Isaias 27:3 - Maung A Balita Biblia

³ “Babantayan koy kaubasan ko tan sasalogen ko lawas. Guaguardiaan ko ed agew tan labi, pian anggapoy manderal ed sikato.

Maung a Balita Biblia

³ Babantayan koy kaubasan ko tan sasalogen ko lawas. Guaguardiaan ko ed agew tan labi, pian anggapoy manderal ed sikato.

Isaias 27:3 Iomraidhean Croise

Genesis 6:17

Delapen koy intiron dalin, pian naderal so antokaman a mabilay. Ompatey ya amin iray walad tapew na dalin,

Genesis 9:9

“Misipanan ak ed sikayo tan saray kabyangay boleg yo,

1 Saray Arari 8:59

Lawas nanunotan komun na Katawan yan pikakasik tan saray kerew kod sikato. Lawas kasian to komun iray totoo ton Israelita tan say ari ra ya iter to ray inagew-agew a nakaukolan da.

Saray Salmo 46:11

Walad sikatayoy Katawan a Makapanyarin-amin; say Dios nen Jacob so salimbeng tayo.

Saray Salmo 46:5

Walad saman a siudad so Dios, kanyan ag balut naderal, tan diad palbangon laen ton tulongan.

Isaias 31:5

No panoy pambabantay na manok ed tagey ed obung to pian niagel to ray sibong to, ontan met so pankawanan tan pangyagel kod Jerusalem.”

Isaias 42:6

“Siak, say Katawan, tinawag ta ka tan initdan ta kay pakayari a mangipakurang na inkatonung ed tapew na dalin. Diad panamegley mo misipanan ak ed amin da ray katoowan; diad panamegley mo mangyakar ak na silew ed saray bansa.

Isaias 44:3

“Itdan ko na danum so amagamagan dalin tan paagosen ko so kinmelang a dalin na sobul na danum. Ikalbok ed saray anak mo so ispirituk; iter kod saray kabyangay boleg mo so bindision ko.

Isaias 46:4

Siak so Dios yo tan asikasoen ta kayo anggad ontakken kayo tan ompoti lay buek yo. Ginawa ta kayo tan asikasoen ta kayo; tulongan tan iyagel ta kayo.

Isaias 46:9

Tandaan yo ray agawa nen saman; birbir yon bukbukor koy Dios tan anggapo lay arum a singa siak.

Isaias 49:8

Say Katawan kuantod saray totoo to, “No onsabiy panaon na pangilaban kod sikayo, ipatnag kod siyayoy maung a linawak tan ebatan koy ikekerew yoy tulong. Bantayan tan iyagel ta kayo tan diad panamegley yo misipanan ak ed amin a katoowan. Panayamen ta kayo lamet ed dalin yo a natan et anggapoy kabaliksan to.

Isaias 5:6

Paolyan kon natuboan na saray dika. Ag ko potut-potutay sanga to odino bukalkalen so dalin, no ag ingen paolyan kon kobutan na ambabaing tan arum nin masabit a dika. Iganggan ko ni ingen iray lorem ya ag da terteran na oran.”

Isaias 58:11

Iwanwan ta kayo lawas tan penekan ta kayo na maabig iran bengatla. Pansiansiaen ta kayon mabiskeg. Magmaliw kayon singa sakey a tanamanan a walay daakan a danum to, singa sobul na danum ya ag balut naekatan.

Isaias 60:16

Talimaen ka na saray bansa tan saray arari A singa pangaasikaso na ina ed anak ton melag. Naamtaan mo a siak, so angilaban ed sika, Ya ibobolus ka na makapanyarin Dios na Israel.

Ezekiel 34:11

“Siak a Katawan a Dios ibagak ed sikayo a siak a dili so mananap ed saray karnirok tan asikasoen ko ra

Ezekiel 34:24

Siak a Katawan so magmaliw a Dios da, tan say manoley ed sikara et sakey ya arin singa si aripen kon David. Siak a Katawan so nansalita.

Ezekiel 37:14

Ingasan ko ra et nabilay ira, insan ko ra panayamen ed dilin dalin da. Naamtaan dad satan a siak so Katawan. Insipan ko a gawaen ya—et tuan gawaen ko. Siak a Katawan so nansalita.”

Ezekiel 37:28

No nipasen ko lay Timplok a mansiansia ya anggad angga ed kawalaan da, naamtaan ed satan na saray bansa a siak a Katawan so amilid Israel a sikaray dilin totook.”

1 Samuel 2:9

“Iyagel toy bilay da ray totoo ton matoor, balet naandipat ed kabilongetan iray totoon maoges; ag manalo so too lapud biskeg ton dili.