Isaias 26:5 - Maung A Balita Biblia

⁵ Pinaabeba to ray mapaatagey nen saman; dinederal toy mabiskeg a siudad a nanayaman da, tan inggegeba tod dabuk iray padir to.

Maung a Balita Biblia

⁵ Pinaabeba to ray mapaatagey nen saman; dinederal toy mabiskeg a siudad a nanayaman da, tan inggegeba tod dabuk iray padir to.

Isaias 26:5 Iomraidhean Croise

Saray Salmo 79:8

Ag mo kami pa dudusaen lapud saray kasalanan da ray lalaki mi. Kasian mo kami pa natan; naandi lan amiy ilalo mi.

Isaias 13:11

Say Katawan kuanto, “Mangyakar ak na deral ed tapew na dalin tan dusaen kon amin iray totoon maoges a totoo lapud saray kasalanan da. Ipaabebak ya amin iray totoon mapaatagey tan dusaen kon amin iray totoon malastug tan maruksa.

Isaias 14:13

Ginetmam so onkalab ed tawen tan mangipasen na tronom ed tagey da ray sankatageyan a bitewen. Abaloan mon onirung kan sakey ya ari diad toktok na palandey ed baybay a pantitiponan da ray diriyos.

Isaias 2:12

Diad satan met ya agew say Katawan a Makapanyarin-amin et ipelag tod kababaingan ya amin iray totoon makapanyari, mapaatagey tan mapasirayew.

Isaias 24:10

Magolo-golo lay siudad tan saray totoo et kakapotan day sikaran dili ed abung da, pian niarawi rad kaatapan.

Isaias 25:2

Impagmaliw mon deral-deral iray siudad tan inggegebam iray padir da. Saray palasion impaalagey na saray kalaban mi et anggad angga la ran naandipat.

Isaias 32:19

Balet onuran na kristal ed saray katakelan, tan nageba so siudad.)

Isaias 47:1

Say Katawan kuanto, “Babilonia, epas kad tan ed tronom tan yorung kad dabuk ed dalin. Nen saman singa ka sakey a birhin, sakey a siudad ya ag natalo, balet natan aliwa ka lan anlemek tan masimpit! Aripen ka la natan!

Jeremias 51:37

Insan magmaliw a bunton na deral-deral so Babilonia tan panayaman na saray ayayep ed katakelan. Makapataktakot a nengnengen; anggapod may toon manayam, tan nataktakot ya amin iray makanengneng ed agawa.

Jeremias 51:64

tan ikuanmo, ‘Onyay nagawa ed Babilonia—onlereg tan ag lan balut makaimwas, lapud deral ya iyakar dia na Katawan.’” Dia mansasamput iray salita nen Jeremias.

Saray Tagleey 2:2

Andi-panangasi a dineral na Katawan ya amin iray bario na Juda. Diad pasnuk to inggegeba to ray tirinsira na Juda. Impelag tod kababaingan so nanarian tan amin iray manoley to.

Ezekiel 26:11

Paalimbosabosen na saray sondalon akakabayo iray daladalan mo, tan pateyen da diad panamegley na ispada iray totoom. Nagebad dalin iray mabiskeg a lusek mo.

Ezekiel 28:17

Mapaatagey ka lapud inkaguapom, tan lapud inkabantug mo nagmaliw kan singa makulang-kulang. Lapud saya imbantak ta kad dalin tan tinaynan ta kad man a sakey a pasakbay ed saray arum ya arari.

Puyan 18:2

Ineyaeyag to, “Naplag la! Naplag lay makapanyarin Babilonia! Nagmaliw ya ayaman natan na saray dimonyo, prisowan na saray maoges ya ispiritu, tan obung na amin a klasiy marotak tan makapaingungot a manok.