Isaias 26:6 - Maung A Balita Biblia

⁶ Panaakar-akaran tan gagatin-gatinan natan na saramay aparpairap nen saman.

Maung a Balita Biblia

⁶ Panaakar-akaran tan gagatin-gatinan natan na saramay aparpairap nen saman.

Isaias 26:6 Iomraidhean Croise

2 Saray Arari 9:33

insan inkuanen Jehu ed sikara, “Ibontuk yo dia tan a bii!” Imbontuk da, et atalaksikan na dala so padir tan saray kabayo. Impadalan nen Jehu ed laman to ray kabayo tan say karwahi to.

Isaias 11:4

onung ed kaptekan so panintinsia tod saray mairap-bilay, tan iyagel to ray katonungan da ray pakaskasi. Diad ganggan to nadusa ray katoowan, tan ompatey iray totoon maoges.

Isaias 25:10

Iyagel na Katawan so Palandey na Sion, balet nigatin iray totoo ed Moab a singa kigatin na dayami ed tai na ayep.

Isaias 28:3

Nagatin-gatinan so panagpaatagey na saray pangulo.

Isaias 29:19

Saray duruka tan mapaabeban totoo et narumog da lamet so liket ya iiter na Katawan a masanton Dios na Israel.

Isaias 3:14

Say Katawan iyaakar tod panagsintinsiaan iray mamasiken tan saray pangulo na saray totoo to. Kuantod sikara, “Sikayoy nanaala na saray bungay kaubasan, tan napno na saray sinamsam yod saray mairap-bilay iray kaabungan yo.

Isaias 3:15

Anggapoy kanepegan yon mamairap ed saray totook tan mamasegsegang ed saray mairap-bilay. Siak, say Katawan a Dios a Makapanyarin-amin, so nansalita.”

Isaias 37:25

Impasirayew mon angotkot ka na saray bobun tan inminom ka na danum ed arum iran dalin, tan pinaekat moy Ilog na Nilo diad panamegley na impanyayarak na saray sondalom.

Isaias 60:14

Saray anak na saramay nampapairap ed sika et ondago ra Tan ondakmomo ra a pamagalang dad sika. Amin da ra may nambabalaw ed sika et igalang da kad saliyan mo. Tawagen da kan ‘Say Siudad na Katawan.’ ‘Sion, say Siudad na masanton Dios na Israel.’

Jeremias 50:45

Kanyan dengel kayod siak a Katawan, dengel yoy implanok sumpad saray taga siudad na Babilonia, tan say ginetmak a gawaen ed saray totoo to. Nagayugoy iray anggan ankekelag ya anak da, tan natalagnaw so balang too.

Daniel 7:27

Niiter ed saray totoo na Sankatageyan a Dios so pakayari tan inkatalonggaring na amin a nanarian ed tapew na dalin. Ag mangangga so nanarian da; manlingkur tan ononur ed sikara iray amin a manoley diad tapew na dalin.”

Sofonias 3:11

Diad satan a panaon, sikayo ran totook et ag yo la nakaukolan so ombaing ed siak, ombaing lapud samay insumpa yod siak. Paekalen koy balang toon mapaatagey, et diad ontan ag yo ak lan balut labanan ed tapew na masanton palandey ko.

Malakias 4:3

Diad agew a siak so onggalaw, natalo yo ray maoges, tan magmaliw iran singa dabuk ed silong na saray sali yo.

Lucas 10:19

Dengel kayo! Initdan ta kayoy pakaoley ya onggatin ed saray oleg tan alakdan, tan maneral na amin a pakayari nen Satanas. Anggapoy makarigsod sikayo.

Saray Taga Roma 16:20

Say Dios a panlalapway kareenan tayo et magano lan pagatin-gatinan toy Satanas ed sikayo. Talimaen kayo komun nen Jesus a Katawan tayo.

1 CORINTO 1:26

Agagi, nunot yo pay kipapasen yo nen tawagen kayoy Dios. Pigpigarad sikayoy makabat, o makapanyari, o bibirbiren ed baley, onung ed panangipasey too.

Santiago 2:5

Dengel kayo, inararok iran agagi! Ag ta say Dios pinili to ray mairap-bilay ed tapew na dalin ya onyaman ed pananisia tan manawir ed Panarian ya insipan tod saray mangaarod sikato?

Josue 10:24

inyakar ed kinen Josue. Tinawag ton amin iray lalaki ed Israel tan ingganggan to ya onsingger ed sikato ira may opisyal ya akilad sikato tan iyan da ray sali ra ed kabeklewan na saramay arari. Ginawa ra so nibagad sikara.

Puyan 2:26

Saray manalo tan mansiansian manggawa na linawak ya anggad kaonuran, itdan ko ray pakaoley a singa inawat kod Amak, salanti say panoley ed saray bansa. Manoley irad panamegley na baston a balatyang, tan mekmeken da ran singa banga.

Puyan 3:9

Dengel ka! Paonlaen ko rad sika tan padakmomoen kod arap mo ray kakaiba nen Satanas a matitila tan mangibabagan Judio ra anta andi, pian nakabatan da ya inaro ta ka.