Isaias 29:12 - Maung A Balita Biblia

¹² No iyakar yod siopaman ya ag to amtay mambasa tan kerewen yod sikaton ibasa tod sikayo, onebat ya ag to amtan basaen.

Maung a Balita Biblia

¹² No iyakar yod siopaman ya ag to amtay mambasa tan kerewen yod sikaton ibasa tod sikayo, onebat ya ag to amtan basaen.

Isaias 29:12 Iomraidhean Croise

Isaias 29:11

Niamut ed sikayo iray amin a pasingayew a nipaakar ed arapen; magmaliw a singa sakey ya atimbrian a nilokut a babasaen. No iyakar yod siopaman ya amta toy mambasa tan kerewen yod sikaton ibasa tod sikayo, ibaga ton ag to nayarian a basaen lapud atimbrian.

Isaias 29:13

Inkuan na Katawan, “Igagalang da ak ira yan totoo diad panamegley na bibil da, balet arawdawid siak so puso ra. Say rilihion na sarayan totoo et say panagpatlep da labat ed saray abangonan tan saray totontonen ya impaakseb na too.

Isaias 29:18

No onsabi tan ya agew, say telek nayarian ton dengelen so libron nibasa ed maksil, tan say bulag ya abayag lan mambibilay ed kabilongetan et nalokasan iray mata to tan makanengneng.

Isaias 8:16

Sikayo ran disipulok, nepeg a bantayan tan pansiansiaen yo ray salitan inter na Dios ed siak.

Jeremias 5:4

Insan ko ninunot, “Sikara ya labat so mairap-bilay tan anggapoy amta. Makulang-kulang ira; ag da amta so linawa na Katawan; ag da amta so ganggan na Dios da.

Oseas 4:6

Adusa ray totook lapud ag da ak bibirbiren a Dios. Sikayon papari et ag yo ak binirbir a Dios yo tan impolisay yo ray bangat ko, kanyan ipolisay ta kayo tan ag ko birbiren a paparik iray anak yon lalaki.