Isaias 28:9 - Maung A Balita Biblia

⁹ Manririklamo ra nipaakar ed siak. Kuanda, “Siopa ray abaloan na satan a too a babangatan to? Siopa ray mankaukolan na saray ibabangat to? Onkana ra labat ed saray kapamakson ogogaw!

Maung a Balita Biblia

⁹ Manririklamo ra nipaakar ed siak. Kuanda, Siopa ray abaloan na satan a too a babangatan to? Siopa ray mankaukolan na saray ibabangat to? Onkana ra labat ed saray kapamakson ogogaw!

Isaias 28:9 Iomraidhean Croise

Saray Salmo 131:2

Ingen mareen tan maliket so panagbilay ko. No panoy kareen na ogaw no walad saray taklay na ina to, ontan so kareen na pusok.

Saray Salmo 50:17

Ag yo labay so pamepetek kod sikayo, ipopolisay yo ray ganggan ko.

Probirbio 1:29

Ag yon balut nilabay a nawalaan kayoy pakaamta tan lawas ag yo tinoluk so Katawan.

Isaias 2:3

tan ikuan na saray totoo ra, “Gali dia ta ontatdang itayod palandey na Katawan, diad Timplo na Dios na Israel. Ibangat to itayo na saray labay ton pagawad sikatayo; mankurang itayod saray dalan sa pinili to. Ta manlalapud Jerusalem iray bangat na Katawan; manlapud Sion mansasalitad saray totoo to.”

Isaias 28:26

Amta ton gawaen iray kimey to, ta say Dios so angibangat ed sikato.

Isaias 30:20

Say Katawan abuloyan to kayon manliknay kairapan, balet wadtan a mangibangat ed sikayo; ag la nakaukolan ya anapen yo.

Isaias 48:17

Say masanton Dios na Israel, say Katawan a Mananondon yo, kuanto: “Siak so Katawan a Dios yo, say Dios a mangibangat ed sikayo ed pankaabigan yo tan sikatoy mangiwanwan ed dalan na panagbilay a nepeg yon tombuken.

Isaias 50:4

Imbangat na Katawan a Dios ed siak so salitaen ko, pian napabiskeg ko so linawa na toon mapaga. Kapag kabwasan iitdan to ak na pilalek ya ondengel ed ibangat to.

Isaias 53:1

Onebat iray totoo, “Siopa kasiy anisia ed ibabalita mi natan? Siopa kasiy akabirbir ed pakapanyari na Katawan ed sayan agawa?

Isaias 54:13

“Siak a dili so mambangat ed saray totoom tan mangiter ed sikara na ontan lan aligwas na bilay.

Jeremias 5:31

saray propita tilan amin so sasalitaen da; saray papari manooley ira diad panangiganggan na saray propita, et onya so labay da ray totook a nagawa. Balet antoy gawaen da no mangangga la yan amin?”

Jeremias 6:10

Inmebat ak, “Siopay ondengel ed siak, no misalita ak ed sikara tan pasakbayan ko ra? Pinepepetan da ray kalayagan da, tan ag ira ondengel ed saray salitam. Elek-elekan da labat so paibabagam ed siak.

Mateo 11:25

Inkuanen Jesus ed satan, “Misasalamat ak ed sika, Ama, Katawan na tawen tan dalin, ta inyamut mo ra yan bengatla ed saray makabat tan makatalus, tan impaamtam ed saray totoon mapaabeban singa saray ogogaw.

Marcos 10:15

Tandaan yo ya! Siopamay ag onabuloy a pasakop ed Panariay Dios a singa sakey ya ogaw, ag balut makaloob ed Panariay Dios.”

Juan 12:38

Asumpal sirin so sinalita nen propita Isaias nen kuanto: “Katawan, siopay anisiad saray imbaga mi? Siopay angipatnagay Katawan na pakayari to?”

Juan 3:19

Onyay impakaawat day sintinsian dusa: sinmabiy silew ed mundo, balet say kabilongetan so inaroy totoo, aliwan say silew, lapud maoges iray gawa ra.

1 Pedro 2:2

Singa saray mansususon ogogaw, pampilalekan yon inomen so puron maispiritun gatas, pian diad paninom yo, ombaleg kayod pananisia ya anggad pakagamur yoy nagnap a kilalaban.