Isaias 29:10 - Maung A Balita Biblia

¹⁰ Impantemeg kayo na Katawan, ngalngali kayo la makalirep na malmalet. Saray propita so nepeg komun a pinagkamata na saray totoo, balet pinerengan ira na Dios.

Maung a Balita Biblia

¹⁰ Impantemeg kayo na Katawan, ngalngali kayo la makalirep na malmalet. Saray propita so nepeg komun a pinagkamata na saray totoo, balet pinerengan ira na Dios.

Isaias 29:10 Iomraidhean Croise

Saray Salmo 69:23

Bolag mo pa ra, pian ag ira makanengneng; pakapoy mo pa lawas so balangbang da!

Isaias 29:14

Kanyan pakelawen ko ra yan totoo diad panggawak ed sikara na mantotombukan a pakelaw. Saray makabat magmaliw iran makulang-kulang, tan say inkasilib da magmaliw ya andi-kana.”

Isaias 30:10

Ibabaga rad saray propita a mandeen ira. Kuanda, “Ag yo sasalitaen ed sikamiy nipaakar ed kaptekan. Ibaga yod sikamiy labay min dengelen. Pansiasia yod sikami ray balibali ran kogip.

Isaias 43:27

Say sankaonaan a lakim et nankasalanan; nankasalanan ed siak iray pangulom,

Isaias 44:18

Diad gaway inkakulang-kulang da ra yan totoo ag da amtay gagawaen da. Ikokopit day mata ra tan sasaraan day kanunotan da ed katwaan.

Jeremias 4:9

Inkuan na Katawan, “Diad satan ya agew naekalan na biskeg na linawa iray arari tan saray opisyal; natalagnaw iray papari tan nikelawan iray propita.”

Saray Tagleey 4:14

Singa bulag a nanakar-akar ed dalan iray pangulo to, naames iray dala, kanyan anggapoy malabay a maniwit ed sikara.

Ezekiel 14:9

“No apalikdo so sakey a propita diad pangiter toy tilan ebat, siak a Katawan so amalikdod sikato. Sikatoy ekalen kon kabyangan na saray totood Israel.

Mikias 2:6

Saray totoo pupulongan da ak a kuanda, “Ag mo kami pupulongan. Ag mo tan ipupulong ed sikami. Say Dios et ag to kami ipelag ed kababaingan.

Mikias 3:1

Dengel kayo, sikayo ran manoley ed Israel! Sikayo komun so nepeg a mannunot na nipaakar ed katunongan,

Mikias 3:6

“Sikayon propita, ngalngali la manganggay agew yo; naselekan kayo la na agew. Lapud papalikdoen yo ray totook, ag kayo la makanengneng na pasingayew, tan ag kayo la makapampropisiya na tua.”

Saray Taga Roma 11:8

Onung na ibabagay Masanton Sulat, “Initday Dios ira yan totoo na anawet a puso tan olo; saray mata ya ag makanengneng tan saray layag ya ag makadngel, anggad sayan panaon.”

2 CORINTO 4:4

Ag ira manisia ta say dios na sayan mundo et sasakbungan to niy kanununotan da. Sasakbungan to ra, pian ag da nanengneng so liwaway Maung a Balitan nipaakar ed marlang a kagalangan nen Cristo a kaparparay Dios.

1 Samuel 26:12

Kanyan inala nen David so pika tan say pananginay danum a wala rad olowan nen Saul, insan tinmaynan la ra nen Abisai. Anggapoy akanengneng o akaamta ed agawa, o abangon; akaogip iran maung, ta malet so impamaogip na Katawan ed sikaran amin.

1 Samuel 9:9

Inmebat si Saul, “Maung itan! Tala.” Kanyan linma rad baley a panaayaman to may masanton too. Nen ontatatdang iran onlad baley, nabet da ray pigaran bibii ya onlan onasul. Tinepet dad saramay bibii, “Wadya may managparles?” (Diad saman a panaon, managparles so tawag dad sakey a propita, kanyan no walay malabay ya ontepet ed Dios, ikuanto, “Onla tayod managparles.”)