Isaias 26:1 - Maung A Balita Biblia

¹ Onsabiy agew a saray totooy Dios et kantaen dad dalin na Juda yan kanta: Mabiskeg so siudad tayo! Say Dios a dili so mangyaagel ed saray padir to!

Maung a Balita Biblia

¹ Onsabiy agew a saray totooy Dios et kantaen dad dalin na Juda yan kanta: Mabiskeg so siudad tayo! Say Dios a dili so mangyaagel ed saray padir to!

Isaias 26:1 Iomraidhean Croise

Esdras 3:11

Nankakanta ra a pangidayew tan pisalamat dad Katawan. Inolit-olit dan kinanta yan parti na kanta: “Maung so Katawan tan say ag mangoman a panangaro tod Israel et andi-anggaan.” Inmeyag so balang sakey na anggaay nayarian to; indayew day Katawan lapud nigapo lan niletneg so pundasion na Timplo.

Saray Salmo 31:21

Nadayew komuy Katawan! Makapakelaw so impangipanengneng toy panangaro tod siak, nen aliktub tan adogpaan ak!

Saray Salmo 48:12

Totoo na Dios, liber yoy Palandey na Sion tan bilang yo ray tori to;

Saray Salmo 48:4

Nantitipon iray arari tan dinmago ran dinmogpa ed Palandey na Sion.

Isaias 12:1

Onsabiy agew a saray totoo mankanta ra: “Idadayew ta ka, Katawan! Mamapasnuk kad siak nen saman, balet natan liligliwaen mo ak tan ambetel lay olom ed siak.

Isaias 14:31

Kolyaot tan kerew kayo na tulong, amin yon totood siudad na Filistia! Takot kayo, amin yo! Ta onsasabin manlalapud baybay so makapal a dabuk—sakey ya olup na saray sondalo ya anggapod sikaray matakot.

Isaias 2:11

Onsabiy agew a mansamput so panagpaatagey na too tan naderal so panagpasirayew na amin a katoowan. Insan say Katawan labat so nitanduro ed satan.

Isaias 2:20

No onsabiy tan ya agew ibantak na saray totoo iray pilak tan balituk a talintaoy diriyos a ginagawa ra, tan itilak da rad kawalaan da ray otut tan saray kolalaknit.

Isaias 25:9

No nagawa la ya, say balang too ikuanto, “Sikatoy Dios mi! Nanmatalek kami ed sikato, kanyan inyagel to kami. Sikato so Katawan! Nanmatalek kami ed sikato, et natan maliket tan magayaga kami lapud inyagel to kami.”

Isaias 31:5

No panoy pambabantay na manok ed tagey ed obung to pian niagel to ray sibong to, ontan met so pankawanan tan pangyagel kod Jerusalem.”

Isaias 31:9

Ombatik ed takot so ari ra, tan diad gaway kataktakot na saray opisyal, ibatikan da ray bandira rad bakal.” Say Katawan so nansalita—say Katawan a nagagalang ed Jerusalem tan diman mandarlang so apoy to a pampopool ed saray bagat.

Isaias 33:5

Matalonggaring a tuloy so Katawan! Ooleyan toy amin a bengatla. Panoen to na kaptekan tan inkatonung so Jerusalem,

Isaias 33:6

tan iletneg ton malet so bansa. Iyagel to lawas iray totoo to tan itdan to ray kakabatan tan pakatalus. Say sankabalegan dan kayamanan et say pangigagalang dad Katawan.

Isaias 4:2

Onsabiy panaon a say Katawan pabalegen tan pagmaliwen ton marakep so balang tanaman tan kiew a walad dalin. Amin da ray nakdaan a totood Israel et ikinon tan panliketan da ray bungay dalin.

Isaias 5:1

Dengel kayo legan kon manganta, sakey a kanta na kaarok nipaakar ed kaubasan to: Say kaarok walay kaubasan to ed toktok na pokdul a matabay dalin to.

Isaias 56:5

nanunotan ed Timplok tan diad saray totook so ngaran mo. Mabayag ni so pakanunot ed sika nen say no wala ray anak mon lalaki tan bibii. Ag kan balut nalingwanan.”

Isaias 60:18

Ag la narengel iray tanul na panamairap; Anggapo lay nagawan panagderal ed dalin mo. Magmaliw ak a singa padir a mangyagel ed sika. Idayew mo ak lapud inlaban ta ka.

Isaias 62:10

Sikayon totood Jerusalem, paway kayod siudad Tan manggawa kayoy dalanen na saray ompapawil a totoo yo! Mangiparaan kayoy maawang a dalan; ekalan yo na saray bato! Mangyan kayo na saray tanda, pian naamtaan na saray bansa

Isaias 62:11

A say Katawan ibabawag tod intiron mundo: “Ibaga yod saray totood Jerusalem A say Katawan onsasabin mangilaban ed sikayo, Kaiba to ray totoon inyagel to.”

Jeremias 33:11

iray eyag na liket tan gayaga, tan say tanul na sayaksak ed saray bansal. Narengel yo ray totoon mankanta legan dan mangibabagat ed Timplok na pisasalamat; ikuanda, ‘Misalamat kayod Katawan a Makapanyarin-amin, ta sikato et maung, tan ag mangangga so panangaro to.’ Paaligwasen ko yan dalin a singa samay kipapasen to nen saman. Siak, say Katawan, so nansalita.”

Ezekiel 40:5

Say anengneng ko et say Timplo ya apaliberan na padir. Inala na samay laki imay panagsukat ton bislak a taloran mitro so karokey to, insan to sinukat imay padir. Taloran mitro so kaatagey to tan taloran mitro so kakapal to.

Zacarias 2:5

Insipan na Katawan a sikaton dili so magmaliw a padir na apoy ed liber-liber na siudad a mangyagel tan manayam diman a napnoy kagalangan.”

Zacarias 2:9

“Say Katawan a dili so onlaban ed sikayo, tan samsaman kayo na saray totoon aripen yo nen saman.” No nagawa la ya, naamtaan na balang too a siak so imbaki na Katawan a Makapanyarin-amin.

Saray Bilang 21:17

Diad saman a panaon saray Israelita kinanta ra: “Bobun, papaway moy danum mo; Et ilugay mi diad panamegley na sakey a kanta—

Mateo 16:18

Kanyan kuankod sika: sakey kan baton-dampay, Pedro, tan diad tapew na sayan baton-dampay a pundasion, ipaalagey koy iglisiak ya ag taloen na anggan say pakayari na patey.