, tan anengneng ed timplo to so kaban a kawalaay sipanan. Insan kinmirmat, dinmalagorug, kinmarul, yinmegyeg, tan inmoray dakerakel a kristal.

Puyan 16:18

Kinmirmat, kinmarul, dinmalagorug, tan yinmegyeg na makmaksil. Sikato la yay sankaksilan a yegyeg, nanlapu lad inkapalsay too ed tapew na dalin. Agaylay kasil to!

1 Samuel 2:10

Napatey iray onlalaban ed Katawan; manlapud tawen pakarulan to ra. Sintinsiaan na Katawan so intiron mundo; pabiskegen toy ari to, panaloen toy pinili ton ari.”