Isaias 27:9 - Maung A Balita Biblia

⁹ Balet napirdona labat iray kasalanan na Israel, no natemek a singa katemek na tisa iray baton altar a panangigalangan na saray pagano, tan no anggapoy natilak a tanda na diosan Asera odino altar a panagpoolay insinso.

Maung a Balita Biblia

⁹ Balet napirdona labat iray kasalanan na Israel, no natemek a singa katemek na tisa iray baton altar a panangigalangan na saray pagano, tan no anggapoy natilak a tanda na diosan Asera odino altar a panagpoolay insinso.

Isaias 27:9 Iomraidhean Croise

2 Saray Arari 10:26

inala ran impaway so masanton lusek a wadman, insan da pinoolan.

2 Saray Arari 23:14

Minekmek nen Ari Josias iray baton lusek, binatang tod sengeg so masanton tiken a nisaklang ed diosan Asera, insan to tinabunan na pokel da ray inaatey so dalin a niletnegan da.

2 Saray Arari 25:9

Pinoolan toy Timplo, say palasio, tan say kaabungan na amin da ray totoon atagey so kipapasen ed Jerusalem,

2 Saray Awaran 14:5

Walay kareenan ed nanarian legan na impanoley to lapud inekal tod amin a siudad na Juda iray paganon pasen a panangigalangan tan saray altar a panagpoolay insinso.

2 Saray Awaran 34:4

Diad panangiwanwan to dinederal na saray totoo to iray altar a panangigalangan ed kinen Baal, inggegeba da ray kaabay dan altar a panagpoolan na insinso. Minemekmek da ya anggad dinmabuk iray talintao nen Asera tan saray arum a talintaoy diriyos, insan intatayak day dabuk ed saray lobuk da ray totoon nambabagat ed sarayan diriyos.

2 Saray Awaran 36:19

Pinoolan toy Timplo tan say siudad, pati saray palasio to tan saray kayamanan to, insan inggeba to ray padir na siudad.

Saray Salmo 119:67

Kasakbayan na impanusam ed siak, maoges so kagagawak, balet natan oonuren koy salitam.

Saray Salmo 119:71

Pankaabigan ko so impakadusak, ta naaral ko lalaingen iray ganggan mo.

Exodo 34:13

Igeba yo ingen iray altar da, deral yo ray masanton lusek da, tan batang yo ray tanda na diosa ran Asera.

Probirbio 20:30

No maminsan say makapasinagem a nagawad sikatayo so makaoman na kabibilay tayo.

Isaias 1:29

Ombaing kayo lapud impangigagalang yod saray kiew tan lapud impanggawa yo ray masanton tanamanan.

Isaias 17:8

Ag la rad satan manmatalek ed saray altar a ginaway dilin lima ra, odino manmatalek ed dinan man a ginawa ra—saray tanda na diosan Asera tan saray altar a panagpoolan na insinso.

Isaias 30:22

Alaen yo ray talintao yo a naokupan na pilak tan saray naokupan na balituk, insan yo ra ibantak a singa dotak, tan iyeyag yo, “Ag mi kayo la labay a nanengneng!”

Isaias 4:4

Lapud pakayari na Katawan sintinsiaan tan pasantosen to so bansa tan orasan tod kasalanan so Jerusalem tan ekalen toy dala a naibung diman.

Isaias 40:2

Pabiskeg yoy linawa da ray totoo ed Jerusalem. Ibaga yod sikaran andokey lay paniirap da tan apirdona la ray kasalanan da. Sigput ko la ran dinusa lapud amin a kasalanan da.”

Isaias 48:10

Sinubok ta kayod apoy na kairapan, singa pakalinis na pilak ed palbaan. Balet apapaway kon andi-kakanaan kayo.

Ezekiel 11:18

No ompawil ira, ibantak da ray amin a narurumog dan marotak tan makapaingungot a talintaoy diriyos.

Ezekiel 20:38

Ekalen kod sikayo ray mananumpa tan makasalanan. Ekalen ko rad saray dalin a panaayaman da natan, balet ag ko ra abuloyan ya ompawil ed dalin na Israel. Naamtaan yod satan a siak so Katawan.”

Ezekiel 6:4

Nageba ray altar tan naderal iray altar a panagpoolay insinso. Amin da ray totood man et napatey irad arap na saray talintao ra.

Daniel 11:35

Napatey ira may arum a pangulon makabat, balet lapud sayan nagawa nalinisan iray totoo. Ontuloy yan nagawa ya anggad onsabi so anggaan, say panaon ya inggetar na Dios.

Oseas 14:8

Saray totood Israel et anggapo lay pibali ra ed saray talintaoy diriyos; ebatan ko ray pikakasi ra tan talimaen ko ra. Singa ak malamlambut a kiew a manalimbeng ed sikara. Siak so panlapwan na saray bindision a para sikara.”

Levitico 26:30

Deralen ko ray pasen a panangigalangan yo ed tapew na saray kapokdulan, igebak iray altar a panagpoolan yoy insinso, tan ibontuk kod saray atumtumban talintaoy diriyos iray bangkay yo. Diad gaway pasnuk ko,

Mikias 5:11

Deralen ko ray siudad ed dalin yo tan igebak ya amin iray tirinsira yo.

Zacarias 13:2

Diad satan a panaon ekalen kod bansa so kangaranan da ray talintaoy diriyos, et anggapo lay siopaman a makanunot ed sikara. Paekalen kod dalin so siopaman a mangibagan sikato et propita tan ekalen koy pampilalek da ray totoo ed pangigalang ed saray talintaoy diriyos.

Saray Taga Roma 11:27

Sikato yay isipan kod sikara, no ekalen ko la ray kasalanan da.”

1 CORINTO 11:32

Balet no dusaen itayoy Katawan, labay to itayon peteken, pian ag itayo nasintinsiaay dusa a kaiba tayoy sankamundoan.

Deuteronomio 12:3

Igeba yo ray altar da tan mekmek yo ray masanton lusek da. Poolan yo ray tanda na diosan Asera tan batang yo ray talintaoy diriyos da, pian ag la ran balut nigalang ed saraman a pasen.

Saray Hebreo 12:6

Ta dudusaen na Katawan so inaro to, tan leleweten toy ipapasen ton anak to.”