Isaias 26:3 - Maung A Balita Biblia

³ Katawan, sika so mangiiter na nagnap a kareenan ed saray totoon mangyaapasakey na kanunotan dad sika, tan manmamatalek irad sika.

Maung a Balita Biblia

³ Katawan, sika so mangiiter na nagnap a kareenan ed saray totoon mangyaapasakey na kanunotan dad sika, tan manmamatalek irad sika.

Isaias 26:3 Iomraidhean Croise

1 Saray Awaran 5:20

Nanmatalek irad Dios tan kinmerew ira na tulong to. Say Dios inebatan to ray pikakasi ra tan impanalo to rad saray Agareno tan saray kagampi ra.

2 Saray Awaran 13:18

Lapud saray taga Juda et nanmatalek irad Katawan a Dios na saray lalaki ra, tinalo da ray taga Israel.

2 Saray Awaran 16:8

Ag ta saray taga Etiopia tan saray taga Libia et dakerakel a maung so sondalo ra tan amayamay iray karwahi ra tan saray kumakabayo ra? Balet lapud nanmatalek kad Katawan, impatalo to rad sika.

Saray Salmo 119:165

Walay nagnap a kareenan da ray mangaarod ganggan mo, tan anggapoy bengatlan makatumbad sikara.

Saray Salmo 125:1

Saray manmamatalek ed Katawan et singa ra Palandey na Sion, ya ag balut nagalaw, no ag ingen mansiansia lawas.

Saray Salmo 9:10

Manmatalek ed sika, Katawan, iray makapikabat ed sika; ag mo ibabatikan iray ondaragod sika.

Isaias 12:2

Say Dios so manangilaban ko; manmatalek ak ed sikato, et ag ak antakot. Say Katawan iitdan to ak na pakayari tan biskeg; sikatoy manangilaban ko.

Isaias 26:12

Sika, O Katawan, so mamaaligwas na bilay mi; sikay makankimey ed amin da ray gagawaen mi.

Isaias 27:5

Balet no saray kalaban na saray totook et pilalek dan iyagel ko ra, pikaaro yo rad siak. On, pikaaro yo rad siak.”

Isaias 31:1

Pangaskasiyan iray onlan patulongan ed Egipto! Manmamatalek ira ed mabiskeg tan dakerakel a sondalo, kabayo, tan karwahi na Egipto. Balet ag ira manmamatalek ed Katawan a masanton Dios na Israel odino onkekerew na tulong ed sikato.

Isaias 32:17

Lapud say inkatonung so gawaen na balang sakey, mansiansiad dalin so kareenan tan niarawid kaatapan.

Isaias 32:18

Naandiy kapagaan ed bilay da ray totooy Dios, tan niarawid kaatapan so kaabungan da tan manayam so kareenan. (

Isaias 42:19

Wala ta niy mapalaloy inkabulag to nen say aripen ko, mapalaloy inkatelek to nen say aripen kon ibabakik?

Isaias 42:6

“Siak, say Katawan, tinawag ta ka tan initdan ta kay pakayari a mangipakurang na inkatonung ed tapew na dalin. Diad panamegley mo misipanan ak ed amin da ray katoowan; diad panamegley mo mangyakar ak na silew ed saray bansa.

Isaias 48:2

Anggaman ontan ikikinon yon ibaga a mibabaley kayod masanton siudad tan manmamatalek kayod Dios na Israel, a say ngaran to et Yahweh a Makapanyarin-amin.

Isaias 49:8

Say Katawan kuantod saray totoo to, “No onsabiy panaon na pangilaban kod sikayo, ipatnag kod siyayoy maung a linawak tan ebatan koy ikekerew yoy tulong. Bantayan tan iyagel ta kayo tan diad panamegley yo misipanan ak ed amin a katoowan. Panayamen ta kayo lamet ed dalin yo a natan et anggapoy kabaliksan to.

Isaias 50:1

Say Katawan kuanto, “Abaloan yo amon pinataynan ko ray totook a singa sakey a lakin angisian na asawa to? Kawalaan sirin na saray kasulatan na impansian? Abaloan yo amon inlako ta kayo ed inkadakep a singa sakey a too ya inlako ton aripen iray anak to? Andi, adakep kayod arawi lapud saray kasalanan yo; apataynan kayod arawi lapud saray kaogsan a ginagawa yo.

Isaias 50:10

Amin yon mangigagalang ed Katawan tan mangoonur ed saray salita na aripen to, nayarin ambilonget a tua so dadalanen yo, balet manmatalek kayod Katawan, ipia yod Dios so bilay yo.

Isaias 66:12

Say Katawan kuanto, “Iyakar kod sikayoy ag manganggan aligwas; saray kayamanan na saray bansa onagos irad sikayo a singa sakey ya ilog ya ag balut naekatan. Magmaliw kayon singa sakey ya ogaw ya aasikasoen na ina to, aampopoen to, tan aaroen to.

Jeremias 39:18

Iyarawi ta kad kaatapan, tan ag ka napatey. Nipaliis kad patey lapud nanmatalek kad siak. Siak, say Katawan, so nansalita.”

Daniel 3:17

No say Dios a panlilingkuran mi et nayarian to kamin iyagel ed manliub a palbaan tan diad pakayarim, iyagel to kami.

Daniel 3:28

Samay ari kuanto, “Nagalang so Dios di Sadrac, Mesac, tan Abednego! Imbaki toy anghil to ya angyagel ed sarayan lalakin manlilingkur tan manmamatalek ed sikato. Sinumlang da ray ganggan ko tan imposta ray bilay da diad ag da indakmomo tan impangigalang ed dinanman a dios likud ed Dios da.

Daniel 6:23

Ontan lay impakaliket na ari tan ingganggan to ya aonen ed abut si Daniel. Kanyan inaon da tan anengneng da ya ag balut asakitan, ta nanmatalek ed Dios.

Mikias 5:5

tan sikatoy mangyakar na kareenan. No looban na saray taga Asiria so bansa tayo, mangibaki tayo na saray mabisbiskeg a pangulo ya onlaban ed sikara.

Juan 14:27

“Itilak kod sikayoy kareenan; say kareenan kon dili so iter kod sikayo. Aliwan singa panangiter na sankamundoan so pangiter kod sikayo. Ag komun nagunigon tan ontakot so puso yo.

Juan 16:33

Imbagak yad sikayo, pian nawalaan kayoy kareenan diad pikasakey yod siak. Manirap kayo diad mundo, balet pabiskeg yoy linawa yo! Tinalok lay sankamundoan!”

Saray Taga Roma 5:1

Natan ta apaandi la ray kasalanan tayod arap na Dios lapud pananisia, wala lay kareenan tid Dios diad panamegley nen Jesu-Cristo.

FILIPOS 4:7

Tan say kareenay Dios a palabsanan toy pakatalus na too so mangasikasod puso tan nunot yo, diad panamegley nen Cristo Jesus.