Isaias 28:14 - Maung A Balita Biblia

¹⁴ Dengel yoy ibabaga na Katawan, sikayo ran mapaatagey a totoon manooley ed sarayan totoo diad Jerusalem.

Maung a Balita Biblia

¹⁴ Dengel yoy ibabaga na Katawan, sikayo ran mapaatagey a totoon manooley ed sarayan totoo diad Jerusalem.

Isaias 28:14 Iomraidhean Croise

Probirbio 1:22

“Makulang-kulang a totoo! Anggad kapigan so pansiansia yon makulang-kulang? Kapigan so itonda na panluludlurey yod pakaamta? Ag kayon balut makaaral?

Probirbio 29:8

Saray totoon abebbebay panangipasen dad arum a totoo et nayarian dan gewgewen so intiron siudad. Saray totoon makabat papareenen day baley.

Probirbio 3:34

Balbalawen to ray mapaatagey, balet mangiiter na pankaabigan da ray mapaabeba.

Isaias 1:10

Jerusalem, saray manoley mo tan saray totoom et singa ra saray manoley tan saray totoo ed Sodoma tan Gomorra. Dengel ka ed ibabagad sika na Katawan. Talineng moy ibabangat ed sika na Dios tayo.

Isaias 1:23

Mananumpa iray pangulom tan kakaiba ra na saray matakew; labalabay day mangawat lan mangawat na rigalo tan saray pasoksok. Balet ag da iyaalagey ed korti iray olila, odino onderengel ed pankatonungan na saray balo.

Isaias 28:22

Ag yo eelekan so pasakbay ya iiter kod sikayo. No elekan yo lalon nairapan kayon ompaliis. Nadngel koy getma na Katawan a Makapanyarin-amin a deralen toy intiron bansa.

Isaias 29:20

Sayan agew balet so anggaan da ray mamapairap ed saray arum a totoo tan mangipapanengneng na ag da pangingalngalep ed Dios. Naderal ya amin iray makasalanan.

Isaias 3:12

Papairapen na saray managpaabang na kuarta iray totook tan sasaolen ira na saray akautangan da. Totook, ibabalang kayo na saray pangulo yo, kanyan ag yo amta no iner so laen yo.

Isaias 46:12

“Dengel kayod siak, sikayon totoon anawet ya impanpuso, ya abaloan yon arawi ni so pananalo.

Isaias 5:9

Nadngel kon ibabaga na Katawan a Makapanyarin-amin, “Amin da ra yan ankakabaleg tan mararakep a kaabungan et naderal ira tan ag la ra natoowan.

Jeremias 13:15

Totood Israel, nansalita so Katawan! Mampaabeba kayo tan dengel kayod sikato.

Jeremias 36:23

No nabasa nen Jehudi so talora odino apatiran karasig, salgeren ya ekalen na ari insan to ibontuk ed apoy. Onyay ginagawa to ya anggad apoolan imay intiron babasaen.

Ezekiel 16:35

Natan sirin, Jerusalem, sikan marotak a bii! Dengel moy ibabaga na Katawan:

Oseas 7:5

Diad agew na ponsia na ari binuek day ari tan saray opisyal to tan impagmaliw da ran makulang-kulang.

Amos 6:13

Ipapasirayew yoy impakadakep yod baley na Lodebar. Kuanyo, “Mabiskeg kami kanyan adakep mi so Karnaim.”

Saray Gawgawa 13:41

‘Nengneng yo, sikayon mabalaw! Onkelaw tan ompatey kayo! Ta say kimey a gagawaen kod panaon yo et ag yon balut napanisiaan, anggan walay mangipaliwawad sikayo!’”