Isaias 27:10 - Maung A Balita Biblia

¹⁰ Aderal-deral so siudad ya aliber na padir. Ataynan a singa kalawakan ya anggapoy onkitakitaw. Nagmaliw a pastolan na saray baka, a pakapampainawaan tan pakapankabkaban da.

Maung a Balita Biblia

¹⁰ Aderal-deral so siudad ya aliber na padir. Ataynan a singa kalawakan ya anggapoy onkitakitaw. Nagmaliw a pastolan na saray baka, a pakapampainawaan tan pakapankabkaban da.

Isaias 27:10 Iomraidhean Croise

Isaias 17:2

Nakaindan ya anggad angga iray siudad na Siria. Magmaliw iran pastolan na saray karniro tan saray baka, et anggapoy mangablug ed saraya.

Isaias 17:9

No onsabiy tan ya agew, saray siudad ya aliber na padir et nataynanan tan naderal-deral ira, a singa saray siudad a tinataynan na saray Heveo tan saray Amorreo nen imbatikan da ray totood Israel.

Isaias 24:10

Magolo-golo lay siudad tan saray totoo et kakapotan day sikaran dili ed abung da, pian niarawi rad kaatapan.

Isaias 25:2

Impagmaliw mon deral-deral iray siudad tan inggegebam iray padir da. Saray palasion impaalagey na saray kalaban mi et anggad angga la ran naandipat.

Isaias 32:19

Balet onuran na kristal ed saray katakelan, tan nageba so siudad.)

Isaias 35:1

Manliket so kalawakan, tan ombuskag iray rosas diman.

Isaias 49:21

Insan mo ibaga satan ed sikan dili, ‘Siopay angyanak ed sarayan anak a para siak? Abalang ko ray anak ko tan ag ak la makaanak. Nibantak tan apataynan ak ed arawin dalin— siopay amabaleg ed sarayan anak? Atilak ak a bukbukor— iner so nanlapwan na sarayan anak?’”

Isaias 64:10

Singa kabueran iray siudad mo; ataynan ya aderal-deral so Jerusalem,

Isaias 7:21

“No onsabi tan a panaon, say dumaralus ya anggan saksakey so malangwer ton baka tan dugduaray kanding to

Isaias 7:25

Amin da ray kapokdulan ya ataneman nen saman na saray tanaman et natuboan na amayamay a masabit a dika, kanyan anggapoy onlad man. Magmaliw lan pasen a panagpastolan na saray baka tan karniro.”

Jeremias 26:18

“Nen ari ed Juda si Ezekias, si propita Mikias a taga Moreset imbaga tod amin a totoo a say Katawan a Makapanyarin-amin inkuanto, ‘Nabakan singa alog so Sion; magmaliw a bunton na deral-deral so Jerusalem, tan magmaliw a takel so palandey a panalalageyan na Timplo.’

Jeremias 26:6

No ituloy yoy ag mangonur ed siak, gawaen kod sayan Timplo so singa samay ginawak ed Silo tan saray amin a bansa ikana ray ngaran na sayan siudad a sakey a samba.”

Jeremias 52:27

a sakop na dalin na Hamat. Impapasiplatan tan impapatey irad man na ari. Kanyan niarawi rad dalin da iray totood Juda tan nibantak irad arawin pasen.

Saray Tagleey 1:4

Anggapo la natan so oonlad Timplo a mangigalang no agew iran masanto. Saray bibiin kumakantad man et maniirap ira tan manayay labat iray papari. Begtebegtew la ray puirtay siudad tan pangasikasiyan so Sion.

Saray Tagleey 5:18

lapud anggapo lay onkitakitaw a too ed Palandey na Sion, tan saray asod katakelan so akar-akar lad saray deral-deral to.

Ezekiel 36:4

Natan sirin dengel yoy ibabagak, siak a Katawan a Dios, ed sikayo ran kapalandeyan tan kapokdulan, sikayo ran kolus tan patar, sikayo ran pasen ya ataynan ya aderal-deral, sikayo ran ataynan tan asamsaman a siudad tan binabalaw na amin da ray kaliber-liber a bansa.

Mikias 3:12

Kanyan lapud maoges kayo, nabakan singa alog so Sion, magmaliw a bunton na deral-deral so Jerusalem, tan magmaliw a takel so pokdul a kawalaay Timplo.