Isaias 26:7 - Maung A Balita Biblia

⁷ Katawan, pararakepen moy dalan da ray totoon matonung; palanas so dadalanen da.

Maung a Balita Biblia

⁷ Katawan, pararakepen moy dalan da ray totoon matonung; palanas so dadalanen da.

Isaias 26:7 Iomraidhean Croise

1 Saray Awaran 29:17

Amtak a susuboken moy puso na balang too tan maliket kad kaptekan. Diad katooran tan diad kaptekan mabolbolos kon inter ira yan amin ed sika. Anengneng ko a sarayan totoom a nantitipon dia natan et maliket tan mabolus so linawa ran angiter ed sika.

Say Libro nen Job 31:6

Simbangen ak komun na Dios ed anggapoy saol a simbangan, pian nanengneng ton anggapoy kasalanan ko.

Saray Salmo 1:6

Say Katawan iwawanwan tan iyaagel to so toon matonung, balet nabalang ya anggad angga so toon maoges.

Saray Salmo 11:4

Say Katawan walad masanton timplo to; walad tawen so trono to. Babantayan toy amin a katoowan tan amta to ray gagawaen da.

Saray Salmo 11:7

Matonung so Katawan tan aaroen toy maung iran gawgawa; manayam irad kawalaan to iray totoon manggagawad saraya.

Saray Salmo 25:4

Ibangat mo pad siak so linawam; ipaamtam ed siak, O Katawan.

Saray Salmo 25:5

Ibangat mo ak pan mambilay onung ed katwaan mo, ta sikay Dios a Manangilaban ko. Manmatalek ak ed sika lawas.

Saray Salmo 27:11

Katawan, ibangat mo ak pad labay mon gawaen ko, tan itonton mo ak ed dalan ya anggapoy kaatapan, ta amayamay iray kalaban ko.

Saray Salmo 5:9

Ag napanmatalkan so salita da ray kalaban ko; labay da labat so manderal. Maamuyot so panagsalita ra, balet napnoy makapatey a panamalikdo.

Probirbio 11:5

Say kaptekan papainomayen toy bilay na maung a too, balet say toon maoges deralen toy sikaton dili.

Probirbio 20:7

Mapalar iray anak a say ama ra et matwa tan gagawaen toy kaptekan.

Probirbio 21:8

Pikewet so kabibilay na toon managkasalanan, balet maptek so kabibilay na toon matonung.

Probirbio 3:6

Diad amin a gawaen mo nunot mo lawas so Katawan, et iwanwan to kad maptek a dalan.

Probirbio 4:18

Say dalan a pankukurangan da ray totoon matonung et singa ombubutay ya agew ya onliliwawa lan onliliwawa ya anggad maliwliwawa la.

Isaias 30:18

Anggaman ontan, manaalagar so Katawan a mangasid sikayo. Sipaparaan a mangasid sikayo lapud matonung lawas so gagawaen to. Maliket iray totoon manmamatalek ed Katawan.

Isaias 35:8

Niwalad satan so sakey a maawang a dalan a tatawagey, “Say Dalan na Inkasanto.” Anggapoy makasalanan a manakar ed saman a dalan; anggapo rad may makulang-kulang a mangibalang ed saray ondalan.

Isaias 42:16

“Itabin ko ray bulag a totook diad saray dalan ya ag da nin balut nanakaran. Pagmaliwen kon liwawa so bilonget da tan pataren koy matibagkul a dalin da. Sikara yay sipan ko, et sumpalen ko ran sumpalen.

Isaias 52:12

Ag kayo natan nepeg ya ontaynan a magangganat; ag yo ipapasen ya onlilimot kayon ontaynan. Say Katawan a Dios yo so mangiwanwan ed sikayo tan mangyagel ed sikayod amin a dapag.

Isaias 57:2

Ta diad ipatey na saray totoon matonung nagamuran day kareenan tan inawa.

Jeremias 10:23

Katawan, amtak ya anggapoy siopaman a toon walad lima toy pansumpalan to; anggapoy toon nabembenan toy dilin bilay to.

Oseas 14:9

Talusan komun na saray makabat iray nisulat dia, tan dalepdepen dad puso ra. Maptek iray dalan na Katawan, tan pankukurangan ira na saray matonung a totoo, balet katutumbaan na saray makasalanan lapud ipopolisay da ra.

Sofonias 3:5

Balet wala nin siansiad siudad so Katawan; say kamaungan so gagawaen to lawas ya aliwan say kaogsan. Kapag kabwasan ya ag balut nasaew, gagawaen toy katonungan ed saray totoo to. Balet itutuloy na saray totoon maoges so panggagawa ray kaogsan tan ag ira ambaing.

1 CORINTO 4:5

Kanyan ag kayo manisintinsia no aliwa nin panaon to. Manalagar kayo ya anggad isabiy Katawan. Ipalinew tod satan iray bengatlan niamut ed kabilongetan tan ipaamta to ray niamut a getma na katoowan. Diad satan ya oras, naawat na balang sakey so kanepegan ton dayew a manlapud Dios.

2 CORINTO 1:12

Sikato yay nayarian mi ya ikinon: paneknekan na konsinsia mi a masanto tan anggapoy pankonkonwari so pipiolup mid sankamundoan, lautlad pipiolup mid sikayo. Onyay pambibilay mi, lapud baleg a panangaroy Dios, aliwan lapud kakabatay too.

TAGA-EFESO 2:10

Say Dios so Manamalsa tayo, tan diad pikakasakey tid Cristo Jesus pinalsa to itayo a manggaway maung iran gawa a say Dios imparaan to la ran sumpalen tayo.

1 Juan 3:10

Say pandomaan na saray anak na Dios tan saray anak na Diablo et saya: siopamay ag manggagaway katonungan o ag to aaroey agi to, sikatoy aliwan anak na Dios.

1 Juan 3:7

Anak, ag kayo papaibalang ed siopaman! Siopamay manggaway katonungan sikatoy matonung, a singa si Cristo et matonung