Isaias 26:20 - Maung A Balita Biblia

²⁰ Loob kayod saray kaabungan yo, sikayon totook, tan isara yoy puirta. Amut kayon magano ya anggad onkepay pasnuk na Dios.

Maung a Balita Biblia

²⁰ Loob kayod saray kaabungan yo, sikayon totook, tan isara yoy puirta. Amut kayon magano ya anggad onkepay pasnuk na Dios.

Isaias 26:20 Iomraidhean Croise

Genesis 7:1

Inkuan na Katawan ed kinen Noe, “Loob kad biong, sika tan amin a kabyangay pamilyam, ta nalmoan ko a diad intiron mundo sika labat so matonung ed arap ko.

Genesis 7:16

iray kaiba nen Noe a linmoob ed biong. Insan kinaputan na Katawan si Noe ed dalem na biong.

Say Libro nen Job 14:13

Iyamut mo ak komun ed pasen a panaayaman da ray inaatey; iyamut mo ak diman ya anggad napakepay pasnuk mo, insan iganam so panaon a nunoten mo ak.

Saray Salmo 143:9

Onaasinger ak a paiyagel ed sika, Katawan; iyagel mo ak pad saray kalaban ko.

Saray Salmo 17:8

Iyagel mo ak pan singa panangyagel mod saray matam; iyamut mo ak pad silong da ray payak mo,

Saray Salmo 27:5

No panaoy kairapan salimbengan to ak; iyamut to ak ed Timplo to tan itapew to ak ed baton-dampay, pian ag ak nasigensigen.

Saray Salmo 30:5

Mangangganon onkekepay sanuk to, balet anggad samput na bilay so kaabigan to. Nayarin walay ermen no labi, balet onsoblay so gayaga no kabwasan so onsabi.

Saray Salmo 31:20

Lapud kiwawalam iyaagel mo ra ed saray komplut da ray totoo; diad anggapoy kaatapan a pasen, iyaamut mo ra ed saray panagpabaing na saray kalaban da.

Saray Salmo 32:7

Sikay pasen a panaamutan ko; sikay mangipaliis ed siak ed gunigon. Maksil ya ikantak so panangilaban mo, ta iyaagel mo ak.

Saray Salmo 57:1

Kasian mo ak pa, O Dios, kasian mo ak pa, ta ondarago ak sika pian arawi ak ed kaatapan. Diad silong da ray payak mo, niyaagel ak ya anggad ilabas na saray maksil a bagyo.

Saray Salmo 57:2

Ontatawag ak ed Dios a Sankatageyan, diad Dios a mangiiter na amin a nakakaukolan ko.

Saray Salmo 91:1

Siopamay onlan onsalimbeng ed Katawan, siopamay mansiansiad silong na panangyagel na Makapanyarin-amin,

Saray Salmo 91:4

Sayakopen to kad saray payak to; arawi kad kaatapan diad silong na panangasikaso to; iyagel tan ilaban ka na inkatoor to.

Saray Salmo 94:13

Iitdan mo na inawa no panaoy gunigon, anggad pakakotkot na abut a pamatit ed saray makasalanan.

Probirbio 18:10

Say Katawan et singa mabiskeg a torin nasalimbengan na saray totoon matonung, pian niarawi rad kaatapan.

Probirbio 22:3

Saray totoon ikakana ray olo ra nanengneng dan onsasabi so kaatapan, et paliisan da, balet saray totoon kulang na kanunotan subaen da, et nasagmak day kairapan.

Isaias 10:25

Magano lan nasumpal so panudusak ed sikayo; kayari to deralen kod satan iray taga Asiria.

Isaias 10:5

Inkuan na Katawan, “Asiria! Ikanak so Asiria a singa pekpek a panusak ed saray totoon pamapasnukan ko.

Isaias 13:5

Onsasabi ran nanlapud ararawin bansa diad saray samput na dalin. Diad pasnuk na Katawan onsasabi a maneral ed intiron bansa.

Isaias 34:2

Mamapasnuk so Katawan ed amin da ray bansa tan amin a sondalo ra. Sinintinsiaan to la ran napatey.

Isaias 51:16

Impanat koy katawenan tan inlirak iray pundasion na mundo; kuankod saray totood Jerusalem, ‘Sikayo ray totook! Iter kod sikayo ray salitak, tan iyaagel ta kayo diad panamegley na dilin limak.’”

Isaias 51:4

“Dengel yo ak, sikayo ran totook, dengel yoy ibabagak: Iter koy bangat ko ed saray bansa; mangiter ed sikara na liwawa iray ganggan ko.

Isaias 66:14

Manggayaga kayo naani no nanengneng yo yan nagawa; pabiskegen to kayo tan paabigen toy laman yo. Naamtaan yod satan a siak, say Katawan, tutulongan ko ray mangoonur ed siak, tan idapok so pasnuk kod saray kalaban ko.”

Jeremias 31:14

Peneken ko na mananam a kakanen iray papari, tan iter koy amin a nakaukolan na saray totook. Siak, say Katawan, so nansalita.”

Jeremias 7:23

Balet ingganggan kod sikaran onuren da ak, pian siak so magmaliw a Dios da tan sikaray magmaliw a totook. Imbagak ed sikara a mambilay ira onung na ingganggan kod sikara, pian maung so kasumpalan da.

Ezekiel 11:16

“Natan, ibagam ed saray kaparam a totoon nibantak so ibabagak. Siak so angyakar tan angitaytayak ed sikaran manayam ed saray arum a bansa. Anggaman ontan, legan dad man a manayam, wala ak ed sikara diad saray dalin a nibantakan da.

Daniel 11:36

“Gawaen na ari na Siria so labay to. Ipaatagey toy sikaton dili tan ibaga ton sikatoy matalonggaring nen say dinanman a dios, anggan say Sankatageyan a Dios. Nagawaan to ya, anggad panaon a panusay Dios ed sikato. Gawaen na Dios so onung na implano ton gawaen.

Sofonias 2:3

Singger kayod Katawan, amin yon mapaabeban totoo ed bansa, sikayon manusumpal na saray ganggan to. Manggawa kayo na kaptekan, tan mampaabeba kayo ed arap na Katawan. Angangko napaliisan yoy dusa no agew ya idapo na Katawan so pasnuk to.

Mateo 23:37

“Jerusalem, O Jerusalem! Papateyen mo ray propita tan tutupaken mo ray totoon imbakiy Dios ed sika! Amimpiga-pigan labay kon tiponen iray anak mo, a singa panitipon na nganak ed saray siwsiw to diad silong na payak to, balet ag mo labay!

Mateo 6:6

No mampikasi ka, loob kad kuartom tan ikaput moy puirta, insan ka mampikasi ed Amam ya ag nanengneng. Say Amam a makakanengneng na gagawaen mod maamut so mangiter ed sika na tumang.

2 CORINTO 4:17

Sayan daiset tan ag magnayon a kairapan a sasakbaten mi et mambungay baleg, magnayon, tan ag miparan kagalangan.