Isaias 26:19 - Maung A Balita Biblia

¹⁹ Mambilay lamet iray totoo min inaatey! Nabilay iray bangkay da. Amin da ray nanaogip ed saray lobuk da et ombangon ira tan mankanta rad liket. No panon a pabebetelen na linaew so dalin, ontan met a pabilayen na Katawan iray abayag lan inatey.

Maung a Balita Biblia

¹⁹ Mambilay lamet iray totoo min inaatey! Nabilay iray bangkay da. Amin da ray nanaogip ed saray lobuk da et ombangon ira tan mankanta rad liket. No panon a pabebetelen na linaew so dalin, ontan met a pabilayen na Katawan iray abayag lan inatey.

Isaias 26:19 Iomraidhean Croise

Say Libro nen Job 14:8

Anggaman a matakken la ray lamut to, tan aboluk lad dalin so akeraan a sengeg to,

Say Libro nen Job 29:19

Singa ak kiew a kinmayamkam ed danum iray lamut to, tan kapag labi binasa na linaew iray sanga to.

Saray Salmo 110:3

Maabuloy iray totoom a milaban no agew a mibakal kad saray kalaban mo. Singa linaew ed kabkabwasan saray balolakim onla rad sika diad saray masanton pokdul.

Saray Salmo 22:15

Say kolukolung ko et amagaan a singa dabuk, tan ompepeket so dilak ed tawen-tawen ko. Tinaynan mo ak ya ompapatey ed dabuk.

Saray Salmo 22:29

Ondakmomod sikato iray amin a totoon mapaatagey; ondakmomod sikato iray amin a totoon manganggay bilay da.

Saray Salmo 71:20

Initdan mo ak na saray amayamay a gunigon tan irirap, balet ipawil moy biskeg ko; ipaliis mo ak ed lobuk.

Saray Salmo 88:11

Nibabawag ed lobuk so ag mangoman a panangarom? Diad pasen a pakadudusaan na saray inaatey nibabawag so katooran mo?

Isaias 18:4

Inkuan ed siak na Katawan, “Manlapud tawen ag nalikas so iyosdung ko a singa ipepelag na linaew no panaon na panaganin masalimoot so labi, odino singa ampetapetang ya agew ya onsisinag no kagkaagewan.

Isaias 25:8

Deralen Katawan a Dios ed ando lan ando so patey! Ponasen toy lua ed kamataan na balang sakey a too tan ekalen to so kababaingan ya inkaplagan na saray totoo to diad intiron mundo. Say Katawan a dili so nansalita.

Isaias 51:17

Jerusalem, liing ka! Molagat ka tan bangon ka! Inminom kad kupa na dusa a diad pasnuk na Katawan et inter tod sikan inomen mo; ininom mo, et nampadongilngil ed sika.

Daniel 12:2

Onolid bilay iray amayamay ed saray inaatey la: manliket ed bilay ya andi-anggaan iray arum balet manliknay andi-anggaan a kababaingan iray arum.

Oseas 13:14

Ag ko ra ilaban ed pakayari na pasen a panaayaman da ray inaatey odino iyagel ira ed pakayari na patey. O patey, ipadalan mo lay salot mo! O pasen a kawalaan da ray inaatey, ipadalan mo lay panagderal mo! Ag ko la kasian ira yan totoo.

Oseas 14:5

Diad saray totood Israel, magmaliw ak a singa oran ed amagan dalin. Ombuskag iran singa saray rosas; onaralem a maung so lamut da, a singa saray kakiewan ed Libano.

Oseas 6:2

Diad loob na duara odino taloran agew pabilayen to itayo, tan mambilay itayod arap to.

Zacarias 8:12

Anggapoy manigensigen ed sikara ed pantanem da. Mambunga ray sengeg na ubas da, mangiter na bungay tanaman so dalin da, tan daakan so ompelag ya oran. Iter ko ra yan amin a bindision ed saray totook ya akapaliis ed patey.

Mateo 27:52

alokasan iray lobuk, tan amayamay ya inaatey lan totooy Dios so apaolid bilay.

Mateo 27:58

Linmad kinen Pilato tan kinerew ton alaen so bangkay nen Jesus, kanyan ingganggan nen Pilato ya iter dad sikato.

Saray Gawgawa 24:15

Mailalo ak met ed Dios, a singa sikara, ya onolid bilay ya amin iray totoo, matonung man ira o andi.

1 CORINTO 15:20

Balet say katwaan et naolid bilay si Cristo a pamaneknek a naolid bilay iray inaatey.

TAGA-EFESO 5:14

ta amin a naliliwawaan et magmamaliw a silew. Kanyan onyay kuanda, “Bangon ka, sikan nanaogip, bangon kan manlapud patey, silewan to ka nen Cristo.”

Deuteronomio 32:2

Napelag a singa oran so bangat ko tan magmaliw a singa linaew ed dalin. Saray salitak ompelag a singa mayamaya ed saray malangwer a tanaman, singa makalkalnan oran ya ompelag ed malambut iran dika.

Deuteronomio 33:13

Nipaakar ed tribu nen Jose inkuanto: “Say Katawan bindisionan to komun na oran so dalin da. Bindisionan to met komun na danum a manlapud dalem na dalin.

Deuteronomio 33:28

Kanyan manaayam ya arawid kaatapan iray kabyangay boleg nen Jacob, mareen so bilay dad sakey a dalin a daakan so trigo tan alak, diad dalin a linaew so manasalog.

FILIPOS 3:10

Say pilalek ko lan nagamuran natan et say pakapikabat kon maung ed Cristo, say pakasalik na pakayariy inkioli to, say pakapinabang kod impanirap to, tan say pakapiparak ed impatey to,

FILIPOS 3:21

Diad sayan ipawil to, salatan to yay magter a laman tayo na singa laman ton mapagalang. Gawaen to ya, diad panamegley na pakayarin pakapasuko tod pakaoley to na saray amin a bengatla.

1 Samuel 2:6

Say Katawan mamatey tan mamabilay; ibaki tod pasen a panaayaman da ray inaatey iray totoo, tan agwaten to ra.